DÂNIAH 2:23 - Mara Bible RV (BSI)

²³ Châ ly na ta, ei cha reithai, Hy pathlatuhzy Khazohpa y; Sona nata hmotaotheina na pie chi ta, Eima cha hiapa eina pahnosa ha chi; Abei mâsapa cha miah na pahnosa haw,” tah ta.

DÂNIAH 2:23 ပူးပေါင်းရင်းမြစ်များ

ÂTHAONA 18:17

Abeipa ta, “Ei hmo tao awpa he Abarahâ liata ei phih aw ma?

ÂTHAONA 31:42

Nâ pathlatuhpa Khazohpa, Abarahâ Khazohpa nata Aisika China zy ta ei chhâh nâ châh vei chhochhi mawh sala, ku ruapa ta eina pasiesa hmeiseih thlâh ha aw chi. Khazohpa ta ei rietheizie nata ei ku hriapasaziezy hmô ta, zâhnia zâ ta a cha chhoreipa a châ chuh,” tah ta.

1 ABEIZY 18:36

Chatawhcha zâlâ atheihna hlâ daihti liata, hrohsopa Elaizâh cha a kei hnia ta, “Hy Abeipa, Abarahâ nata Aisika nata Izarei Khazohpa y, Izarei liata Khazohpa na châ tahpa tanoh he pahnopa ta y sala, kei he châ chakaotuhpa châ na ta, he hmo zydua he nâma bie ta a taopa ei châpa tanoh he pahnopa ta y mawh sy.

1 ABEIZY 8:57

Miah pathlatuhpazy hnohta a ypa hawhna khata, Abeipa eima Khazohpa cha eima hnohta y sala, miah siesai leipa sala, miah pathlua khah sy.

1 THÂTIHZYRONA 29:10

Chavâta Dâvi cha zawpi zydua hmia­kô liata Abeipa reithai ta. “Hy Abeipa, miah pathlatuhpa Izarei Khazohpa y, chhâzaw nata tlyzaw ta reithaipa ta y mah y.

1 THÂTIHZYRONA 29:13

Chavâta eima Khazohpa y, tahmâ alyna bie cha hlâ pi ta, na moh rônahpa eima reithai.

2 THÂTIHZYRONA 20:6

“Hy Abeipa, miah pathlatuhpazy Khazohpa y, nâ cha vârâh liata Khazohpa châ va chi ma? Phopi to khinarâh chô liata ryureih chi ta, na ku liata hmotaotheina nata thatlôna y ta, ahy hmahta cha pakhâ thei veih ei.

HLAZY 21:2

A palôh khopa pie chi ta, A hmao ta a hiapa thlyu va chi. Selah

HLAZY 21:4

Hrona cha hiah ta, pie chi ta, Chhâzaw nata tlyzaw ta noh pasina na pie.

HLAZY 25:14

Abeipa aviasana cha ano a chituhpazy châta châ ta, A biehrai a pahnosa tyh ei.

HLAZY 50:14

Khazohpa lâta alyna biereina atheihna hlâ la, Chônôchaipa hnohta na bietaizy patlô mah y.

PUASAINA 3:15

Khazohpa ta Mawsi hnohta reih via heih ta, “Izarei sawzy chho la ama hnohta, ‘Zehôvâh, châ pathlatuhpazy Khazohpa, Abarahâ Khazohpa, Aisika Khazohpa nata Zakaw Khazohpa ta nâmo lâ eina vaw tuah,’ na tah aw. He he ei tlyzaw moh châ ta, chhâ zydua ta einâ thei thlâh nawpa moh a châ.

BIESOZY 21:22

Chyhsa sopa cha pasaiphazy khihpi lâ kiah aw ta, Amâ pahniehna thokhy a pacho aw.

BIESOZY 24:5

Chyhsa sopa cha thatlôpa châ ta, Pahnona a hneipa ta a hmotaotheina a papôhsa tyh.

BIESOZY 8:14

Ryhrao thaina nata sona dopa zy cha kei eih châ ta, Novâhna hnei na ta, thatlôna ei hnei.

BIECHHOTUHPA 7:19

Khihpi liata ryureituhpa pahrawh hlâta, Chyhsa sopa cha sona vâta a tha a tlô via.

BIECHHOTUHPA 9:16

Chyhsa sipasapa sona cha mohnaopa ta, a biezy nathlie vei hra ei sala, kei la, “Thatlôna hlâta sona a pha via,” ei tah pyly.

BIECHHOTUHPA 9:18

Sona cha adyuhna chariah chhaichhizy hlâta pha via ta, châhrasala moleipa pakha ta hmo phapa hluhpi a parao tyh.

ISAI 12:1

Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

ZEREMIAH 33:3

Na aw la, châ chhy aw na ta, hmo rônahpa nata hmo nyupa na pahno beih leipazy ei cha chho aw.

DÂNIAH 1:17

He satlia papalihpazy he achuna nata thaina kyh to liata Khazohpa ta sona nata novâhna pie ta. Dâniah chhochhi cha aluahna nata mâ zydua taih chhao chhopasia thei ta.

DÂNIAH 2:18

Dâniah nata a viasazy cha Babylaw chyhsa sopazy chhao ta pahleipadiapa ama châ lei nawpa ta, cha bienyupa kyh liata avâ Khazohpa ngiachhiena a haw awpa ta a viasazy cha chho ta.

AMÔSÂ 3:7

“A chakaotuhpa hrohsopazy hnohta, A bieru a phuah ha tua leipa ta cha, Abeipa Zehôvâh ta khâpa hmah tao beih vei.

MATHAI 11:25

Cha daihti liata Zisu ta, “Hy ei Paw, lei nata vâ Beipa, nâ ta he hmozy he chyhsa sopa nata novâhpazy liata nyu chi ta, hawti chyhpazy hnohta na phuahpa vâta ei châ ly ngaita.

LUKA 10:21

Cha dawh liata Zisu cha Thlahpa Pathaihpa liata a ly ngaita ta, “Hy ei Paw, alei nata avâ Beipa, ei châ ly ngaita na. He hmozy he chyhsa sopa nata novâhpazy liata nyu chi ta, hawtizy hnohta tlao na phualuah. A châ na, ei Paw, cha hawhta tao awpa cha, nâ lyna châ tlôh ta.

ZAWHÂNA 11:41

Alô cha pasie ei ta. Zisu cha avâ lâ ua ta, “Ei Paw, ei bie na nathliepa vâta alyna bie ei cha hlâ.

ZAWHÂNA 15:15

Chakaotuhpa cha tah khao aw veih ei na. Chakaotuhpa ta a zibeipa hmotaopa pahno vei. Viasazy tlao ei cha tah ei. Paw tawhta hmo ei pahnopa zydua nama hnohta ei phuah khai haw.

BIEPHUAH 1:1

He he Zisu Krista ta a chakaotuhpazy hnohta hmo thlai a vaw tlô awpazy a pahnosa thei nawpa ta, Khazohpa ta a hnoh ta a piepa biephuah a châ. Cha biezy cha Krista ta a vâlyuhchâpa tuah ta, a chakaotuhpa Zawhâna hnohta a vaw pahnosa.

BIEPHUAH 5:5

Chatawhcha machâ pakha ta ei hnohta, “Cha khao khah y, moh teh, Zudâh chi chakeibarôhneipa, Dâvi Thari ta, châbu chatypa pahy awpa nata a chahnaona miasari pathlâ awpa ta a pahnie haw,” tah ta.