DÂNIAH 12:7 - Mara Bible RV (BSI)

⁷ Chatawhcha pala rih dipa chysia a tobi ta, chavah ti chô liata â pahai thlâh hapa chata, a ku chachâh lâ nata a ku chavei lâ avâ lâ pazawh ta, tlyzaw ta a hrohpa moh reipa ta, “Daihti ei kha, daihtizy nata daihti khophie chhôh a châ aw, mopathaihpazy hmotaotheina paraopa a châ khai tita, he hmo zydua he â ki aw,” tahpa ta bie â taihpa thei na ta.

DÂNIAH 12:7 ပူးပေါင်းရင်းမြစ်များ

ZAWBÂ 27:2

“Ei pikhei adona nâ lapatuhpa Khazohpa hrona reipa ta reih na ta, Ei hro pachâ a parôhsapa Atotaotheipa hrona reipa ta ei reih.

ISAI 62:12

Chatanachata Izarei sawzy cha, Phopi Pathaihpa tah aw ei ta, Abeipa Chatlaipa ama tah aw. Nâ, Zerusale khihpi chhao, Tluapapuapa Khihpi cha tah aw ei ta; Pathlua Leipa Khihpi ama cha tah aw.’”

ZEREMIAH 4:2

Ngâchhihna, adona nata siana ta, ‘Abeipa hrona reipa ta ei reih,’ Tahpa ta bie nâ taih khiahta cha, Phopizy cha Abeipa liata huhiehpa ta y aw ei ta, Ano amâ palaikhei aw.”

EZEKIA 20:5

ama hnohta, Abeipa Zehôvâh ta hetana heta a tah: Izarei ei tlyh nota, Zakaw chipathlazy hnohta ku chaluahpa ta bie a taih na ta, Izi râh liata ama y nota keimasasyh ta ei pahnosa ei. Ku chaluahpa ta, ‘Kei he Zehôvâh nama Khazohpa ei châ,’ tahpa ta bie a taih ei na ta.

DÂNIAH 10:5

Avâ kaw ua na ta, kaw moh na ta, pala rih dipa chysia ta a tobi ta, Upha râh ngôh suapa chaisaihna ta a chai â saihpa chyhsa pakha hmô na ta.

DÂNIAH 11:13

Maw bei ta pheisaih hluhpi, a hmiatuapa hlâta hluh viapa padua heih aw ta, kô khazie tlyma a khô tawhta, pheisaih hluh ngaitapa nata chariah chhaichhi a kipa ta hrâ a za sie heih aw.

DÂNIAH 12:6

Pala rih dipa chysia a tobi ta, chavah ti chô liata â pahai thlâh hapa chyhsa hnohta, chyhsa pakhapa ta, “He hmonoâhpazy chhâna vaw tlô nawpa he khasâ taih a châ aw?” tahpa ta hiahri ta.

DÂNIAH 12:8

Thei cha thei na ta, châhrasala a pachâna pahno leipa na ta. A hnohta, “Hy ei zibeipa y, he hmozy chhâna cha khâpa a châ aw?” tah na ta.

DÂNIAH 4:31

Cha biezy cha abei pakah liata a y thlâh ha chy nota, avâ tawhta ao za pua ta, “Hy Bei Nebukaneza y, he bie he nâma châta a vaw tlôpa a châ: Khinarâh ta a cha puasai haw.

DÂNIAH 4:34

Cha nohzy chhâna liata, kei, Nebukaneza cha avâ lâ ei mo kaw khaih na ta, chatanachata ei pahnona cha kei lâta vaw kua heih ta, Chônôchaipa cha reithai na ta, tlyzaw ta a hrohpa cha reithaipa ta ei palyupalih. A ryureina cha tlyzaw ryureina châ ta, A khinarâh chhâ zydua ta â duah.

DÂNIAH 7:21

Ei mo thlâh ha nota, cha ki chata mopathaihpazy a dyuh ta, âmo cha pahnie ha ta;

DÂNIAH 7:25

Chônôchaipa chakhiana biezy reih aw ta, Chônôchaipa mopathaihpazy cha ama rie a pathei aw; Daihtizy nata ryhpazy panano a chhuah aw ta, Daihti miakha, daihtizy nata daihti khophie chhôh cha, A ku liata mopathaihpazy piepa a châ aw.

DÂNIAH 8:14

Ano ta ei hnohta, “My nata zâlâ ei 2,300 taih a châ aw. Cha khai tawhta su pathaihpa cha a châ nawpa duahmo liata paduapathipa a châ aw,” tah ta.

DÂNIAH 8:24

A thatlô ngaita aw ta, châhrasala ano thatlôna vâta châ aw vei. Raona chichhihpa patlôsa aw ta, a hmotaopa maih liata a hlao a tloh aw. Chyhsa thatlôpazy nata chyhsa pathaihpazy a pahleipadia aw.

LUKA 21:14

Kheihta ma eimâ chhy aw tahpa pachâ chhielie lei awpa ta nama palôh tao ha muh vy.

LUKA 21:24

Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.

RYHPACHANEINA 26:19

Abeipa nama Khazohpa ta bie â vaw taih hapa hawhta, nâmo cha reithaina, moh phana nata palyupalihna kyhzy liata, phopi a paduapa zydua chô liata y awpa nata Abeipa nama Khazohpa châta phopi pathaihpa châ awpa ta a cha padua ei,” tah ta.

RYHPACHANEINA 32:36

Hmotaotheina ama hnei khao leipa Abeipa ta hmô ta, Sei chhao khotalaipa chhao ama y khao lei tita, Abeipa ta a phopi thaipachâsa aw ta, A chakaotuhpazy chô liata zawh â ngiah aw.

RYHPACHANEINA 32:40

Avâ lâ ei ku pazawh na ta, Tlyzaw ta a hrohpa ei châna moh reipa ta, Bie ei taih.

RYHPACHANEINA 7:6

“Abeipa nama Khazohpa châta phopi pathaihpa nama châ. Abeipa nama Khazohpa ta ano ryu sôhpa châ awpa ta, alei chô liata phopi zydua hry tawhta â tlyhpa nama châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

BIEPHUAH 12:14

Châhrasala chanô cha râhchawhpa liata a y nawpa su lâ â zaw thei nawpa ta, pahmôhpi lai ngaitapa mathlaw miano piepa châ ta, cha liata, parih ta a hmô thei khao leina liata kô thôh nata khophie chhôh pasapa a châ aw.

BIEPHUAH 12:6

Chanô cha Khazohpa ta ano châta â chhuahdypa su, râhchawhpa lâ a râ syulyu ha ta. Cha liata noh 1,260 chhôh pasapa a châ aw.

BIEPHUAH 13:5

Chatawhcha apalaina nata Khazohpa reipachhiena pakah a hnohta piepa châ ta, thla sypalih nata thla no chhôh biehnei awpa ta pasaipa a châ.

BIEPHUAH 4:10

machâ pakih nata papalihzy cha beidyuchhai liata a tyuhpa hmiakô liata a bôh ei ta, chhâzaw nata tlyzaw ta a hroh thlâhpa cha amâ chhy tyh. Beidyuchhai hmiakô liata ama lakhozy soh ei ta,

BIEPHUAH 4:9

Hmohrohneipazy ta beidyuchhai liata atyuhpa, chhâzaw nata tlyzaw ta a hroh thlâhpa cha parônahsapa ta palyupalih ei ta, alyna bie ama reina maihta,