DÂNIAH 2:11 - Mara Bible RV (BSI)

¹¹ Abei hmo a hnawpa he a ru tu ha na; khazohzy na tah leipa ta cha ahy hmahta he hmo he abei a chhopasia thei awpa y aw veih ei, khazohzy hra cha chyhsazy hry liata pahrâ tlôh ei vâ,” tah ei ta.

DÂNIAH 2:11 ပူးပေါင်းရင်းမြစ်များ

ÂTHAONA 41:39

Phiraoh ta Zawsi hnohta, “Khazohpa ta cha hmo zydua cha a cha pahnosapa châ ta, chavâta nâma tlu ta hmo a pahno thaipa nata a sopa rai y veih ei.

ÂTHAONA 41:8

My a vaw châ nahta, a palôh a nôpo kaw ta. Chyhsa tuah ta, Izi râh liata moliethaipa zydua nata chyhsa sopa zydua aw ta. Phiraoh ta a mâzy cha âmo chho ta, châhrasala Phiraoh a chhopasia theipa y tlâ veih ei.

1 ABEIZY 8:27

“Châhrasala Khazohpa cha alei chô liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha nâ tlôh lei pachai aw dia!

2 THÂTIHZYRONA 6:18

“Châhrasala Khazohpa cha alei chô liata chyhsapa hry liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha, nâ tlôh lei pachai aw dia!

HLAZY 132:14

Abeipa ta hetana heta a tah: “He he chhâzaw ta ei pahâ nawpa su châ ta, He su he ei khopa a châpa vâta, He liata ei pahrâ aw.

HLAZY 68:18

Hy Zehôvâh Khazohpa, Chô lâ na kia nota, Patupazy cha sei ta a chhi chi ta; Cha liata na pahrâ thei nawpa ta, Chyhsazy tawhta hmopiepazy daopa ta, Dyuhtuhpazy tawhta chhao na daopa kha.

PUASAINA 29:45

Izarei sawzy hry liata pahrâ aw na ta, ama Khazohpa ei châ aw.

PUASAINA 8:19

Moliethaipazy ta Phiraoh hnohta, “Khazohpa kudy a châ hih,” tah ei ta. Châhrasala Phiraoh cha a palôh kuh pachhasa ta, Abeipa ta a rei hapa hawhta, ama bie nathlie khoh vei.

ISAI 47:12

Na hawtita tawhta na hriapasa tyhpa, Na pachaonazy liana cha a duah la, Na dyu hluhpi liana cha a duah tua rai; Na hlao a tloh thlâh ha thei ngyu aw mâh tâh, Chichhihpa hmo na paysa thei thlâh ha ngyu aw mâh tâh.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 8:18

Moh teh u, kei nata Abeipa ta eina piepa sawzy he, Izarei liata ngiana nata pamosanazy châta Zaio Tlâh liata a pahrâpa Pheisaihzy Abeipa ta a hmâpazy eima châ hih.

DÂNIAH 4:4

Kei, Nebukaneza cha ei o liata thadâhpa ta a pahâ na ta, ei abei o liata phasapa ta y thlâh ha na ta.

DÂNIAH 5:11

Na khinarâh liana heta chyhsa pakha, ano liata khazoh pathaihpazy thlahpa a ypa a y mâh tâh. Na paw daihti liana kha, khaihna nata pahnona nata khazohzy sona hawhpa sona ano liata hmôpa a châ. Chavâta na paw Bei Nebukaneza, na paw abei kha ta, ano cha moliethaipazy, dyuthaipazy, awhsithaipazy nata pachaothaipazy hyutuh chaipa ta a tao.

ZÔELA 3:21

Ama thisaih phuh ei la mâh leipazy cha, Ama thisaih phuh ei la lymâ aw, Abeipa cha Zaio liata pahrâ tlôh ta.”

MALUHREINA 35:34

Kei Abeipa he Izarei sawzy hry liata pahrâ tlôh na ta, chavâta nama hnohta ei yna râh, nama pahrâna râh he nama papuapalei awpa châ vei,” tah ta.

MATHAI 19:26

Zisu ta âmo cha moh ta, ama hnohta, “Cha hmo cha chyhsapa châta la, tao thei rimâ awpa châ vei. Khazohpa châta deikua cha, ato tao theipa a châ,” tah ta.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 14:17

Cha cha biehmeiseihpa Thlahpa, khizaw ta a hnei leipa a châ. Khizaw ta ano cha hmô leipa ta, pahno vei. Nâmo deikua ta cha, nama hnohta y ta, a y lymâ awpa vâta, ano cha nama pahno.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

2 KAWRINI 6:16

Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

BIEPHUAH 21:3

Beidyuchhai tawhta ao paro ngaitapa ta, “Moh teh u, Khazohpa pahrâna cha chyhsa hry liata a vaw y haw. Ama hnohta pahrâ aw ta, a chyhsazy ama châ aw. Khazohpa tlai cha ama hnohta y aw ta, ama Khazohpa a châ aw.