DÂNIAH 2:1 - Mara Bible RV (BSI)

¹ Nebukaneza abeina kô nona liata, Nebukaneza ta mâ sa ta; a palôrupa pachârôh ngaita ta, amô thei khao leipa ta.

DÂNIAH 2:1 ပူးပေါင်းရင်းမြစ်များ

ESTHERI 6:1

Cha zâ liata abei cha a mô thei leipa ta. Hmo ngia tlâhpazy rona, thâtihzy rona châbu vaw cheih awpa ta biepie ta. Châbu cha abei hmiakô liata reih ei ta.

ZEREMIAH 25:1

He he Zôsia sawchapawpa Zudâh bei Zehôki â beina kô palihna liata, Zudâh phopi zydua kyh liata Zeremiah hnohta bie a vaw tlôpa a châ. Cha daihti cha Babylaw bei Nebukaneza abeina kô khana nata â su.

DÂNIAH 2:3

Abei ta ama hnohta, “Mâ sa na ta, ei mâsapa cha pahno khohpa ta ei pachârôh ngaita ta,” tah ta.

DÂNIAH 4:2

Chônôchai Khazohpa ta ei chô liata a taopa ngiana nata hmo noâhpazy phuah awpa he kei châta a phapa ta ei pahno.

DÂNIAH 4:5

Mâ sa na ta, cha chata na pachisa ngaita ta. Ei rakhô liata ei zia thlâh ha nota, ei pachâhpadypa nata ei luh liata aluahna ei hmôpazy ta na patypamâ ta.

DÂNIAH 5:9

Chavâta Bei Belsâza cha a pachârôh ngaita ta, a hmia hlâh khai ha ta, a beimachâzy chhao ama nôpo ngaita ta.

DÂNIAH 6:18

Chatawhcha abei cha abei o lâ a di ta, kâhvileipa ta azozâkhihdei y ta; â palypauasa nawpa khâpa hmah a châta taopa châ leipa ta, mokuh ta puasai ha ta.

DÂNIAH 7:1

Babylaw bei Belsâza abeina kô khana liata, Dâniah cha a rakhô liata â zia thlâh ha nota, mâsapa nata a luh liata aluahnazy hmô ta. Chatanachata a mâsapa cha roh ta, a hmo hmôpazy cha reih ta.

DÂNIAH 7:15

“Kei, Dâniah cha ei pôhpa chhôh liata ei thlahpa a pachârôh ngaita ta, ei luh liata aluahnazy ta na patypamâ kaw ta.