DÂNIAH 11:36 - Mara Bible RV (BSI)

³⁶ “Chatawhcha abei cha a khopa hawhta tao aw ta, anosasyh ta a pasâhsapa ta, khazoh to hlâta rônah viapa ta a tao aw ta, khazohzy Khazohpa a dyuhpa ta hmo anano ngaitapazy reih aw ta, hiehâhna daihti pakipa a châ hlâlei cha hmotaotheina a hnei aw, rao chiehpa hmo cha a tlô tlai awpa a châpa vâta.

DÂNIAH 11:36 ပူးပေါင်းရင်းမြစ်များ

HLAZY 136:2

Khazozy Khazohpa hnohta alyna bie reih teh u, A kyhpachâna tlyzaw ta a daihpa a châ.

HLAZY 33:10

Abeipa ta râhzy ryhraona cha hraoleipa ta pachâsa ta, Phopizy achhuahna a parao tyh.

BIESOZY 19:21

Chyhsapa palôh liata achhuahna hluhpi y ta, Châhrasala a duah awpa cha Abeipa ryhraopa a châ tyh.

ISAI 10:23

Alei chô zydua liata raona a tlô awpa kyh bieraopa cha, Pheisaihzy Abeipa Zehôvâh ta a patlôsa hai.

ISAI 10:25

Bohpi leipa liata ei pathiiana pai aw ta, ei hiehâhna cha âmo pahleipadiana lâ â heih bâ aw.

ISAI 10:5

Asuria cha a hu a po na! Ano cha ei pathiiana sômasi châ ta, A ku liata ei hiehâhna chôchahrei a y.

ISAI 14:13

Na palôh liata, ‘Avâ lâ kiah aw na ta, Khazohpa awhsizy chô lâ liata Vâ chô sâhpa liata ei beidyuchhai patyu aw na ta, Maw chhâna pakhypi tlâh liata ei tyuh aw.

ISAI 14:14

Meihdozy hlâta a sâh viapa lâ kiah aw na ta, Chônôchaipa hawhta ei y aw,’ tah chi ta.

ISAI 26:20

Hy ei phopi, a vy u la, Nama chhôhpadâhpazy liata a ngia teh u; Nama ochhizy a khaw khâh u la, Ruchhôna a khô hlâlei cha, Bohpi leipa chhôh a nyu chy teh u.

ISAI 30:33

Hlâno tawhta mei raona su a chhuanoh hapa a châ. Abei châta chhao a chhuahdy hapa châ ta, tho ti nawpa â thu ngaitapa nata a kawh ngaitapa ta taopa châ ta, mei nata tho hluhpi pahmaohpa a châ. Cha cha kaih vahtiepa hawhta a lohpa Abeipa hu ta a pakâsa.

ISAI 46:10

Âthaona tawhta chhâna kyh reih ha na ta, Hmo tao mâh leipazy chhao, Hlâno tawhta hetana heta ei reih haw: ‘Ei ryhraopa a duah aw ta, Ei chhuahpa zydua ei tao khai aw.’

ISAI 57:9

Sathaw chhaota abei lâ pangai chi ta, Na ropahâhpazy thata na papôh. Na lyuhchâpazy lâhlapi lâ tuah chi ta, Athihkhih lâ taihta na tuah ei.

EZEKIA 28:2

“Chyhsa sawchapawpa y, Tyre bei hnohta reih teh, Abeipa Zehôvâh ta hetana heta a tah: “Na palôh lai ta, ‘Khazoh châ na ta, Tilaipizy liah liata, Khazohzy dyuchhai liata ei tyuh,’ tah chi ta, Châhrasala chyhsapa dei na châ; Khazoh palôh hawhta na palôh tao hra la, Khazohpa châ va chi.

EZEKIA 35:13

Na pakah ta ei chô liata nâ palai thlupa ta, keima chakhiana bie hluhpi reih chi ta, ei thei khai haw.

DÂNIAH 11:16

Chho bei a dyuhtuhpa ta a khozie hawhta tao aw ta, a hmiakô liata ahy hmah a duah thei aw veih ei. Râh Ngiapa liata a duah aw ta, a ku liata parao theina a y aw.

DÂNIAH 11:3

Chatawhcha bei thatlô ngaitapa vaw pua aw ta, biehneina lai ngaitapa ta ryureih aw ta, ano rei sai ta a tao aw.

DÂNIAH 11:37

Ano pathlatuhzy khazohzy uasa leipa aw ta, chanôzy ta ama tlaichhai kawpa khazoh chhao uasa hra aw vei. Khazoh kheihawhpa hmah uasa aw vei, âmo zydua hlâta rônah viapa ta â tao awpa vâta.

DÂNIAH 12:7

Chatawhcha pala rih dipa chysia a tobi ta, chavah ti chô liata â pahai thlâh hapa chata, a ku chachâh lâ nata a ku chavei lâ avâ lâ pazawh ta, tlyzaw ta a hrohpa moh reipa ta, “Daihti ei kha, daihtizy nata daihti khophie chhôh a châ aw, mopathaihpazy hmotaotheina paraopa a châ khai tita, he hmo zydua he â ki aw,” tahpa ta bie â taihpa thei na ta.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

DÂNIAH 5:19

Laina a piepa vâna chata, phopi to, râh to nata reih to ta a hmiakô liata a chalyu ei ta, ama chi ngaita. A khopa maih thie ta, a khopa maih a pahro; a khopa maih pasâhsa ta, a khopa maih a panawh.

DÂNIAH 5:20

Châhrasala a palôh a pasâhsa ta, a pachâna pachyupa ta, â vaw palai nahta cha, â beina beidyuchhai tawhta pathlapa ta y ta, a rônahna pahluhpa a châ.

DÂNIAH 7:8

Kizy thâtih ei pachâ hai nota, ama hry tawhta ki hropa miakha, ki chyhpata kaw thao ta, ki hmiatuapa miathôhpazy kha ama tharizy chhaota a hmiakô liata thlopa ta y ei ta. Cha ki cha chyhsapa mozy hawhta mozy hnei ta, a palai ngaitapa ta bie a reihpa pakah a hnei.”

DÂNIAH 8:19

Ei hnohta, “Moh teh, hiehâhna hnôh lâta hmo a vaw tlô awpa ei cha pahnosa aw, aluahna he chhâna daihti raopa kyh a châ.

DÂNIAH 8:4

Mietaku tôhpa chata notla lâ zy, maw lâ zy, chho lâ zy a tôh laihpa hmô na ta, a hmiakô liata a duah theipa sa rai y leipa ei ta, a ku tawhtapa a pachha theipa y hra veih ei. A khozie hawhta tao ta, a rônah via lymâ.

ZEKARIA 11:16

Moh teh, aleipazy pahno leipa ta viavipazy a tlua leipa, hmahphaohpazy patlâh leipa ta tlâhleipazy a deichhy leipa, mietaku thawhpa sazy tlao nie khaipa ta ama chakiezy taihta a hriechheihpa mietaku vaituhpazy râh liata ei padua aw.

ZAWHÂNA 5:30

“Keima kho ta khâpa hmah tao thei va na. Nah ta ei theipa hawhta pachia na ta, ei pachiana cha â do, keima rei sai ta y a chhuah leipa na ta, nâ tuahtuhpa rei sai ta y ei chhuahpa vâta.

ZAWHÂNA 6:38

Keima khopa tao awpa ta vârâh tawhta a zupa châ leipa na ta, nâ tuahtuhpa khopa tao awpa ta a zupa tlao ei châ.

HMOTAOPAZY 4:28

Na ku nata nâ chhuahna ta hmo a vaw tlô awpa na rao chhieliepazy tao awpa ta amâ hmaohpakhypa a châ.

RYHPACHANEINA 10:17

Abeipa nama Khazohpa cha khazohzy Khazohpa, beizy Beipa, Khazoh rônahpa, Khazoh thatlôpa nata chichhihpa, khokhei hlei hnei leipa nata panaopapana hmo a la beih leipa a châ.

2 THYSALAWNIKA 2:3

Ahy hmahta kheihawhta hmah cha dôvei khah ei sy. Paosaina a vaw tlô ha tua leipa nata ryhpa paraotuhpa leidia sawchapawpa â vaw luah tua leipa ta cha, cha Noh cha vaw tlô aw vei.

2 THYSALAWNIKA 2:4

Ano cha khazoh moh bipa nata a chhypa maih a dyuhpa ta, anosasyh â palyupalih aw. Khazohpa hawhta a phuah aw ta, Khazohpa Achhyna o liata a tyuh aw ta, Khazohpa hawhta â chaluah aw.

2 THYSALAWNIKA 2:8

Cha khai tawhta, ryhpa paraotuhpa cha a vaw luah aw ta, Abeipa Zisu ta ano cha a pakah hu ta thie aw ta, â vyna khaihna ta a pahleipadia aw.

ZAWSUA 22:22

“Zehôvah, khazohzy Khazohpa! Abeipa, khazohzy Khazohpa! Ano ta pahno ta, Izarei chhao ta pahno mawh sy! Eima maisâh taopa he Abeipa a dyuhpa tlyma, a rei a ngiah leipa tlyma a châ khiahta cha, tanoh he miah pahlôh khuh vy.

BIEPHUAH 10:7

Vâlyuhchâpa pasarina ta chiahmie ta a awna noh liata deikua cha, a chakaotuhpa hrohsopazy hnohta a phuahpa hawhna khata, Khazohpa bienyupa cha pakipa a châ aw,” tah ta.

BIEPHUAH 12:14

Châhrasala chanô cha râhchawhpa liata a y nawpa su lâ â zaw thei nawpa ta, pahmôhpi lai ngaitapa mathlaw miano piepa châ ta, cha liata, parih ta a hmô thei khao leina liata kô thôh nata khophie chhôh pasapa a châ aw.

BIEPHUAH 13:1

Chatawhcha sahrâhpa, ki hrawh nata luh sari a hneipa, tilaipi tawhta a kaw puapa hmô na ta. A kizy liata beilakho miahrawh y ta, a luhzy liata Khazohpa reipachhiena mohzy a y.

BIEPHUAH 17:17

Khazohpa biezy pakipa a châ hlâlei a hmochhuahpa ama hria thei nawpa ta, Khazohpa ta âmo cha palôh miakha phaoh awpa ta tao ta, amâ beinarâh chhao sahrâhpa hnohta pie khohna palôh a pahneisa ei.

BIEPHUAH 17:3

Chatawhcha Thlahpa ta râhchawhpa lâ na siekhei ta, Khazohpa reipachhiena mohzy ta a biepa, luh sari nata ki hrawh a hneipa sahrâhpa saihlawpa chô liata a kiahpa chanô hmô na ta.