DÂNIAH 12:10 - Mara Bible RV (BSI)

¹⁰ Chyhsa hluhpi âmosasyh ta a pathaisa aw ei ta, a pangyuhsapa ta amâ taopathi aw. Moleipazy deikua cha ama molei via rili aw. Moleipa ta a pachâna pahno leipa aw ta, chyhsa sopazy deikua ta cha ama pahno aw.

DÂNIAH 12:10 ပူးပေါင်းရင်းမြစ်များ

HLAZY 107:43

Chyhsa sopa maihta cha hmozy cha ngia ei sala, Abeipa kyhpachâna tleih beih leipa kyh pachâ tyh mawh ei sy.

HLAZY 51:7

Hisaw ta na pathai la, Ei pathaih aw; Na pasi la, Dâhaw hlâta ei ngyuh via aw.

BIESOZY 1:5

Asopazy ta theipa ta ama pahnona a pôh via nawpa ta, Novâhpazy ta pasopakâna bie ama dao thei nawpa ta,

ISAI 1:18

“A vy teh u, Pachâ khoh tua suh u,” Abeipa ta a tah. “Nama moleinazy cha, Saihlawpa hawhta saih hra sala, Dâhaw hawhta ngyuh aw ta; Saihdôhpa hawhta saih hra sala, Mietaku hmi hawhta a y aw.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

EZEKIA 47:11

Chiatlao nata tichhoh zy deikua cha, pathaih leipa aw ei ta, alôh khaoh châta siesaipa ama châ aw.

DÂNIAH 11:33

Zawpi hry liata chyhsa sopazy ta, chyhsa hluhpi pachu aw ei ta, châhrasala noh hluhpi chhôh cha zaozi ta tlyma, meipaleih ta tlyma, sei châna ta tlyma, hraona ta tlyma chyhsa hluhpi ama pao aw.

DÂNIAH 11:35

Daihti raopa a vaw tlô hlâ via cha, chyhsa sopa thokha chhao amâ chapia hra aw, daihti chhâna taihta pasiapa ta nata pathaisapa nata pangyuhpa ta ama y thei nawpa ta.

DÂNIAH 12:3

A sopazy cha avâ khaihpa hawhta khaih aw ei ta, chyhsa hluhpi siana lâta a paheisatuhpazy cha awhsi hawhta chhâzaw nata tlyzaw ta ama khaih aw.

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

MALAKHAI 3:3

Tâkâ pathaituhpa nata a thlipasohtuhpa hawhta a tyuh aw ta, Livai pathlazy cha pathaisa aw ta, ngôh nata tâkâ a thlipasohpa hawhta âmo cha a thlipasoh aw ta, siana ta Abeipa lâta hmohlâpazy ama hlâ aw.

MÂKA 4:11

Zisu ta ama hnohta, “Khazohpa khinarâh bienyupa cha nama hnohta palâhâh hapa châ ta, khôtho chyhsazy châta deikua cha, ato pakhona bie ta reipa a châ.

LUKA 24:25

Zisu ta ama hnohta, “Hy ahrupa saih u! Hrohsopazy bie reipa zydua a ngiapâ nawpa kyh liata nainôsôpazy saih u!

ZAWHÂNA 18:37

Pilâ ta a hnohta, “Cha khiah, abei ma na châ?” tah ta. Zisu ta a chhy ta, “Nâ ta abei na châ eina tah chi cha zaw. Biehmeiseihpa pahnosa awpa ta a pihpa châ na ta, biehmeiseihpa pahnosa awpa ta khizaw lâ â zupa ei châ. Ahy rai bie hmeiseihpa liata a ypa maihta ei bie ama zyh tyh,” tah ta.

ZAWHÂNA 7:17

Ahy rai Khazohpa khopa a tao khohpa a châ khiahta cha, ei bie pachupa he Khazohpa tawhtapa ma, keima tao chhyhpa a reihpa ma ei châ tahpa a pahno aw.

ZAWHÂNA 8:47

Khazohpa chyhsa cha Khazohpa bie a nathlie. Nâmo deikua cha, Khazohpa chyhsa nama châ leipa vâta, Khazohpa bie nathlie veih ei chi,” tah ta.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 12:10

Lei liata eima pawzy ta daihti chyuta chhôh, pha ama tahzie hawhta miah chhorei ei ta, Abeipa deikua cha, eima pha nawpa ta tlao miah a chhorei tyh. Chatanachata a pathaihna eimâ hly thei aw.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.

BIEPHUAH 16:11

ama pasana nata hmahzy vâta vârâh Khazohpa cha chhiesapa ei ta. Châhrasala ama hmotaopazy ro khoh hlei veih ei.

BIEPHUAH 19:14

Vâ pheisaihzy ta poh rih dipa diehpa nata pathaihpa a bupa ta arâ râhpa a kiahpa cha pazi ei ta.

BIEPHUAH 19:8

Poh rih dipa pathliepa nata pathaihpa A bu awpa pasaipa a châ,” vaw tah ta. Poh rih dipa cha mopathaihpazy siana hmotaopa a palâsa.

BIEPHUAH 22:11

Moleipa cha moleina hmo tao lymâ sala, chyhsa puapa cha a puapa ta y lymâ sala, mosiapa cha a siapa ta y lymâ sala, mopathaihpa cha pathaihpa ta y lymâ mawh sy,” tahpa ta na chho ta.

BIEPHUAH 3:18

Na hneirôh thei nawpa ta mei liata pathaisapa ngôh zy, na thluahrua maophyuh chhiepa â lâ lei nawpa ta poh diehpa a bu awpa zy, na hmô thei nawpa ta na mo liata hnia awpa mo pasana thohna zy kei tawhta chalei awpa ta ei cha chhosie.

1 SAMUELA 24:13

Hlâno bieso ta, ‘Moleipa tawhta moleina a pua tyh,’ a tahpa hawhta, kei ta la, na chô liata ei ku pathla beih aw va na.