DÂNIAH 11:27 - Mara Bible RV (BSI)

²⁷ He bei panozy he hmo pha leipa taona lâta ama palôh pahei aw ei ta, tlâhkhai miakha liata dôhna chôta a dôvei raihrie aw ei ta, châhrasala phahnai aw vei, chhâna cha daihti raopa liata a vaw tlô thlyu awpa vâta.

DÂNIAH 11:27 ပူးပေါင်းရင်းမြစ်များ

2 SAMUELA 13:26

Absalaw ta, “Cha hawhpa khiahta cha, ei unawhpa Amanaw chhâ eima hnohta pasiesa mah y,” tah ta. Abei ta a hnohta, “Khazia Amanaw cha na hnohta a vaw sie aw,” tah ta.

HLAZY 12:2

Chyhsa to ta ama vaihzy hnohta haipa bie reih ei ta, Reithai pakheina hmao ta reithaipa ta, Haidihaiduahna palôh ta bie ama reih tyh.

HLAZY 52:1

Hy chyhsa thatlôpa, khazia hmo pha leipa nâ palaikhei tly? Khazohpa phana cha noh y ta y tlôh ta.

HLAZY 58:2

Châ bao va, nama palôh ta hmo doleipa tao ei chi ta, Nama ku ta alei chô liata thachahra a hmâh tyh.

HLAZY 62:9

Mochyhpazy cha ei kha husopa hawh dei châ ei ta, Molaipazy chhao dôveina deita a châ; Khopathliahna liata a hua syulyu ha ei ta, Ama pano ta ei kha husopa hlâta amâ hua via.

HLAZY 64:6

Hmo doleipa tao awpa patuapalua ei ta, “Hmo phapa eima patuapalua haw,” ama tah tyh. Chyhsapa palôh nata pachâna he la, A vaw piehpie kaw tlai na!

BIESOZY 12:20

Hmo chhiepa tao a chhuahpazy palôh liata dôveina y ta, Adyhna a taotuhpazy deikua cha alyna ama hnei.

BIESOZY 19:21

Chyhsapa palôh liata achhuahna hluhpi y ta, Châhrasala a duah awpa cha Abeipa ryhraopa a châ tyh.

BIESOZY 26:23

Palôh chhiepa hnei ta a hmao a pahnia kaw heih tlôhpa cha, Alei beih tâkâ ta pahupa hawhta a châ.

EZEKIA 17:9

“Ama hnohta, ‘Abeipa Zehôvâh ta hetana heta a tah: Kre zôh cha a pha aw ma? Kre zôh cha uah sala, a hna panyupa a thaopa zydua a uah khai ha nawpa ta, pahmôhpi hmiatuapa khata a tharizy phiapa ta, a thei a chakhyh aw ma? A tharizy phia awpa ta, bâh thatlôpa tlyma, chyhsa hluhpi tlyma, byuh hlei aw vei.

DÂNIAH 10:1

Persia bei Kôresâ kô thôh â bei kô ta, Dâniah, a moh Beltesâza bipa hnohta bie vaw tlô ta. Bie cha a do ta, adyuhna rarôh ypa kyh a châ. Bie cha pahno thai ta, aluahna chhao cha a pahno thai hra.

DÂNIAH 11:28

Maw bei cha sôh nata thih hluhpi chhao ta ano râh lâ â lie aw. Châhrasala biehrai pathaihpa adyuhna lâta a palôh pahei aw ta, cha cha a hria khai tawhta a râh lâ â lie aw.

DÂNIAH 11:29

“Daihti raopa liata chho lâ kuapa ta a siehnao heih aw. Châhrasala he daihti liata la hmiatuapa hawhna khata châ khao aw vei.

DÂNIAH 11:35

Daihti raopa a vaw tlô hlâ via cha, chyhsa sopa thokha chhao amâ chapia hra aw, daihti chhâna taihta pasiapa ta nata pathaisapa nata pangyuhpa ta ama y thei nawpa ta.

DÂNIAH 11:40

“Chhâna daihti liata, chho bei ta maw bei cha a dyuh aw ta, châhrasala maw bei ta talailihzy, arâ pheisaihzy nata balyh hluhpi chhao ta, chho bei chô liata khiesô hawhta za pathli thlu aw ta, râhzy liata a ngia aw ta, tisaih hawhta âmo cha phaoh aw ta, a sie lymâ aw.

DÂNIAH 8:17

Chatanachata Kabriel cha ei duana kiapâh lâ a vy ta. Â vy nahta, chi ngaita na ta, ei hmia alei lâ a khupa ta pao na ta. Ano ta ei hnohta, “Hy chyhsa sawchapawpa y, aluahna he daihti chhâna kyh a châ tahpa pahno mah y,” tah ta.

DÂNIAH 8:19

Ei hnohta, “Moh teh, hiehâhna hnôh lâta hmo a vaw tlô awpa ei cha pahnosa aw, aluahna he chhâna daihti raopa kyh a châ.

HABAKU 2:3

Aluahna cha a daihti raopa hâ chy ta, Chhâna kyh reih ta, Rei chhei aw vei. Vaw tlô mâh vei hra sala, Hâ hualua mah y; A vaw tlô thlyu aw, Hawh aw vei.

HMOTAOPAZY 1:7

Zisu ta ama hnohta, “Paw ta a daihti nata a noh kyh cha ano biehneina liata soh ta, nâmo pahno awpa châ vei.

HMOTAOPAZY 17:31

Ano ta â tlyhpa hmâpa ta, siana ta khizaw a pachia nawpa noh a rao haw. Â tlyhpa chyhsa cha athihpa hry tawhta a pathyuna liata, pachiana a y tlai awpa a châzie chyhsa zydua hnohta a pa-i haw,” tah ta.

1 THYSALAWNIKA 5:1

Châhrasala unawh saih u, a daihti nata nohzy kyh ropa awpa a ngiah veih ei chi.