DÂNIAH 11:30 - Mara Bible RV (BSI)

³⁰ Notla tilaipi ngiahkâ balyhzy ta ano a vaw dyuh aw ei ta, palôh chhâpa ta hnôh a sy aw ta, kua aw ta, biehrai pathaihpa chô liata ruchhôpa ta hmo a tao aw. Kua aw ta, biehrai pathaihpa a heihsaipazy chô liata khokheina a palâsa aw.

DÂNIAH 11:30 ပူးပေါင်းရင်းမြစ်များ

ÂTHAONA 10:4

Zavâ sawchapawzy cha Elisâ, Tâsi, Kiti nata Dôdâni zy ama châ.

1 THÂTIHZYRONA 1:7

Zavâ sawchapawzy cha Elisâ, Tâsi, Kiti nata Rôdâni zy ama châ.

NEHEMIAH 6:12

Kha chyhsa kha Khazohpa tuapa châ leipa ta, Tôbia nata Sanbâlâ ta tâkâ piepa ta hmâh ei ta, kha hrohsona biezy kha ei chô liata a reipa a châ tahpa a hnôhlâ ta vaw pahno na ta, ei hmôpasiapa a châ.

ISAI 23:1

He he Tyre kyh chhochhieliena bie a châ: Hy Tâsi balyhzy saih u, Thata cha teh u; Tyre cha paraopa châ ha ta, Olyu nata balyh apahâna zy chhao y khao vei. Cha cha Kiti râh tawhta ama vaw siena lâta Ama hnohta palâsapa a châ.

ISAI 23:12

“Hy Sidaw laihsa kôpa y, Tlybaipa ta y ha chi ta, Na haosai pha khao aw vei; Thyu la, Kiti lâ haosâ kei zoh teh, Cha liata chhao apahâna hnei hlei aw va chi,” Abeipa ta a tah.

ZEREMIAH 2:10

“Kiti liahpahlô lâ siepa ta moh u la, Kedâ lâ chyhsa tuapa ta mohpasia u la, He hawhpa hmo he a vaw y beih ma tahpa moh teh u.

EZEKIA 27:6

Bâsanâ ôkâ thozy hmâpa ta na balyh hiana tao ei ta, Na balyh siphiah chhao, Kiti liahpahlô meisah tho châpa hmâpa ta phawpa châ ta, Sianaoh ta tobipa a châ.

DÂNIAH 11:28

Maw bei cha sôh nata thih hluhpi chhao ta ano râh lâ â lie aw. Châhrasala biehrai pathaihpa adyuhna lâta a palôh pahei aw ta, cha cha a hria khai tawhta a râh lâ â lie aw.

DÂNIAH 11:29

“Daihti raopa liata chho lâ kuapa ta a siehnao heih aw. Châhrasala he daihti liata la hmiatuapa hawhna khata châ khao aw vei.

DÂNIAH 7:25

Chônôchaipa chakhiana biezy reih aw ta, Chônôchaipa mopathaihpazy cha ama rie a pathei aw; Daihtizy nata ryhpazy panano a chhuah aw ta, Daihti miakha, daihtizy nata daihti khophie chhôh cha, A ku liata mopathaihpazy piepa a châ aw.

MALUHREINA 24:24

Kiti tawhta balyhzy vaw tlô aw ta, Asuria a panawh aw; Ebe chhao panawh aw ta, Chhâzaw ta a leidia aw,” tah ta.

MATHAI 24:10

Chavâta chyhsa hluhpi amâ ngiapâna pahlei aw ei ta, âmo nata âmo a patusa aw ei ta, amâ hao raihrie aw.

BIEPHUAH 12:12

Chavâta Hy avâzy nata a chhôh liata a pahrâpazy saih u, a ly teh u! Nâmo, alei nata tilaipi deikua cha, nama hu a po na! Ahripa ta daihti chyuta dei a hnei tahpa a pahnopa vâta, hiehâh ngaitapa ta nâmo lâ za chô ha tlôh ta,” tah ta.