DÂNIAH 2:28 - Mara Bible RV (BSI)

²⁸ Châhrasala bienyupa a palâhâhtuhpa Khazohpa avâ liata y ta, ano ta hmialâ ta hmo a vaw y awpazy Nebukaneza hnohta a pahnosapa a châ hih. Hezy he rakhô liata nâ zia thlâh ha nota na luh liata mâ na sapa nata aluahnazy cha a châ.

DÂNIAH 2:28 ပူးပေါင်းရင်းမြစ်များ

ÂTHAONA 40:8

Âmo ta a hnohta, “Mâ sa pi ta, miah a chhopasia theipa y veih ei,” tah ei ta. Zawsi ta ama hnohta, “Chhopasianazy cha Khazohpa eih châ vei mâ? Tahmâ nama mâzy cha na chho teh u,” tah ta.

ÂTHAONA 41:16

Zawsi ta Phiraoh cha a chhy ta, “Cha cha keima liata y vei. Khazohpa ta Phiraoh hnohta palôtlâh a chhihpa achhyna tlao a pie aw,” tah ta.

ÂTHAONA 41:25

Zawsi ta Phiraoh hnohta, “Phiraoh mâsapazy cha miakhapa a châ. Khazohpa ta a tao patoh awpazy Phiraoh a pahnosa.

ÂTHAONA 49:1

Zakaw ta a sawchapawzy aw ta, “Na vaw chadô teh u, noh hnôhlâ ta nama chô liata hmo a vaw tlô awpazy ei cha chho aw ei,” tah ta, hetana heta a chho ei:

HLAZY 115:3

Keimo Khazohpa cha vârâh liata y ta, A khopa maih a tao tyh.

ISAI 2:2

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa a châ aw; Tlâhthlôhzy chô lâta chaluahpa châ aw ta, Râh to ta ama by aw.

ZEREMIAH 10:7

Hy phopizy Beipa, Ahy ma cha chi leipa ta a y aw? Mo to ta ama cha chi awpa cha, Nâ phuhpa rai mah a châ tâh. Phopizy chyhsa sopa zydua hry liata, Nâ hawhpa he y leipa ei ta, Amâ beinarâh zydua liata chhao, Nâ hawhpa he y veih ei.

ZEREMIAH 30:24

A palôh achhuahnazy patlôpa ta a tao khai hlâlei cha, Abeipa hiehâhna ru ngaitapa cha kua aw vei. Noh hnôhlâzy liata cha, Cha hmozy cha nama pahno thai aw.

ZEREMIAH 48:47

“Châhrasala noh hnôhlâzy liata, Môabâ cha vânoh ei patosa heih aw,” Abeipa ta a tah. Kha rakha kha Môabâ pachiana kyh cha a châ.

EZEKIA 28:3

Dâniah hlâta so via tlai chi ta, Nâ tawhta nyupa rai y vei.

EZEKIA 38:16

Meihdo ta râh a khupa hawhta, ei phopi Izarei cha khyhnao aw chi ta a râh na khu khai aw. Noh hnôhlâzy liata, ei râh a dyuh awpa ta châ chhi aw na ta, Hy Kawkâ, nâma hmâpa ta ama mohmô liata ei pathaihna ei chaluah tita, phopizy ta eina pahno aw ei.

EZEKIA 38:8

Noh hluhpi tawhta chariah a dyuh awpa ta awpa na châ aw. Kô a vaw tlô awpazy liata, zaozi tawhta pachhapa râh na siehnao aw. Cha râh cha, phopi hluhpi tawhta Izarei tlâhpizy liata pahmaoh pakhypa chyhsazy yna râh châ ta, roryhrapa ta khâ a ypa râh a châ. A chyhsazy cha phopizy hry tawhta a chhi papuapazy châ ei ta, tahmâ cha ama zydua ta thlalôhpa ta a y hapazy ama châ.

DÂNIAH 1:20

Sona nata novâhna kyh abei ta a hiahripa maih liata, a khinarâh chhôh zydua liata moliethaipa nata dyuthaipa zydua hlâta a lie hrawh ta ama pha via tahpa hmô ta.

DÂNIAH 10:14

Noh hro ta na chyhsazy chô liata hmo a vaw tlô awpazy cha pahnosa awpa ta tahmâ ei vy, aluahna he noh a vaw tlô awpazy châta a châ,” tah ta.

DÂNIAH 2:18

Dâniah nata a viasazy cha Babylaw chyhsa sopazy chhao ta pahleipadiapa ama châ lei nawpa ta, cha bienyupa kyh liata avâ Khazohpa ngiachhiena a haw awpa ta a viasazy cha chho ta.

DÂNIAH 2:22

Hmo a thupa nata a nyupazy palâhâh ta, Zohna liata a ypa pahno ta, A hnohta khaihna a pahrâ.

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

DÂNIAH 2:45

Chyhsa ku ta châ leipa ta, tlâh tawhta ano kho ta zâ chakhiapa alô na hmôpa hawhta nata, cha chata thua zy, dawh zy, beihlei zy, tâkâ zy, ngôh zy a pakeichheih khaipa na hmôpa hawhna khata a châ aw. Khazohpa rônahpa ta he tawhta hmo a vaw tlô awpa abei hnohta a pahnosapa a châ. Mâsapa he a hmeiseihpa châ ta, a chhopasiana chhao â dopa a châ,” tahpa ta chho ta.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

DÂNIAH 4:5

Mâ sa na ta, cha chata na pachisa ngaita ta. Ei rakhô liata ei zia thlâh ha nota, ei pachâhpadypa nata ei luh liata aluahna ei hmôpazy ta na patypamâ ta.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

AMÔSÂ 4:13

“Pachâ teh, tlâhzy taopa ta thlihzy paysa ta, A palôh chyhsa hnohta phuah ta, Khihdei pavâpa chhao azohpa pachâsa thei ta, Alei su sâhpazy liata a chareipa cha, A moh Zehôvâh, Pheisaihzy Khazohpa a châ.”

MALUHREINA 24:14

Tahmâ cha ei phopi lâ ei sie aw. A vy teh, noh a vaw tlô awpazy liata, he phopi ta na phopi chô liata ama tao awpa ei cha pahnosa aw,” tah ta.

MATHAI 6:9

Chavâta nâmo la hetana heta thlahchhâ tyh muh vy: “‘Eima Paw vârâh liatapa, Na moh zachhih mawh sy.

RYHPACHANEINA 31:19

“Chavâta he hla he nama châta roh u la, Izarei sawzy pachu u la, Izarei sawzy ei dyuhna nâ pahnokheituhpa châta ama pakah liata soh u la, pasasa tyh muh vy.

RYHPACHANEINA 4:30

Rietheina a tyhpa ta, cha hmo zydua cha nama chô liata a vaw tlô tita, a chhâna liata cha Abeipa nama Khazohpa lâ kua heih aw ei chi ta, a ao nama nathlie aw.

2 TIMAWTHY 3:1

He he pahno mah y. Noh hnôhlâzy liata cha daihti ru ngaitapazy a vaw tlô aw.

HEBRAI 1:1

Hlâno ta hrohsopazy hmâpa ta Khazohpa ta miah pathlatuhpazy hnohta ei hluhpi nata kyh to ta bie vaw reih tyh ta,

2 PITY 3:3

He he pahno tua awpa a byuh. Daihti chhâna nohzy liata cha, mohnaotuhpazy ta ama moleina hmo khopazy chadaipa ta, chyhsazy mohnaona chôta a vy aw ei ta,

BIEPHUAH 1:1

He he Zisu Krista ta a chakaotuhpazy hnohta hmo thlai a vaw tlô awpazy a pahnosa thei nawpa ta, Khazohpa ta a hnoh ta a piepa biephuah a châ. Cha biezy cha Krista ta a vâlyuhchâpa tuah ta, a chakaotuhpa Zawhâna hnohta a vaw pahnosa.