DÂNIAH 2:34 - Mara Bible RV (BSI)

³⁴ Na mo thlâh ha nota, alô miakha cha chyhsa ku ta chakhiapa châ leipa ta ano kho tlai ta zâ chakhia ta, cha chata thua nata beihlei ta taopa nothlahpa phei cha za vi ta, a pazao khai haw.

DÂNIAH 2:34 ပူးပေါင်းရင်းမြစ်များ

HLAZY 118:22

O satuhpazy alô kho leipa kha, Abôna lô a vaw châ haw.

ISAI 28:16

Abeipa Zehôvâh ta hetana heta a tah: “Moh teh u, Zaio liata alô bô na ta, Alô pasia chiehpa a châ; A ki liata alô sôhpa châ ta, Abôna a ipa a châ: ‘A ngiapâpa maih a chalyu aw veih ei.’

ISAI 60:12

Châ chakao khoh leipa Phopi nata khinarâh cha a leidia aw; Cha phopizy cha, Tlokhuh pahleipadia khaipa a châ aw.

ISAI 8:9

Phopizy saih u, paraopa ta y u la, Pakeichheihpa ta y teh u. Râh hlapa zydua saih u, Nama nah pachôh teh u; Chariah chhaichhi a tao u la, Pakeichheih khaipa ta y teh u; Chariah chhaichhi a tao u la, Pakeichheih khaipa ta y teh u.

EZEKIA 32:28

Nâ deikua cha, Hy Phiraoh, paraopa châ aw chi ta, zaozi ta thiepa chopawtaileipazy hry liata nâ zia aw.

EZEKIA 47:5

Dy sâh kha thlie heih ta, ti cha a lai kaw bâpa vâta, ei chaka thei leipa chavah vaw châ ha ta. A zaw khi ta âthupa, chaka thei lei awpa chavah vaw châ ha ta.

DÂNIAH 2:33

A pheizy thua ta taopa châ ta, a pheipazahzy cha thokha thua, thokha beihlei ta taopa a châ.

DÂNIAH 7:27

Chatawhcha khinarâh nata ryureina cha, Chônôchaipa phopi mopathaihpazy hnohta piepa châ aw ta; Avâ ry zydua liata khinarâhzy rônahna chhao, Ama hnohta piepa a châ aw. A khinarâh cha tlyzaw khinarâh a châ aw; Ryureituhpa zydua ta ano cha chakao aw ei ta, A rei amâ ngiah aw.’”

DÂNIAH 8:25

A piehpiena ta a ku ry liata dôveina palaiseihsa aw ta, a palôh liata anosasyh ta a chaipa ta a pachâ aw ta, chyhsa hluhpi a bohpa ta amâ pachâ nota âmo cha pahleipadia aw ta, beizy Beipa chhao â dyuh aw. Châhrasala ano cha pahleipadiapa a châ aw, chyhsapa ku ta deikua châ aw vei.

ZEKARIA 12:3

Cha noh liata, Zerusale cha khizaw phopi zydua châta alô a hri ngaitapa ta tao aw na ta, a chalopa maih cha âmosasyh ta hmah amâ paphao lymâ aw. Chatawhcha khizaw râh zydua a paraoh aw ei ta, ano cha amâ dyuh aw.

ZEKARIA 4:6

Ano ei hnohta: “He he Zerubâbe châta Abeipa bie a châ: ‘Thatlôna vâta châ leipa ta, biehneina vâta châ hra leipa ta, ei Thlahpa ta tlao châ mawh sy,’ Pheisaihzy Abeipa ta a tah.

MATHAI 16:18

Chavâta ei cha chho, nâ cha Pity na châ. He lôpanô chô liana heta ei Awnanopa padua aw na ta, Athihkhih chhikaozy ta pahnie aw vei.

ZAWHÂNA 1:13

Cha chyhsazy cha thisaih ta sapa châ leipa ei ta, sapa khozie ta sapa châ hra leipa ei ta, chyhsapa khozie ta sapa châ veih ei. Khazohpa ta a sapazy ama châ.

HMOTAOPAZY 4:11

Cha Zisu cha, nâmo, o satuhpazy ta alô nama kho leipa, a ki liata alô phahnai chaipa a châ.

2 KAWRINI 5:1

Eima pahrâna lei byureih he phiepa châ hra sala, vârâh liata chhâzaw o eima hnei tahpa eima pahno. Cha o cha ku ta sa leipa, Khazohpa taopa a châ.

HEBRAI 9:24

Krista cha a hmeiseihpa a lyupa ta taopa, ku ta sapa Su Pathaih Chaipa liata a ngia leipa ta, eima vyuhpa ta Khazohpa hmiakô liata a luah awpa ta, tahmâ vârâh liata â ngia hapa a châ.

1 PITY 2:7

Chavâta Krista cha nâmo, ngiapâtuhpazy châta hmo sôh ngaitapa châ ta, ngiapâleipazy châta deikua cha, “O satuhpazy kho leipa alô cha, A ki liata alô phahnai chaipa a vaw châ haw;

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.