DÂNIAH 2:22 - Mara Bible RV (BSI)

²² Hmo a thupa nata a nyupazy palâhâh ta, Zohna liata a ypa pahno ta, A hnohta khaihna a pahrâ.

DÂNIAH 2:22 ပူးပေါင်းရင်းမြစ်များ

ÂTHAONA 41:16

Zawsi ta Phiraoh cha a chhy ta, “Cha cha keima liata y vei. Khazohpa ta Phiraoh hnohta palôtlâh a chhihpa achhyna tlao a pie aw,” tah ta.

ZAWBÂ 12:22

Zohna athupa liata a ypazy palâhâh ta, Thina nohpahli chhao khaihna a pachâsa tyh.

ZAWBÂ 26:6

A hmia liata la Athihkhih thluahruapa ta y ta, Chhokhih chhao sasaihpa ta a y.

HLAZY 104:2

Khaihna cha poh hawhta a bu chi ta, Avâzy khi poh o hawhta na parai.

HLAZY 25:14

Abeipa aviasana cha ano a chituhpazy châta châ ta, A biehrai a pahnosa tyh ei.

HLAZY 36:9

Nâma liata hrona hnawh y ta, Na khaihna liata khaihna eima hmô.

BIECHHOTUHPA 8:1

Ahy ma asopa lyu ta, Ahy ma bieso yzie a pahno? Chyhsapa cha a sona ta a hmia pakhaihsa ta, A hmiaphao nâ a chhih leina chhao a panano.

ISAI 41:22

Nâmo, khazoh nothlahpazy saih u, Hmo vaw y awpa cha miah chho teh u. Pachâ sih la eima pasia thei nawpa ta, Hlâno hmozy miah chho u la, Hmo vaw tlô awpazy miah chho teh u.

ISAI 41:26

Eima pahno thei nawpa ta, Ahy ma âthaona tawhta vaw reih ta, “Ano cha adopa a châ,” eima tah thei nawpa ta, Khahlâ tawhta a vaw reih beih tly? Cha bie cha a phuahpa y leipa ei ta, A chhopa y veih ei; Chavâta nama biezy a theipa y veih ei.

ISAI 42:9

Moh teh u, hmo parohpazy lei ei ta, Tahmâ he hmo thiehpazy ei phuah; Ama vaw tlô hlâ chhao ta, Ei cha chho hapa ei kha a châ.”

ISAI 45:7

Khaihna tao na ta, Zohna chhao ei paysa; Sivâphana patlôsa na ta, Chhiena chhao ei paysa; Kei he Abeipa, cha hmo zydua taotuhpa cha ei châ.

ZEREMIAH 23:24

“Ei hmô thei lei nawpa ta, su nyupazy liata a nyu theipa ama y ma?” Abeipa ta a tah. “Avâ nata alei he kei ta bie thlâh ha va na ma?” Abeipa ta a tah.

ZEREMIAH 33:3

Na aw la, châ chhy aw na ta, hmo rônahpa nata hmo nyupa na pahno beih leipazy ei cha chho aw.

DÂNIAH 2:11

Abei hmo a hnawpa he a ru tu ha na; khazohzy na tah leipa ta cha ahy hmahta he hmo he abei a chhopasia thei awpa y aw veih ei, khazohzy hra cha chyhsazy hry liata pahrâ tlôh ei vâ,” tah ei ta.

DÂNIAH 2:19

Chatanachata bienyupa cha zâ ta aluahna liata Dâniah hnohta palâhâhpa châ ta. Dâniah ta avâ Khazohpa cha reithai ta.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

DÂNIAH 5:11

Na khinarâh liana heta chyhsa pakha, ano liata khazoh pathaihpazy thlahpa a ypa a y mâh tâh. Na paw daihti liana kha, khaihna nata pahnona nata khazohzy sona hawhpa sona ano liata hmôpa a châ. Chavâta na paw Bei Nebukaneza, na paw abei kha ta, ano cha moliethaipazy, dyuthaipazy, awhsithaipazy nata pachaothaipazy hyutuh chaipa ta a tao.

DÂNIAH 5:14

Khazohzy thlahpa cha nâma liata y ta, khaihna nata novâhna nata so patluana zy na hnei tahpa ei vaw thei.

MATHAI 13:13

He vâna heta ama hnohta pakhona biezy hmâpa ta ei reipa a châ. Hmô ei ta, hmô tlôh leipa ei ta, thei ei ta thei tlôh leipa ei ta, pahno thai hra veih ei.

ZAWHÂNA 1:9

Khaihna hmeiseihpa, chyhsa to a pakhaihpa cha khizaw lâ a zu ta.

ZAWHÂNA 21:17

A ei thôhna ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity cha Zisu ta a ei thôhna ta, “Kyh eina pachâ chi ma?” a tahpa vâta, a pachârôh ta, a hnohta, “Abeipa, ato pahno chi ta, kyh ei cha pachâpa chhao na pahno na,” tah ta. Zisu ta a hnohta, “Ei mietakuzy pasa teh.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

EPHESI 3:5

Cha thâtihpha bienyupa cha, tahmâ nota a lyuhchâpa pathaihpazy nata a hrohsopa pathaihpazy hnohta Thlahpa ta a pahnosapa hawhna heta, kha hlâta chyhsa sawzy hnohta pahnosapa châ beih vei.

RYHPACHANEINA 29:28

hiehâhna ru ngaitapa nata pathiiana sah ngaitapa ta ama râh tawhta phia pathlah ta, tanoh ta ama yzie hawhna heta, râh hro lâta a papaipatla ha ei,’ ama tah aw.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.

1 ZAWHÂNA 1:5

He he ano tawhta bietapa eima theipa nata nama hnohta eima phuahpa cha a châ: Khazohpa cha khaihna châ ta, ano liata zohna rai y vei.