DÂNIAH 2:10 - Mara Bible RV (BSI)

¹⁰ Kaldia mo ta abei cha a chhy ei ta, a hnohta, “Abei hmo reipa a tao thei awpa he alei chô liata chyhsa ahy hmah y veih ei! Ahy bei rônahpa nata hmotaotheipa hmahta he hawhpa hmo he moliethaipa tlyma, dyuthaipa tlyma, awhsithaipa tlyma hiahri beih vei.

DÂNIAH 2:10 ပူးပေါင်းရင်းမြစ်များ

ISAI 47:13

Ryhraona tao awpa na hnei hluhpa vâta, Na rie a thei kaw khawh; Avâ liata hmozy a pahrua thaipazy cha a vaw duah ei sala, Awhsi a moh thaipazy a vaw duah hra ei sala, Thlâpâ diehpa moh ta, Na chô liata hmo a tlô awpa châ chho tyhpazy chhao, A vaw duah ei sala, Cha pachha mawh ei sy.

DÂNIAH 2:2

Abei ta a mâsapazy cha ano chho awpa ta moliethaipazy, dyuthaipazy, pachaothaipazy nata awhsithaipazy awpakhy awpa ta biepie ta. Âmo cha a vy ei ta abei hmiakô liata a duah ei ta.

DÂNIAH 2:27

Dâniah ta a chhy ta, a hnohta, “Abei ta bienyupa a hiahripa he chyhsa sopazy, dyuthaipazy, moliethaipazy nata, pachaothaipazy ahy ta hmahta abei chho thei aw veih ei.

DÂNIAH 3:8

Cha nona chata Kaldia chyhsa ahyzy tlyma hmialâ vaw pua ei ta, Zu chyhsazy vaw leih ei ta.

DÂNIAH 4:7

Moliethaipazy, dyuthaipazy, awhsithaipazy nata pachaothaipazy a vy ei ta, ei mâsapa cha âmo chho ei na ta, châhrasala a chhopasiana na chho thei veih ei.