DÂNIAH 11:21 - Mara Bible RV (BSI)

²¹ A su liata chyhsa reipachhie tlâhpa, abei châna pie leipa a vaw duah aw ta, thlalôh kawpa ta ama y daihti liata a vy aw ta, reikah thaina ta khinarâh cha a la aw.

DÂNIAH 11:21 ပူးပေါင်းရင်းမြစ်များ

HLAZY 12:8

Su to liata moleipazy chitlaih ei ta, Chyhsa sawzy hry liata piehpiepazy cheihchalopa ta ama y.

HLAZY 15:4

A mo ta hrochhiepa chhyh thai leipa ta, Abeipa a chipa deikua a palyupalihpa; Pasana a tlôkhei theipa chhao ta a bietai khâ a patupa,

HLAZY 55:21

A pakah cha sâhpiti kuapa hawhta pahnia ta, A palôh lia deikua adyuhna ta a bie. A biezy sathaw hlâta nai via ta, Châhrasala zaozi phia hapa a châ.

ISAI 32:5

Ahrupa cha zachhihpa tah khao leipa aw ei ta, Moleipa chhao ngâchhihpa tah khao aw veih ei.

DÂNIAH 11:20

“Beinarâh rônahna châta chhie kheituhpa a tuah awpa chyhsa pakha ano su liata a vaw duah aw ta, châhrasala noh chyhta chhôh ta pahleipadiapa a châ aw, pathiiana vâta tlyma, adyuhna vâta tlyma deikua châ aw vei.

DÂNIAH 11:32

Reithai pakheina reikah ta biehrai a paraotuhpazy cha pahnie aw ta, châhrasala ama Khazohpa a pahnopazy cha â ipa ta a duah aw ei ta, amâ duah patlô aw.

DÂNIAH 11:34

Ama pao tita baona chyhta hmô aw ei ta, chyhsa hluhpi ta chôpho ta âmo cha amâ pazao aw.

DÂNIAH 11:7

“Chho bei su liata a duah awpa ta, chho bei sawchanô thari pachiahpazy tawhta pakha vaw pua aw ta, maw bei pheisaih siehnao aw ta, a thokhy tlahnao aw ta, âmo a dyuh aw ta, a pahnie aw.

DÂNIAH 4:17

He pachiana bie he vaituhpazy biepiepa ta taopa châ ta, biepathlupa he mo pathaihpazy bie ta taopa a châ. Chônôchaipa cha chyhsazy khinarâh chô liata ryu a reihpa châ ta, a pie khohpa hnohta khinarâh pie ta, chyhsa nawh chaipazy chhao a pabeisa thei ei tahpa chyhsazy ta ama pahno thei nawpa ta,’ tah ta.

DÂNIAH 7:8

Kizy thâtih ei pachâ hai nota, ama hry tawhta ki hropa miakha, ki chyhpata kaw thao ta, ki hmiatuapa miathôhpazy kha ama tharizy chhaota a hmiakô liata thlopa ta y ei ta. Cha ki cha chyhsapa mozy hawhta mozy hnei ta, a palai ngaitapa ta bie a reihpa pakah a hnei.”

DÂNIAH 8:23

Amâ beinarâh chhâna lâ liata, hmoparaopazy paraona kih a tlô tita, abei hmia chichhih ngaitapa, bie khiakhipazy yzie a pahnopa a vaw pua aw.

DÂNIAH 8:25

A piehpiena ta a ku ry liata dôveina palaiseihsa aw ta, a palôh liata anosasyh ta a chaipa ta a pachâ aw ta, chyhsa hluhpi a bohpa ta amâ pachâ nota âmo cha pahleipadia aw ta, beizy Beipa chhao â dyuh aw. Châhrasala ano cha pahleipadiapa a châ aw, chyhsapa ku ta deikua châ aw vei.

DÂNIAH 8:9

Ki palih hry liata ki kha tawhta ki chyhpata vaw pachiah ta, chho lâ, nochhi lâ nata Râh Ngiapa lâzy a heipa ta thata kaw seih ta.

NÂHU 1:14

Abeipa ta nâma kyh liata Hetana heta bie a pie haw: “Na moh y zôzaw khao aw vei; Nothlah khiepa nata nothlah leihpa zy cha, Na khazohzy o tawhta ei chhawh pathlah ha aw. Zakhei nâ chhih tu hapa vâta, Na thlâ ei cha chaopa aw.

1 SAMUELA 3:13

A sawchapawzy ta reipachhie tlâhpa ta âmosasyh ta â tao ei ta, cha cha a pahno thlâh hana chôta a pakhâ leipa vâta, a pathlazy cha chhâzaw ta ei hrie aw ei tahpa chho ha na ta.