DÂNIAH 11:22 - Mara Bible RV (BSI)

²² Pheisaih hluhpi a hmiakô liata tlokhuh chadai paipa ta y aw ei ta, pachhaih pazaoh khaipa ama châ aw, biehrai hyutuhpa chhao taih ta.

DÂNIAH 11:22 ပူးပေါင်းရင်းမြစ်များ

ISAI 28:15

“Thina nata bie hraih ha pi ta, Athihkhih nata bie eimâ taih hawh; Eima boh nawpa ta haipa bie reih pi ta, Bie doleipa liata eimâ chhai hapa vâta, Tisaih a tlô tita chhao miah pha aw vei,” Nama tahpa vâta,

DÂNIAH 11:10

“Maw bei sawchapawzy ta a dyuh awpa ta a pachhuahpanoh aw ei ta, pheisaih hri hluh ngaitapa awpakhy aw ei ta, tisaih toh thei leipa hawhta vaw pua via ngâ thlâh ha aw ei ta, chho bei thokhy tlôna taihta amâ dyuh laih lymâ aw.

DÂNIAH 11:23

Ano nata azaona tao khaipa a châ tawhta, dôveipa ta rai hria aw ta, chyhsa chyhta chhao ta thatlôpa ta a vaw y aw.

DÂNIAH 8:25

A piehpiena ta a ku ry liata dôveina palaiseihsa aw ta, a palôh liata anosasyh ta a chaipa ta a pachâ aw ta, chyhsa hluhpi a bohpa ta amâ pachâ nota âmo cha pahleipadia aw ta, beizy Beipa chhao â dyuh aw. Châhrasala ano cha pahleipadiapa a châ aw, chyhsapa ku ta deikua châ aw vei.

DÂNIAH 9:26

Hâta ei sycharu nata ei no khai tawhta Mesia cha chhawh pathlahpa châ aw ta, khâpa hmah hnei khao aw vei. Abei a vy awpa chyhsazy ta khihpi nata su pathaihpa cha ama parao aw. A chhâ nawpa cha tisaih chhao ta vaw tlô aw ta, a chhâna taihta adyuhna a y aw. Roryhranazy cha vaw tlô awpa ta rao chhielie hapa a châ.

AMÔSÂ 8:8

He vâna heta râh a chalyu aw ta, A chhôh liata a pahrâpa zydua mâchhiesapa ta ama y aw. Râh pôhpalôhpa cha, Nile Chavah hawhta a kaw sâhpa ta, Izi Chavah hawhta pathluahpa châ aw ta, Pasysa heihpa a châ aw,” tah ta.

AMÔSÂ 9:5

Pheisaihzy Abeipa Zehôvâh cha, Alei hria ta a patisa theipa châ ta, Cha liata a pahrâpa zydua mâchhie ama sa; Nile chavah hawhta alei pôhpalôhpa pasâh thei ta, Izi Nile hawhta a pasysa heih theipa a châ.

NÂHU 1:8

Châhrasala tisaih patlôsa aw ta, A khakhaipazy a pahleipadia khai aw; A chariahpazy chhao, Zohna lâ a chadaipai khai aw ei.