DÂNIAH 12:1 - Mara Bible RV (BSI)

¹ “Cha daihti liata, na chyhsazy a châhkheituhpa hyutuh rônahpa Mikaila vaw pua aw ta, nôpona daihti, phopi y tua no tawhta a y beih leipa cha a vaw y aw. Châhrasala cha daihti liata, châbu liata a moh ropa ta a ypa na chyhsazy cha pachhapa ta ama y aw.

DÂNIAH 12:1 ပူးပေါင်းရင်းမြစ်များ

HLAZY 56:8

Ei viavinazy ngiapa ta, Ei mothlihzy na chhiehraôh liata ryh chi ta, Na châbu liata ropa a châ.

HLAZY 69:28

Ahrohpazy châbu tawhta ama moh phiepa châ sala, Mosiapazy hry liata ama moh roh khah y.

ISAI 4:3

Zaio liata siesaipa nata Zerusale liata a nguapa, Zerusale liata a hrohpa moh ropazy cha pathaihpa tahpa ama châ aw.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEREMIAH 30:10

“Chavâta Hy nâ chakaotuhpa Zakaw y, chi leipa la, Hy Izarei y, ngiarohpa ta y khah y,” Abeipa ta a tah. “Pachâ teh, lâhlapi tawhta cha pachha aw na ta, Na pathlazy ama seichâna râh tawhta ei pachha aw ei. Zakaw cha kua heihpa ta sidiapa nata chhôhmohpa ta y aw ta, Ahy ta hmahta pachisa khao aw veih ei.

ZEREMIAH 30:7

Cha noh rônahzie rimâ cha! Cha noh a lyupa rai y veih ei; Zakaw nôpona noh châ ta, Châhrasala cha tawhtapa cha pachhapa ta a y aw.

EZEKIA 13:9

Aluahna phichhyhpa a hmôpa nata haipa ta a pachaopadâhpa hrohsopazy chô liata ei ku ei hy aw. Ei phopi pakhypi liata a hlao leipa aw ei ta, Izarei pathlazy moh rona liata ropa châ hra leipa aw ei ta, Izarei râh a ngia aw veih ei. Chatanachata Abeipa Zehôvâh ei châ tahpa nama pahno aw.

EZEKIA 34:24

Kei Abeipa he ama Khazohpa châ aw na ta, nâ chakaotuhpa Dâvi cha âmo bei a châ aw. Kei Abeipa ta ei reih haw.

EZEKIA 5:9

Na pasichhihna zydua vâta, ei tao beih leipa hmo, a tao chhao ei tao heih khao lei awpa cha, na chô liata ei tao aw.

DÂNIAH 10:13

Persia khinarâh ryureituhpa ta noh kih nata noh kha chhôh na pakhâ ta, châhrasala ryureituhpa lai chaipazy hry liatapa Mikaila cha keima na bao awpa ta a vy ta. Cha liata kei cha Persia beizy hnohta siesaipa châ na ta.

DÂNIAH 10:21

Châhrasala biedopa rona châbu liata ropa ei cha chho aw: Nâmo ryureituhpa Mikaila tah leipa ta cha, he sahlaozy adyuhna liata nâ dyuhkheipa pakha hmah y veih ei.

DÂNIAH 11:45

Tlâh pathaihpa ngia ngaitapa nata tilaipi likawh liata â bei poh ozy rai aw ta, châhrasala a chhâna tlô aw ta, ano a bao awpa ahy hmah y aw veih ei.

DÂNIAH 7:10

Mei chavah vaw loh ta, A hmiakô tawhta a vaw pua; A sâh a sâh ta ano cha chakao ei ta, A thy a thy ta a hmiakô liata amâ duah; Pachiana y ta, Châbuzy pahypa a châ.

DÂNIAH 9:12

Chavâta chhiena ru ngaitapa eima chô liata patlôsapa ta, keimo chô liata nata miah a pachiatuhpa eima ryureituhpazy chô liata a bie reipazy a paki lymâ. Zerusale chô liata a taopa hawhpa he avâ ry zydua liata taopa ta y beih vei.

ZÔELA 2:2

Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

MALAKHAI 3:16

Chatawhcha Khazohpa a chipazy cha a chhohia raihrie ei ta, Abeipa ta ama biereipazy nathliepa ta thei ta. Chatanachata Abeipa a chipa nata a moh a pasâhsapazy atheithlâhna châbu cha a mohmô liata ropa a châ.

MATHAI 24:21

Cha daihti liata, riethei pasataona rarôh y ngaitapa y aw ta, cha hawhpa cha leilô pi daihti tawhta tahmâ taihta y beih leipa ta, khati ta hmahta y heih khao aw vei.

MÂKA 13:19

Cha nohzy cha riethei pasana noh châ aw ta, cha tlatlu ta rarôh ypa cha, Khazohpa taopa leilô y tua no tawhta tahmâ taihta y beih leipa ta, y heih khao aw vei.

LUKA 10:20

Châhrasala thlahpazy nama rei sai ta ama ypa vâta a ly leipa u la, vârâh liata nama moh ropa a châpa vâta tlao a ly teh u,” tah ta.

RAWMA 11:15

Âmo dythana hmahta khizaw aryhna a châ khiahta cha, âmo apyhna chhochhi cha, thina tawhta hrona leipa ta cha, khâpa a châ aw?

RAWMA 11:26

Izarei zydua pachhapa ama châ aw, “Zaio tawhta pachhatuhpa vaw pua aw ta, Zakaw tawhta moleina a pahlei aw.

EPHESI 1:21

Cha hmotaotheina cha, abeina zydua, biehneina zydua, hmotaotheina zydua nata ryureina zydua chô lâta y ta, he khizaw lia dei châ leipa ta, khizaw vaw y awpa liata chhao, moh bipa to chô lâta a y aw.

PHILIPI 4:3

A châ na, raopaky ei kylâhpa chhao chi kha ei châ haw hra. Kha chanôzy kha vaw bao mah y. Âmo kha Klemena nata ei hrialâhpa hropa zydua chhaota thâtihpha vâta ei hriapasana liata nâ hrialâhpazy châ ei ta, hrona châbu liata ama moh a ypazy ama châ.

ZUDÂH 1:9

Vâlyuhchâpa chônôchaipa Mikaila tlai chhao khata, Mawsi ri kyh liata ahripa nata a chhu ei ta, ahripa â dyuh nona kha, reipachhiena pachiana bie phuah leipa ta, “Abeipa ta cha ra mawh sy,” tlao a tah.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,

BIEPHUAH 12:7

Chatawhcha vârâh liata adyuhna vaw y ta. Mikaila nata a vâlyuhchâpazy ta drâkao cha a dyuh ei ta. Drâkao nata a vâlyuhchâpazy chhaota a vaw dyuh palie hra ei ta.

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.

BIEPHUAH 3:5

Pahnietuhpa cha, cha hawhta poh diehpa pabusapa châ aw ta, hrona châbu tawhta a moh phie beih leipa aw na ta, ei Paw hmiakô liata nata a vâlyuhchâpazy hmiakô liata a moh ei châhkhei aw.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.