DÂNIAH 11:40 - Mara Bible RV (BSI)

⁴⁰ “Chhâna daihti liata, chho bei ta maw bei cha a dyuh aw ta, châhrasala maw bei ta talailihzy, arâ pheisaihzy nata balyh hluhpi chhao ta, chho bei chô liata khiesô hawhta za pathli thlu aw ta, râhzy liata a ngia aw ta, tisaih hawhta âmo cha phaoh aw ta, a sie lymâ aw.

DÂNIAH 11:40 ပူးပေါင်းရင်းမြစ်များ

ISAI 21:1

He he tilaipi kiah râhchawhpa kyh chhochhieliena bie a châ: Khisô ta Neke a chanaohpa hawhta, Chariahpa cha râhchawhpa tawhta a vy ta, Râh chichhihpa tawhta â vy.

ISAI 5:28

Ama châtaizy tiah kaw ta, Ama libaw zydua a kei chiehpa ta y ta, Ama arâ chakiezy cha pachielô lyu ta, Ama talailih tiakizy cha khisô a lyu.

ISAI 66:15

“Moh teh u, a pathiiana lei thlupa ta, Meipaleih ta chhorei awpa ta, Abeipa cha mei chhaota vaw tlô aw ta, A talailihzy cha khisô hawhta a châ aw.

ZEREMIAH 4:13

“Moh tua, meihdozy hawhta â khy huh; A talailihzy khisô lyu ta, A arâzy pahmôhpi hlâta ama chatlie via. Paraopa ta eima y ha hih, Eima hu a po kaw dia!

EZEKIA 38:4

Cha pahieh aw na ta, na kâh liata keipa ta cha paao aw na ta, ei châ chhi aw. Na pheisaih zydua a chhi khai aw ei na ta, chariah chhaichhi kipa ta tobipa arâzy nata arâ pheisaihzy, vyhphao laipa nata vyhphao chyhpa a chabapa ta, zaozi a pahiehpa pheisaih hluh ngaitapazy ei chhi khai aw ei.

EZEKIA 38:9

Hmia lâ tôh aw chi ta, chothyu hawhta na tlô thlu aw. Nâ nata na pheisaih zydua nata na hnohta phopi hluhpi cha, meihdo ta râh a pahlypa nama lyu aw.

DÂNIAH 11:10

“Maw bei sawchapawzy ta a dyuh awpa ta a pachhuahpanoh aw ei ta, pheisaih hri hluh ngaitapa awpakhy aw ei ta, tisaih toh thei leipa hawhta vaw pua via ngâ thlâh ha aw ei ta, chho bei thokhy tlôna taihta amâ dyuh laih lymâ aw.

DÂNIAH 11:11

Chatawhcha chho bei cha, pathi ia ngaitapa ta vaw pua aw ta, maw bei cha â dyuh aw. Maw bei ta pheisaih hluhpi pathyu aw ta, châhrasala âmo cha chho bei ku liata hlâpa ama châ aw.

DÂNIAH 11:13

Maw bei ta pheisaih hluhpi, a hmiatuapa hlâta hluh viapa padua heih aw ta, kô khazie tlyma a khô tawhta, pheisaih hluh ngaitapa nata chariah chhaichhi a kipa ta hrâ a za sie heih aw.

DÂNIAH 11:22

Pheisaih hluhpi a hmiakô liata tlokhuh chadai paipa ta y aw ei ta, pachhaih pazaoh khaipa ama châ aw, biehrai hyutuhpa chhao taih ta.

DÂNIAH 11:25

Pheisaih hluhpi chhao ta chho bei siehnao a chhuahpa ta, maw bei cha a thatlôna nata a riahphanazy papua aw ta, chho bei chhao ta pheisaih hluh ngaitapa nata thatlô ngaitapa chhao ta â vaw dyuh hra aw; châhrasala chho bei cha a duah thei aw vei, ano pahnie nawpa ta pachhuahpanohpa a châ hapa vâta.

DÂNIAH 11:35

Daihti raopa a vaw tlô hlâ via cha, chyhsa sopa thokha chhao amâ chapia hra aw, daihti chhâna taihta pasiapa ta nata pathaisapa nata pangyuhpa ta ama y thei nawpa ta.

DÂNIAH 11:39

Râh hropa khazoh baona ta thokhy a i chaipazy chhao a dyuh aw ta, ano â châhpa maih cha thata a palyupalih aw ei. Âmo cha chyhsa hluhpi chô liata ryureituhpazy ta tao aw ta, a mâ hneipa ta râh a rai aw ei.

DÂNIAH 11:7

“Chho bei su liata a duah awpa ta, chho bei sawchanô thari pachiahpazy tawhta pakha vaw pua aw ta, maw bei pheisaih siehnao aw ta, a thokhy tlahnao aw ta, âmo a dyuh aw ta, a pahnie aw.

DÂNIAH 12:4

Nâ deikua cha, Hy Dâniah y, chhâna daihti a tlô hlâlei cha, bie cha nyu la, châbu kha pakuh la khâchâ baipâ ha mah y. Chyhsa hluhpi a râhreih aw ei ta, pahnona a pôh aw,” tah ta.

DÂNIAH 12:9

Ano ta, “Dâniah y, na sie nawpa lâpi liata sie thlâh ha mah y, biezy cha chhâna daihti taih châta khaw hapa nata baipâ hapa châ ha tlôh ta.

DÂNIAH 8:17

Chatanachata Kabriel cha ei duana kiapâh lâ a vy ta. Â vy nahta, chi ngaita na ta, ei hmia alei lâ a khupa ta pao na ta. Ano ta ei hnohta, “Hy chyhsa sawchapawpa y, aluahna he daihti chhâna kyh a châ tahpa pahno mah y,” tah ta.

HABAKU 3:14

Nâ chadaipai awpa ta khisô hawhta a vypa a pasaiphazy, Rietheipazy arulâta palâpa amâ lyna a châpazy cha, Ano châtaizy tlai ta ama luhzy na ka pahlie haw.

ZEKARIA 9:14

Abeipa ama chô liata a vaw luah aw ta, A châtai dôhla hawhta a pathli aw; Abeipa Zehôvâh ta chiahmie tô aw ta, Chho khisôzy chhaota hrâ a sie aw.

BIEPHUAH 16:12

Vâlyuhchâpa pacharuna ta a biebuh cha Ufrâti vahpi liata patlai ta. Nochhi beizy châta lâpi a chhuahdy awpa ta, a ti cha kua ha ta.

BIEPHUAH 9:16

Arâ pheisaihzy maluh zie ama reipa ei theipa cha, thy kha nata thy kha papôhsapa lie no a châ.