DÂNIAH 12:11 - Mara Bible RV (BSI)

¹¹ Raopa hlâna hlâ tyhpa cha pachhâsapa ta, roryhrana patlôsatuhpa pasichhihpa paduapa a châna daihti tawhta, noh 1,290 a châ aw.

DÂNIAH 12:11 ပူးပေါင်းရင်းမြစ်များ

PUASAINA 29:38

“Maisâh chô liata hmo na hlâ awpa cha, he he a châ: Noh chareih ta kô kha uhtheipa mietakutaw pô no lymâ na hlâ aw.

EZEKIA 4:6

“Cha cha na patlô tita, na chachâh lâ a hniehpa ta a zia heih aw chi ta, Zudâh pathlazy moleina na phaoh heih aw. Kô kha châta noh kha lymâ ta, noh sypalih a zia awpa ta na châta ei cha rao.

DÂNIAH 1:12

“Ei châ haw na, châ chakaotuhpazy he noh hrawh chhôh miah pasia la, nie awpa âhnalasi nata do awpa ti deita miah pie mah y.

DÂNIAH 11:31

A pheisaihzy vaw pua aw ei ta, Achhyna o nata thokhyzy papuapalei aw ei ta, raopa hlâna hlâ tyhpazy ama pachhâsa aw. Chatanachata roryhrana a patlôsatuhpa hmo pasichhihpa cha ama padua aw.

DÂNIAH 7:25

Chônôchaipa chakhiana biezy reih aw ta, Chônôchaipa mopathaihpazy cha ama rie a pathei aw; Daihtizy nata ryhpazy panano a chhuah aw ta, Daihti miakha, daihtizy nata daihti khophie chhôh cha, A ku liata mopathaihpazy piepa a châ aw.

DÂNIAH 8:26

Zâlâ nata my aluahna reipazy kha â do. Châhrasala aluahna kha chhiehruh ha teh, noh hluhpi tawhta a vaw y awpa kyh a châ,” tah ta.

DÂNIAH 9:27

Abei ta hâta ei kha chhôh chyhsa hluhpi hnohta biehrai a ipa tao aw ta, hâta khophie chhôh atheihna nata hmohlâpazy a pachhâsa aw. Chatawhcha roryhrana patlôsatuhpa chô liata chhâna daihti rao chhielie hapa patlai thlupa a châ hlâlei cha, roryhrana patlôsatuhpa cha pasichhihpa mathlaw chô liata a chohpa ta â vy aw,” tah ta.

HÔSIA 3:4

He he Izarei sawzy ta noh hluhpi bei tlyma, beisaw tlyma hnei leipa ta ama y awpa nata atheihna tlyma, panana tôh tlyma, ephaw nata terâfi zy hnei leipa ta ama y awpa pamosana a châ aw.

MATHAI 24:15

“Chatawhcha hrohsopa Dâniah reipa, roryhrana patlôsatuh pasichhihpa kha, su pathaihpa liata â duapa nama hmô aw. He bie a reihtuhpa ta a yzie pahno mawh sy.

MÂKA 13:14

“Châhrasala roryhrana pasichhihpa cha â dua lei nawpa su liata â duapa nama hmô tita, Zudia liata a ypazy cha tlâh lâ a râ mawh ei sy. A reihtuhpa ta a yzie pahno thai mawh sy.

BIEPHUAH 11:2

Achhyna o khôtho lâ dôhpachhôh tlyhmia deikua thlie leipa la, siesai mah y. Cha cha Zenitaizy hnohta piepa châ ha ta, âmo ta khihpi pathaihpa cha thla sypalih nata thla no ama tlypâ aw.

BIEPHUAH 12:6

Chanô cha Khazohpa ta ano châta â chhuahdypa su, râhchawhpa lâ a râ syulyu ha ta. Cha liata noh 1,260 chhôh pasapa a châ aw.

BIEPHUAH 13:5

Chatawhcha apalaina nata Khazohpa reipachhiena pakah a hnohta piepa châ ta, thla sypalih nata thla no chhôh biehnei awpa ta pasaipa a châ.