DÂNIAH 11:35 - Mara Bible RV (BSI)

³⁵ Daihti raopa a vaw tlô hlâ via cha, chyhsa sopa thokha chhao amâ chapia hra aw, daihti chhâna taihta pasiapa ta nata pathaisapa nata pangyuhpa ta ama y thei nawpa ta.

DÂNIAH 11:35 ပူးပေါင်းရင်းမြစ်များ

2 THÂTIHZYRONA 32:31

Babylaw beimachâzy ta lyuhchâpazy za tuah ei ta, râh liata ngiana hmo ama taopazy ama za patluahna kyh liata, Khazohpa ta Hezekia cha pasia ta, a palôh liata a ypa zydua pahno awpa ta ano y ta a paysa hapa kha a châ.

BIESOZY 17:3

Pathaisana beih cha tâkâ châta châ ta, Patina mei chhao ngôh châta a châ; Abeipa deikua cha palôh a pasia tyh.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

DÂNIAH 11:27

He bei panozy he hmo pha leipa taona lâta ama palôh pahei aw ei ta, tlâhkhai miakha liata dôhna chôta a dôvei raihrie aw ei ta, châhrasala phahnai aw vei, chhâna cha daihti raopa liata a vaw tlô thlyu awpa vâta.

DÂNIAH 11:29

“Daihti raopa liata chho lâ kuapa ta a siehnao heih aw. Châhrasala he daihti liata la hmiatuapa hawhna khata châ khao aw vei.

DÂNIAH 11:33

Zawpi hry liata chyhsa sopazy ta, chyhsa hluhpi pachu aw ei ta, châhrasala noh hluhpi chhôh cha zaozi ta tlyma, meipaleih ta tlyma, sei châna ta tlyma, hraona ta tlyma chyhsa hluhpi ama pao aw.

DÂNIAH 11:40

“Chhâna daihti liata, chho bei ta maw bei cha a dyuh aw ta, châhrasala maw bei ta talailihzy, arâ pheisaihzy nata balyh hluhpi chhao ta, chho bei chô liata khiesô hawhta za pathli thlu aw ta, râhzy liata a ngia aw ta, tisaih hawhta âmo cha phaoh aw ta, a sie lymâ aw.

DÂNIAH 12:3

A sopazy cha avâ khaihpa hawhta khaih aw ei ta, chyhsa hluhpi siana lâta a paheisatuhpazy cha awhsi hawhta chhâzaw nata tlyzaw ta ama khaih aw.

DÂNIAH 12:4

Nâ deikua cha, Hy Dâniah y, chhâna daihti a tlô hlâlei cha, bie cha nyu la, châbu kha pakuh la khâchâ baipâ ha mah y. Chyhsa hluhpi a râhreih aw ei ta, pahnona a pôh aw,” tah ta.

DÂNIAH 8:10

Avâ liata a ypazy tlôna taihta seih ta, avâ liata a ypa thokha nata awhsi thokhazy cha alei lâ za thy ta, âmo cha tlypâ ta.

DÂNIAH 8:17

Chatanachata Kabriel cha ei duana kiapâh lâ a vy ta. Â vy nahta, chi ngaita na ta, ei hmia alei lâ a khupa ta pao na ta. Ano ta ei hnohta, “Hy chyhsa sawchapawpa y, aluahna he daihti chhâna kyh a châ tahpa pahno mah y,” tah ta.

DÂNIAH 8:19

Ei hnohta, “Moh teh, hiehâhna hnôh lâta hmo a vaw tlô awpa ei cha pahnosa aw, aluahna he chhâna daihti raopa kyh a châ.

DÂNIAH 9:27

Abei ta hâta ei kha chhôh chyhsa hluhpi hnohta biehrai a ipa tao aw ta, hâta khophie chhôh atheihna nata hmohlâpazy a pachhâsa aw. Chatawhcha roryhrana patlôsatuhpa chô liata chhâna daihti rao chhielie hapa patlai thlupa a châ hlâlei cha, roryhrana patlôsatuhpa cha pasichhihpa mathlaw chô liata a chohpa ta â vy aw,” tah ta.

HABAKU 2:3

Aluahna cha a daihti raopa hâ chy ta, Chhâna kyh reih ta, Rei chhei aw vei. Vaw tlô mâh vei hra sala, Hâ hualua mah y; A vaw tlô thlyu aw, Hawh aw vei.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

MATHAI 16:17

Zisu ta a hnohta, “Saimaw, Zawna sawchapawpa, na nohlao na! Sapa nata thisaih ta a cha pahnosapa châ leipa ta, ei Paw vârâh liata a ypa ta a cha pahnosapa a châ.

MATHAI 26:56

Châhrasala hrohsopazy ropa Biehrai â ki thei nawpa ta, he hmo zydua he a vaw tlôpa a châ,” tah ta. Cha khai tawhta, pachupa zydua ta ano cha siesaipa ta a râ khai ha ei ta.

ZAWHÂNA 15:2

Ei chiah a pathei leipa maih thy ta, a patheipa maih a pathai tyh, a pathei hluh rili nawpa ta.

ZAWHÂNA 20:25

Pachupa hropazy ta a hnohta, “Abeipa eima hmô haw,” tah ei ta. Châhrasala ano ta ama hnohta, “A ku thua khaina hmahdawzy kha hmôpa ta, thua khaina hmahdawzy cha ei kudy ta hriapa ta, a kâ liata ei ku ei chapao ha tua leipa ta la, zo aw va na,” tah ta.

HMOTAOPAZY 13:13

Pawla nata a sielâhpazy cha Pafawsâ tawhta balyh ta sie ei ta, Pamphulia râh liata Perkâ khih tlô ei ta. Zawhâna cha âmo siesaipa ta Zerusale lâ kua ha ta.

RYHPACHANEINA 8:16

Châ pathlatuhpazy ta ama pahno beih leipa mânâ ta cha pasa ei ta, a chhâna liata nama pha nawpa ta, cha panawh ei ta, a cha pasia ei.

ZÂMIE 1:2

Unawh saih u, kao to liata pasiana namâ tyh tita alyna ta rao khai teh u.

BIEPHUAH 14:15

Achhyna o tawhta vâlyuhchâpa hropa vaw pua ta, meihdo chô liata a tyuhpa hnohna chata ao paro ngaitapa ta, “Na savâ kha hmâh la, sâh kha tai teh. Tai daihti a tlô haw, lei sâhzy liahsa ama maih haw,” tah ta.

BIEPHUAH 17:17

Khazohpa biezy pakipa a châ hlâlei a hmochhuahpa ama hria thei nawpa ta, Khazohpa ta âmo cha palôh miakha phaoh awpa ta tao ta, amâ beinarâh chhao sahrâhpa hnohta pie khohna palôh a pahneisa ei.

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.