DÂNIAH 2:30 - Mara Bible RV (BSI)

³⁰ Kei deikua cha chyhsa hropa zydua hlâta ei so viapa vâta he bienyupa he ei hnohta palâhâhpa châ leipa ta, a chhopasiana cha abei ta na pahno thei nawpa nata na palôh pachâpazy na pahno thei nawpa ta tlao a châ.

DÂNIAH 2:30 ပူးပေါင်းရင်းမြစ်များ

ÂTHAONA 41:16

Zawsi ta Phiraoh cha a chhy ta, “Cha cha keima liata y vei. Khazohpa ta Phiraoh hnohta palôtlâh a chhihpa achhyna tlao a pie aw,” tah ta.

HLAZY 139:2

Ei tyupa nata ei duapa pahno chi ta, Ei pachânazy chhao lâhlapi tawhta na pahno.

ISAI 45:4

Nâ chakaotuhpa Zakaw vâta, Na moh ta cha aw na ta; Eina vaw pahno beih leipa chhao chi ta, Ei tlyhpa Izarei vâta, Na moh ta ei châ tlyhpa na châ.

DÂNIAH 1:17

He satlia papalihpazy he achuna nata thaina kyh to liata Khazohpa ta sona nata novâhna pie ta. Dâniah chhochhi cha aluahna nata mâ zydua taih chhao chhopasia thei ta.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

DÂNIAH 2:49

Dâniah ta abei cha a haw ta, chatanachata abei ta Sâdarâka, Mesâka nata Abenekô zy cha Babylaw râh bia liata hyutuhpazy ta a rao hra ei. Dâniah deikua cha abei o liata a chakao lymâ.

AMÔSÂ 4:13

“Pachâ teh, tlâhzy taopa ta thlihzy paysa ta, A palôh chyhsa hnohta phuah ta, Khihdei pavâpa chhao azohpa pachâsa thei ta, Alei su sâhpazy liata a chareipa cha, A moh Zehôvâh, Pheisaihzy Khazohpa a châ.”

MATHAI 24:22

Cha nohzy cha pachyusapa châ leipa sala, chyhsa ahy hmah a hrohpa y aw veih ei. Châhrasala atlyhpazy vâta, cha noh cha pachyusapa a châ aw.

MÂKA 13:20

Abeipa ta cha nohzy cha pachhosa leipa chhochhi sala, chyhsa ahy hmahta pachhapa ta y aw veih ei. Châhrasala chyhsa atlyhpa, a raopazy vâta nohzy cha a pachhohsapa a châ.

HMOTAOPAZY 3:12

Cha cha Pity ta a hmô nahta, zawpi hnohta bie reih ta, “Nâmo, Izarei mo saih u, he hmo he khazia nama no a âh? Keimo hmotaotheina nata Khazohpa eima pachâpa vâta ano he eima pasiesapa hawhta pachâpa ta, khazia miah nama mo thlâh haw?

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

2 KAWRINI 4:15

Cha zydua cha nama pha nawpa châ ta, chatanachata ngiachhiena cha chyhsazy hry liata pôh via lymâ aw ta, Khazohpa rônah nawpa ta alyna bie reina chhao a pôh via rili aw.