DÂNIAH 11:7 - Mara Bible RV (BSI)

⁷ “Chho bei su liata a duah awpa ta, chho bei sawchanô thari pachiahpazy tawhta pakha vaw pua aw ta, maw bei pheisaih siehnao aw ta, a thokhy tlahnao aw ta, âmo a dyuh aw ta, a pahnie aw.

DÂNIAH 11:7 ပူးပေါင်းရင်းမြစ်များ

ZAWBÂ 14:7

“Tho châta la hnabeiseihna a y, Thlu hra ei sala, A chhyh thao hei aw ta, A chiah thiehpa chhâ aw vei.

HLAZY 109:8

A hro chhôh nohzy chyu sala, Mohropa ta a su a thla mawh sy!

HLAZY 55:23

Châhrasala Hy Khazohpa, Moleipazy cha leidiana khaohtlô liata pathla aw chi ta, Thisaih a palopa nata chyhsa a dôveipazy cha, Ama chhâ khophie chhao hroh aw veih ei. Kei deikua cha, nâ ei cha ngâ aw.

ISAI 11:1

Zese thabypa tawhta chhyh vaw thao aw ta, A tharizy tawhta a chiah a thaopa a pathei aw.

ISAI 9:14

Chavâta Abeipa ta Izarei luh tai pachhô aw ta, A chaolahmei chhao a tai pachhô aw; Thiahrâ chiah nata lohthi zy Noh kha ta a tai pachhô khai aw.

ZEREMIAH 12:2

Âmo cha loh chi ta, thari thla ei ta, Laiseih ei ta, thei ama pathei tyh. Ama pakah a hnia chi ta, Ama palôh deikua cha nâ hla kaw.

EZEKIA 17:18

Bietai a papeisa leipa vâta, Biehrai cha a paraopa a châ. Bietaina ku a hlâ ha tawhta, cha hmo zydua cha a taopa vâta, a boh cheita aw vei.

DÂNIAH 11:40

“Chhâna daihti liata, chho bei ta maw bei cha a dyuh aw ta, châhrasala maw bei ta talailihzy, arâ pheisaihzy nata balyh hluhpi chhao ta, chho bei chô liata khiesô hawhta za pathli thlu aw ta, râhzy liata a ngia aw ta, tisaih hawhta âmo cha phaoh aw ta, a sie lymâ aw.

DÂNIAH 11:6

Kô khazie tlyma a khô tawhta, azaona tao aw ei ta, chho bei sawchanô cha aryhna tao awpa ta maw bei lâ a khy aw. Châhrasala chho bei sawchanô ta a bâh thatlôna pabohsa thei leipa aw ta, maw bei chhao a duah thei leipa aw ta, a bâh thatlôna a duah thei hra aw vei. Bei sawchanô nata ano a chakaotuhpazy, a paw nata cha daihtizy liata ano a baotuhpazy chhao a paphasai khaipa ama châ aw.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

LUKA 12:20

Châhrasala Khazohpa ta a hnohta, ‘Ahrupa! Tazâ he na thlahpa lapa châ aw ta, na hmo hneipazy kha ahyzy ma a to aw ei?’ tah ta.