DÂNIAH 11:18 - Mara Bible RV (BSI)

¹⁸ Cha khai tawhta, tilaipi kiah râhzy lâta a heih aw ta, râh hluhpi a la aw. Châhrasala â palaina cha pheisaih hyutuhpa pakha ta panawhsa aw ta, â palaina chata ano chô liata â lie thlu aw.

DÂNIAH 11:18 ပူးပေါင်းရင်းမြစ်များ

ESTHERI 10:1

Bei Ahasuarâ ta râh chhôh liata nata tilaipi kiah liata pahrâpazy cha chhie pacheisa ta.

ISAI 66:19

Ama hry liata ngiana soh aw na ta, ahrohpazy cha âmo tawhta râhzy lâta tuah aw ei na ta, libaw a chabapa Tâsi, Puli nata Ludi lâzy tuah aw ei na ta, tilaipi kiah râh hlapi liata a ypa, ei mohpathâhna a thei beih leipa nata ei rônahna a hmô beih leipa Tubâ nata Zavâ mozy lâ ei tuah aw ei. Chatanachata râhzy liata ei rônahna ama phuah aw.

ZEREMIAH 2:10

“Kiti liahpahlô lâ siepa ta moh u la, Kedâ lâ chyhsa tuapa ta mohpasia u la, He hawhpa hmo he a vaw y beih ma tahpa moh teh u.

ZEREMIAH 31:10

“Hy phopizy saih u, Abeipa bie thei u la, Tilaipi kiah râh hlapazy liata phuah teh u; ‘Izarei a papaituhpa ta, Izarei cha pakhy heih aw ta; Mietaku vaituhpa ta a mietaku zaw a vaipa hawhta, Izarei cha a vaih heih aw,’ tah teh u.

EZEKIA 27:6

Bâsanâ ôkâ thozy hmâpa ta na balyh hiana tao ei ta, Na balyh siphiah chhao, Kiti liahpahlô meisah tho châpa hmâpa ta phawpa châ ta, Sianaoh ta tobipa a châ.

HÔSIA 12:14

Epharai ta Abeipa cha thata a hie a pahâh haw; Chavâta a thisaih maoh paphaosa aw ta, A reipachhienazy vâta viari a thô aw.

ZEPHANIA 2:11

Abeipa cha âmo châta chi a chhih ngaita aw ta, Lei khazoh zydua cha, Nodi dâhphipa ta a soh khai aw ei. Phopi to ta ama râh chyu liata A hmiakô liata amâ bôh aw.

MATHAI 7:2

Nama seipa hawhta cha sei aw ei ta, nama panuapa hawhta ama cha panuapa aw.

RYUREITUHPAZY 1:7

Adônibeze ta, “Ama kupi nata pheipi ei taipa bei sysarizy ta ei tlâhkhai ry liata azôpa a huah tyh ei ta, ei taopa hawh tlai ta Khazohpa ta viari eina thô he zaw,” tah ta. Zerusale lâ a chhi ei ta, cha liata thi ha ta.