DÂNIAH 2:40 - Mara Bible RV (BSI)

⁴⁰ Chatawhcha khinarâh miapalihna, thua hawhta thatlôpa a vaw duah aw ta, thua cha hmo zydua pakeichheih khai thei ta, a padipazao khai theipa a châ. Thua ta hmo zydua a pakeichheih theipa hawhta, khinarâh miapalihna ta khinarâh hropa zydua pakeichheihpa ta a padipazao khai aw.

DÂNIAH 2:40 ပူးပေါင်းရင်းမြစ်များ

ZAWBÂ 9:17

Thlihpipa hmâpa ta na chanaoh ta, A chhâpa y leipa ta ei hmah a papôh.

ZEREMIAH 15:12

Chyhsa ta thua a thlie thei aw ma? Maw lâta thua nata dawh a thlie thei aw ma?

DÂNIAH 2:33

A pheizy thua ta taopa châ ta, a pheipazahzy cha thokha thua, thokha beihlei ta taopa a châ.

DÂNIAH 2:39

Nâma khai tawhta khinarâh hropa, nâma hlâta a nawh viapa a vaw duah aw ta, cha khai tawhta khinarâh miathôhna, alei chô zydua liata ryu a reih awpa dawh khinarâh â vaw duah aw.

DÂNIAH 2:41

A pheipazahzy nata pheiparozy cha thokha beihvituhpa beihlei ta taopa nata thokha thua ta taopa na hmôpa hawhta, cha khinarâh cha pachhaih pazaoh khaipa khinarâh châ aw ta, thua nata beihlei naipa a pahlaopa na hmôpa hawhta, thua hawhta pachyupazy ama y aw.

DÂNIAH 7:7

He khai tawhta, zâ ta aluahna liana chata, sahrâhpa miapalihna, rarôh y ngaitapa, chichhih ngaitapa nata thatlô ngaitapa hmô na ta. Thua hâh lai ngaitapazy hnei ta, a baw ta bawh ta, a tlawh ta hriechheih ta, a laibâhpazy cha a phei ta a tlybai lymâ. Sahrâhpa hmiatuapa zydua nah khata anano ta, ki hrawh a hnei.

DÂNIAH 8:24

A thatlô ngaita aw ta, châhrasala ano thatlôna vâta châ aw vei. Raona chichhihpa patlôsa aw ta, a hmotaopa maih liata a hlao a tloh aw. Chyhsa thatlôpazy nata chyhsa pathaihpazy a pahleipadia aw.

DÂNIAH 9:26

Hâta ei sycharu nata ei no khai tawhta Mesia cha chhawh pathlahpa châ aw ta, khâpa hmah hnei khao aw vei. Abei a vy awpa chyhsazy ta khihpi nata su pathaihpa cha ama parao aw. A chhâ nawpa cha tisaih chhao ta vaw tlô aw ta, a chhâna taihta adyuhna a y aw. Roryhranazy cha vaw tlô awpa ta rao chhielie hapa a châ.

AMÔSÂ 1:3

Abeipa ta heta na heta a tah: “Dâmaskâ moleina miathôh vâta, Âh, miapalih vâ chhao rai ta, Hriena chalihsa aw va na; Sâh chakhyna thua syulô hmâpa ta Kilia ama chakhypa vâta.

ZAWHÂNA 11:48

He hawhta eima pathlie thlâh ha khiahta cha, chyhsa zydua ta ano a ngiapâ aw ei ta, Rawma mo a vy aw ei ta, eima su hneipa nata eima phopi he ama vaw parao aw,” tah ei ta.