DÂNIAH 12:2 - Mara Bible RV (BSI)

² Chatawhcha alei dohlei liata â môpa chyhsa hluhpi a vaw hra aw ei ta, thokha tlyzaw hrona lâ sie aw ei ta, thokha nozana nata tlyzaw thaileichâna lâ ama sie aw.

DÂNIAH 12:2 ပူးပေါင်းရင်းမြစ်များ

BIESOZY 12:8

Pahnona phapa a hneipa chyhsa cha reithaina hlao ta, Palôh chhiepa chyhsa deikua cha mohnaona a hlao tyh.

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

ISAI 66:24

“Pua aw ei ta, nâ dyuhtuhpazy ri ama moh tyh aw. Ama lôpazy thi leipa aw ta, ama mei pachhaipa châ hra leipa aw ta, chyhsa zydua châta hmo pasichhih ngaitapa ama châ aw,” Abeipa ta a tah.

ZEREMIAH 20:11

Châhrasala Abeipa cha, Pasaipha chichhihpa hawhta ei hnohta y ta, Nâ taolatuhpazy cha pao aw ei ta, Na pahnie aw veih ei. Ama hlao a tloh lei awpa vâta, Nozapa ta ama y aw. Ama chhâzaw nohzaona cha, Mypa ta y beih aw vei.

EZEKIA 37:12

Chavâta ama hnohta hetana heta hrohsona bie phuah teh. Abeipa Zehôvâh ta hetana heta a tah: Pachâ teh u, nama thlâzy pahy aw na ta, Hy ei phopi y, nama thlâzy tawhta cha pathyu aw ei na ta, Izarei râh lâ ei châ chhi aw ei.

HÔSIA 13:14

Athikhih ku tawhta pachha aw ei na ta, Thina tawhta ei chatlai aw ei. Hy thina, na potlana hri cha khataih liata a y? Hy Athihkhih, na châmaih cha khataih liata ma a y? Ngiachhiena cha, Ei mokhaoh tawhta nyupa a châ.

MATHAI 25:46

Chazy cha chhâzaw hriena lâ sie aw ei ta, mosiapazy deikua cha, chhâzaw hrona lâ ama sie aw,” tah ta.

HMOTAOPAZY 24:15

Chyhsa siapa nata sia leipazy thyuheihna a y awpa Khazohpa liata hnabeiseihna a hneipa châ na ta, cha bie cha âmo chhao ta amâ ngiapâpa a châ.

HMOTAOPAZY 7:60

A pakhu paneih ta, ao paro ngaitapa ta, “Abeipa y, he ama moleina maoh he âmo paphaosa khah y,” tah ta. Cha bie cha a rei khai nahta, a mô ha ta.

RAWMA 9:21

Beihlei tlo kha tawhta, zachhihpa ta hmâ awpa beih sôh viapa nata hmâ chakhyh awpa beih sôh lei viapa zy tao awpa ta, beihvituhpa cha beihlei chô liata bie hnei vei mâ?

1 THYSALAWNIKA 4:14

Zisu thi ta a thyu heihpa eimâ ngiapâpa vâta, Zisu liata a môpazy cha Khazohpa ta ano hnohta â vaw chhi aw ei tahpa eimâ ngiapâ.

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.