DÂNIAH 12:6 - Mara Bible RV (BSI)

⁶ Pala rih dipa chysia a tobi ta, chavah ti chô liata â pahai thlâh hapa chyhsa hnohta, chyhsa pakhapa ta, “He hmonoâhpazy chhâna vaw tlô nawpa he khasâ taih a châ aw?” tahpa ta hiahri ta.

DÂNIAH 12:6 ပူးပေါင်းရင်းမြစ်များ

HLAZY 74:9

Ngiana nata hmonoâhpazy hmô khao leipa pi ta, Hrohsopa rai y khao leipa ei ta; Khati taih ma he hawhta a sie aw tahpa a pahnopa chhao, Eima hry liata y veih ei.

EZEKIA 9:2

Maw lâ a heihpa machhua thokhy chhikao lâ tawhta chyhsa pacharu a vypa hmô ei na ta. Adyuhna chaihrai a chaba chyu ei ta. Ama hry liata pala rih dipa chysia a tobipa ta, a chai liata châti ôh a vaopa a hlao ta. A vaw ngia ei ta, dawh maisâh kiapâh liata a vaw duah ei ta.

DÂNIAH 12:5

Chatawhcha kei, Dâniah cha sai na ta, moh teh u, chyhsa hropa pano a vaw duah ei ta, pakha cha chavah ngiahkâ helâ chhâh ta, pakha cha chavah ngiahkâ hiakha lâ liata.

DÂNIAH 12:8

Thei cha thei na ta, châhrasala a pachâna pahno leipa na ta. A hnohta, “Hy ei zibeipa y, he hmozy chhâna cha khâpa a châ aw?” tah na ta.

DÂNIAH 8:13

Chatawhcha mopathaihpa pakha bie reipa thei na ta, mopathaihpa hropa ta bie a reihpa mopathaihpa hnohna chata, “Raopa hlâna hlâ tyhpa kyh, roryhrana patlôsatuhpa paraona kyh nata phei ry liata tlypâ awpa ta su pathaihpa nata sahlaozy hlâpa ta ama yna kyh aluahnazy he khati taih ma a châ aw?” tah ta.

DÂNIAH 8:16

Ulai chavah haosâ nata heisâ likawh tawhta chyhsapa ao thei na ta, ano chata, “Kabriel y, he chyhsa he aluahna yzie pahnosa teh,” tah ta.

MATHAI 24:3

Zisu Ôli tlâh liata â tyu thlâh ha nota, pachupazy âmo dei ta ano lâ a vy ei ta, “Miah chho teh, he hmozy he khati ta ma vaw tlô aw ta, nâ vy heihna nata daihti chhâna cha khati ta a châ aw?” tah ei ta.

MÂKA 13:4

“Cha hmozy cha khati ta a vaw tlô aw? Cha hmo zydua vaw tlô nawpa daihti ngiana khâpa a y aw? Miah chho teh,” tah ei ta.

EPHESI 3:10

Chatanachata Khazohpa sona hnei hluhzie cha, avâ suzy liata ryureihtuhpazy nata biehneituhpazy hnohta, Awnanopa hmâpa ta pahnosapa ta a y thei aw.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

BIEPHUAH 15:6

Vâlyuhchâpa pasari cha potlana miasari chhaota achhyna byureih tawhta vaw pua ei ta. Vâlyuhchâpazy cha poh rih dipa pathaihpa nata diehpazy a bu ei ta, ama chachôhna liata ngôh chairi a zei ei ta.

BIEPHUAH 19:14

Vâ pheisaihzy ta poh rih dipa diehpa nata pathaihpa a bupa ta arâ râhpa a kiahpa cha pazi ei ta.

BIEPHUAH 6:10

Âmo chata, “Hy Abeipa Chônôchaipa, pathaihpa nata adopa, khachâ ma alei chô liata a pahrâpazy chô liata eima thisaih phuh la leipa ta y aw chi ta, âmo cha pachia leipa ta na y aw tly?” tahpa ta ao paro ngaitapa ta awh ei ta.