DÂNIAH 2:18 - Mara Bible RV (BSI)

¹⁸ Dâniah nata a viasazy cha Babylaw chyhsa sopazy chhao ta pahleipadiapa ama châ lei nawpa ta, cha bienyupa kyh liata avâ Khazohpa ngiachhiena a haw awpa ta a viasazy cha chho ta.

DÂNIAH 2:18 ပူးပေါင်းရင်းမြစ်များ

ÂTHAONA 18:28

Mosiapa cha papangawh ta sypangawh tloh vei mawh sala zaw, papangawh ta tloh leipa vâta a khihpi duata na pahleipadia pyly aw mâ?” tah ta. Abeipa ta, “Cha liata sypalih nata papangawh chhâ ei hmô khiahta cha, pahleipadia aw va na” tah ta.

HLAZY 136:26

Avâ Khazohpa hnohta alyna bie reih teh u, A kyhpachâna tlyzaw ta a daihpa a châ.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 91:15

Eina pado tita a chhy aw na ta, Nôpona daihti liata a hnohta ypa ta, Pachha aw na ta ei palyupalih aw.

ISAI 37:4

Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake biezy kha Abeipa na Khazohpa ta thei aw ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta ta.

ZEREMIAH 33:3

Na aw la, châ chhy aw na ta, hmo rônahpa nata hmo nyupa na pahno beih leipazy ei cha chho aw.

EZEKIA 36:37

“Abeipa Zehôvâh ta hetana heta a tah: Izarei pathlazy ta ama phopi maluh sahroh zaw hawhta papôhsa awpa ta ama hia awpa ei pasaih aw.

DÂNIAH 2:23

Châ ly na ta, ei cha reithai, Hy pathlatuhzy Khazohpa y; Sona nata hmotaotheina na pie chi ta, Eima cha hiapa eina pahnosa ha chi; Abei mâsapa cha miah na pahnosa haw,” tah ta.

DÂNIAH 3:17

Patina meihô liata thypa eima châpa chhao ta, eima chakaopa eima Khazohpa ta patina meihô ru ngaitapa tawhta miah pachha thei ta, Hy abei y, nâma ku tawhta chhao miah a pachha thei.

DÂNIAH 4:26

Tho chuahmi nata a tharizy pahlôh awpa ta biepiepa a châpa hawhta, Avâ ta ryu a reih tahpa na pahno tawhta na khinarâh cha na châta pa-ipa a châ aw.

ZAWNA 1:9

Zawna ta âmo cha a chhy ta, “Hebrai chyhsa châ na ta, Abeipa, avâ Khazohpa, tilaipi nata alei hipa a taotuhpa a chipa ei châ,” tah ta.

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.

MATHAI 18:12

Kheihta nama pachâ? Chyhsa pakha ta mietaku za kha hnei sala, pô kha lei ha sala, sychaki nata pô chakizy cha tlâhzy liata siesai chypa ta, a leipa cha tlua aw vei ma?

MATHAI 18:19

Ei cha chho via ei, alei chô liata chyhsa pano ta rei a paraohpa ta hmo ama hia khiahta cha, ei Paw vârâh liata a ypa ta a taopa aw ei.

HMOTAOPAZY 12:4

Herawdâ ta Pity cha patu ta, patâhna o liata khô ta, pheisaih papalih lymâ ta pavaisa ta. Zawpakhô khai tawhta zawpi hmiakô liata a thâtih pachia awpa a chhuah ta.

RAWMA 15:30

Unawh saih u, tiamapa ta Khazohpa lâ thlah eina chhâkhei awpa ei chi ta, eima Beipa Zisu Krista moh nata Thlahpa kyhpachâna ta ei châ haw ei.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.

1 SAMUELA 17:37

Dâvi ta, “Chakeibarôhneipa pheipato tawhta nata chavyh pheipato tawhta nâ pachhatuhpa Abeipa ta, he Philistinâ chyhsa ku tawhna heta eina pachha aw,” tah ta. Sawla ta Dâvi hnohta, “Sie mah y, na hnohta Abeipa y mawh sy!” tah ta.