DÂNIAH 2:4 - Mara Bible RV (BSI)

⁴ Kaldia mo chata abei hnohta Aramia reih ta, “Hy abei y, hroh kôzaw mah y! Na mâsapa cha châ chakaotuhpazy he chho la, eima chhopasia aw,” tah ei ta.

DÂNIAH 2:4 ပူးပေါင်းရင်းမြစ်များ

ÂTHAONA 31:47

Lâbâ ta lôpheih cha a moh Zekâsahâduthâ bi ta, Zakaw deikua ta Kâle tahpa ta a moh a bi.

ÂTHAONA 41:8

My a vaw châ nahta, a palôh a nôpo kaw ta. Chyhsa tuah ta, Izi râh liata moliethaipa zydua nata chyhsa sopa zydua aw ta. Phiraoh ta a mâzy cha âmo chho ta, châhrasala Phiraoh a chhopasia theipa y tlâ veih ei.

1 ABEIZY 1:25

Tanoh zu ta, viahchao tôhpazy, sahroh dawpa pathawhpazy nata mietaku­zy thata thie ta, abei sawchapawpa zydua nata pheisaih hyutuhpazy nata theihthaipa Abiathâ zy hrua ta. Adôniza hmiakô liata niepa ta doh ei ta, ‘Bei Adôniza hroh pareih mawh sy!’ ama tah.

1 ABEIZY 1:31

Bâsebâ cha a hmia alei lâ a khupa ta a bôh ta, abei cha a naoh ta, a hnohta, “Ei zibeipa Bei Dâvi cha chhâzaw ta hroh mawh sy!” tah ta.

2 ABEIZY 18:26

Hikia sawchapawpa Eliakima nata Sebanâ nata Zôah zy ta Râbâsake hnohta, “Ngiachhiepa ta châ chakaotuhpazy he Aramia reih ta bie miah chho teh, eima thei thlâh haw. Thokhy chô liata chyhsazy nah theina liata Zudâh reih ta rie miah chho khah y,” tah ei ta.

EZRÂ 4:7

Âtazezia â bei nota, Bislâ, Mitharedâ, Tabe nata ama hrialâhpazy ta Persia bei Âtazezia lâ châ paphao ei ta. Ama châ ropa cha Aramia reih ta ropa nata paliepa a châ.

NEHEMIAH 2:3

Abei hnohta, “Abei cha hroh kôzaw mawh sy! Nâ pathlatuhpazy thlâ yna khihpi cha roryhrapa ta y ta, a chhikaozy chhao mei ta a kâ khai nota, kheihta ma pachârôhna hmia phaoh leipa ta ei y thei aw,” tah na ta.

ISAI 36:11

Eliakima, Sebanâ nata Zôah zy ta Râbâsake hnohta, “Ngiachhiepa ta châ chakaotuhpazy he Aramia reih ta bie miah chho teh. Aramia reih eima thei thlâh haw. Thokhy chô liata chyhsazy nah theina liata Zudâh reih ta rie miah chho khah y,” tah ei ta.

ISAI 44:25

Hrohso pakheipazy maoh paphyuhpa ta, Ama chhochhieliena biezy â do leizie a palâsatuhpa châ na ta, Peihthaipazy ahrupa ta a taotuhpa ei châ. Asopazy hnôh lâ paheihsa na ta, Ama pahnona hruna lâta a paliesatuhpa ei châ.

DÂNIAH 1:4

Âmo cha pizie liata seina hnei leipa satlia, hmiphapa, sona zydua a chu thei awpa duahmo liata â duahpa, hmo a pahno thaipa, pachâna pasohpa a hmâh thaipa nata abei o liata rai hria awpa ta a tlâh a châpazy ama châ awpa a châ. Aspenâza ta âmo cha Kaldia reih nata thainazy a pachu aw ei.

DÂNIAH 2:7

A einona ta a chhy ei ta, a hnohta, “Abei ta a mâsapa cha ano a chakaotuhpazy he chho sala, a chhopasiana cha eima phuah aw,” tah ei ta.

DÂNIAH 3:9

Bei Nebukaneza hnohta, “Hy abei y, hroh kôzaw mah y!

DÂNIAH 4:19

Dâniah, Beltesâza ama tahpa cha, buakha chhôh chihuhpa ta vaw y ta, a pachâpazy ta patypamâ ta. Abei ta a chhy ta, a hnohta, “Beltesâza y, mâsapa tlyma, a chhopasiana tlyma ta cha patypamâ khah se,” tah ta. Beltesâza ta a chhy ta, a hnohta, “Ei zibeipa, na mâsapa he châ haotuhpazy châta châ sala, a chhopasiana he na chariahpazy châta châ mawh sy!

DÂNIAH 4:7

Moliethaipazy, dyuthaipazy, awhsithaipazy nata pachaothaipazy a vy ei ta, ei mâsapa cha âmo chho ei na ta, châhrasala a chhopasiana na chho thei veih ei.

DÂNIAH 4:9

“Hy Beltesâza, moliethaipazy hyutuh chaipa y, khazoh pathaihpazy thlahpa na hnohta y ta, chavâta nâma châta la bienyupa ru tupa y vei, tahpa ei pahno; ei mâ lâta ei hmôpa aluahna nata a chhopasiana na chho teh.

DÂNIAH 5:10

Abei nata beimachâzy biereipazy vâna chata abeinô cha kyhchhina o chhôh lâ a vaw ngia ta, abei hnohta, “Hy abei y, hroh kôzaw mah y! Na pachâpa ta cha patypamâ leipa sala, na hmia chhao hlâh hra khah sy.

DÂNIAH 5:8

Chatanachata abei chyhsa sopa zydua cha a zâ ngia ei ta, châhrasala châropa a reih theipa y leipa ei ta, a chhopasiana abei a pahnosa theipa y hra veih ei.

DÂNIAH 6:21

Dâniah ta abei hnohta, “Hy abei y, hroh kôzaw mah y!

DÂNIAH 6:6

Hyutuh laipazy nata bia avaotuhpazy cha rei a paraohpa ta abei lâ vawh ei ta, a hnohta, “Hy Bei Dâria y, hroh kôzaw mah y!

DÂNIAH 6:7

Abei ta biepiepa tao sala, cha pakhâna biepiepa cha â i kawpa ta hmâ awpa ta, khinarâh liata hyutuh laipa zydua, râh avaotuhpa zydua, bia avaotuhpa zydua, ryhraotuhpa zydua nata râh ryureituhpa zydua ta â ryh eima tah khai. Noh sythôh chhôh nâma lâ tah leipa ta cha, kheihawhpa khazoh tlyma, chyhsa tlyma lâta thlâh a chhâpa cha, Hy abei y, chakeibarôhneipa lôpu liata thypa a châ aw.

MATHAI 21:9

A hmia lâta a siepa nata a hnôh lâta a pazipa zawpizy ta, “Dâvi Sawchapawpa hnohta Haozanâ! Abeipa moh ta a vypa cha reithaipa ta y mawh sy! Chônôchaipa liata Haozanâ y mawh sy!” tahpa ta awh ei ta.

1 SAMUELA 10:24

Samuela ta zawpi zydua hnohta, “Abeipa ta â tlyhpa chyhsa he nama hmô ma? Chyhsa zydua hry liata ano hawhpa rai y veih ei,” tah ta. Zawpi zydua ta, “Abei cha hroh pareih mawh sy!” tahpa ta awh ei ta.