DÂNIAH 2:20 - Mara Bible RV (BSI)

²⁰ Dâniah ta, “Sona nata thatlôna cha, Khazohpa eih châ ta; Khazohpa moh cha, Chhâzaw nata tlyzaw ta reithaipa ta y mawh sy!

DÂNIAH 2:20 ပူးပေါင်းရင်းမြစ်များ

ÂTHAONA 14:20

Na chariahpa na ku liata châ pietuhpa Khazohpa Chônôchaipa cha, Reithaipa ta y mawh sy,” tah ta. Abarâ ta Melkizade cha ato tawhta su hrawh su kha pie ta.

1 ABEIZY 8:56

“A bietai zydua hawhta, a phopi Izarei sawzy apahâna a pietuhpa Abeipa cha reithaipa ta y mawh sy. A chakaotuhpa Mawsi hmâpa ta a bietai phapa zydua kha, a vaw tlô leipa bie miakha hmahta y vei.

1 THÂTIHZYRONA 29:20

Dâvi ta zawpi zydua hnohta, “Abeipa nama Khazohpa cha reithai teh u,” tah ta. Zawpi zydua ta Abeipa, ama pathlatuhpazy Khazohpa cha reithai ei ta, a bôh ei ta, Abeipa nata abei cha a naoh ei ta.

2 THÂTIHZYRONA 20:21

Zawpi a pasyu khai nahta, pheisaihzy hmia lâta siepa ta, Abeipa lâta hla sa ta, “Abeipa hnohta alyna bie reih teh u, A zawngiahna chhâzaw ta y tlôh ta,” tahpa ta, Abeipa pathaihna rônahzie a reithai awpazy a rao ei.

NEHEMIAH 9:5

Chatawhcha Livai pathla Zesua, Kâdamie, Bâni, Hâsabâniah, Serebiah, Hôdiah, Sebaniah nata Pethâhiah zy ta, “A duah u la, Abeipa nama Khazohpa cha chhâzaw nata tlyzaw ta reithai teh u,” tah ei ta. Ezrâ ta, “Reithaina nata palyupalihna zydua hlâta chônô viapa ta cheihchalopa na moh rônahpa cha reithaipa ta y mawh sy.

ZAWBÂ 12:13

“Khazohpa liata sona nata thatlôna y ta, Ano cha ryhraona nata pahnona a hneipa a châ.

HLAZY 113:1

Abeipa cha reithai teh u! Hy Abeipa chakaotuhpazy saih u, Abeipa cha reithai u la, Abeipa moh cha reithai teh u!

HLAZY 113:2

Tahmâ tawhta chhâzaw nata tlyzaw taihta, Abeipa moh cha reithaipa ta y mawh sy!

HLAZY 115:18

Keimo deikua cha, Tahmâ tawhta chhâzaw nata tlyzaw ta, Abeipa cha eima reithai aw. Abeipa cha reithai teh u!

HLAZY 147:5

Eima Beipa cha rônah ta, Hmotaotheina lai ngaitapa a hnei; A novâhna thlie thei awpa châ vei.

HLAZY 41:13

Abeipa, Izarei Khazohpa cha, Chhâzaw nata tlyzaw ta reithaipa ta y mawh sy! Amen! Amen!

HLAZY 50:23

Alyna bierei atheihna hlâtuhpa ta na parônahsa ta, A yzie â dopa ta a vaotuhpa hnohta, Khazohpa pachhana ei pahmô aw.”

HLAZY 62:11

Khazohpa ta ei kha reih ha ta, He he ei no ei theina a châ: Hmotaotheina cha Khazohpa eih châ ta,

BIESOZY 8:14

Ryhrao thaina nata sona dopa zy cha kei eih châ ta, Novâhna hnei na ta, thatlôna ei hnei.

ZEREMIAH 32:19

ryhrao thai ngaitapa nata hmotao thei ngaitapa na châ. Chyhsapa sawzy hrozie zydua na mo ta a hmôtuhpa châ chi ta, chyhsa to ama hrozie nata ama hmotaopazy theilâpa hawhta lymâ a pietuhpa na châ.

EZEKIA 28:3

Dâniah hlâta so via tlai chi ta, Nâ tawhta nyupa rai y vei.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,

BIEPHUAH 5:12

Chazy chata ao paro ngaitapa ta, “Mietakutaw thie chiehpa cha, Hmotaotheina nata hneirôna zy, Sona nata thatlôna zy, Palyupalihna nata rônahna zy, A to tlâh châ ta, Reithaina a to tlâh chhao a châ!” tahpa ta reithai ei ta.