DÂNIAH 11:15 - Mara Bible RV (BSI)

¹⁵ Maw bei a zu aw ta, khihpi dôh aw ta, thokhy alei pacho thlu aw ta, chatanachata thokhy ta a phapa ta dôhpa khihpi cha a la aw. Chho pheisaihzy ta toh thei aw veih ei, a pheisaih pha chaipazy chhao ta toh theina thatlôna hnei aw veih ei.

DÂNIAH 11:15 ပူးပေါင်းရင်းမြစ်များ

ZEREMIAH 33:4

Abeipa, Izarei Khazohpa ta, khihpi dôhna alei ama pathlupazy tawhta nata zaozi tawhta avaina tao nawpa ta, khihpi ozy nata Zudâh beizy ozy phiepa ta a yna kyh liata hetana heta a tah:

ZEREMIAH 5:10

“A kre sadôzy lâ khypa ta kaw parao u la, A chhâna taihta deikua parao khuh vy. A chiahzy chhao Abeipa eih ama châ leipa vâta, Thlâ khai ha muh vy.

ZEREMIAH 52:4

Zedekia â beina kô chakina, thla hrawhna, noh hrawhna noh liata, Babylaw bei Nebukaneza cha a pheisaih zydua chhaota Zerusale siehnao ta. Khihpi cha dôh ei ta, khihpi dôhna diasuazy tao ei ta.

ZEREMIAH 6:6

Pheisaihzy Abeipa ta hetana heta a tah: “Zerusale thozy thlu u la, Khihpi dôh awpa ta, A thokhyzy alei pacho thlu teh u. Tlybaina ta a biepa khihpi châ ta, Hrie tlâhpa khihpi a châ.

EZEKIA 17:17

Chyhsa hluhpi chhawhsao awpa ta, Zerusale thokhy cha alei pathlu thlupa ta, diahsuazy ta khihpi ama dôh khai hapa adyuhna liata, Phiraoh nata a pheisaih thatlôpa nata hluh ngaitapazy ta Izarei bei cha pachha thei aw veih ei.

EZEKIA 4:2

khihpi cha dôh hapa a châna palâsa la, khihpi dôhna diahsua nothlahpazy tao la, khihpi la thei nawpa ta khihpi thokhy leizaih pathlu thlupa nothlahpa zy tao mah y. Khihpi chadôpa ta pheisaihzy riehmo ama paryhpa palâsa la, thokhy chhuh pathlah nawpa nothlahpazy ta khihpi thokhy cha chadôsa mah y.

DÂNIAH 11:14

“Cha daihtizy liata, chho bei a dyuh awpa ta chyhsa hluhpi thyu aw ei ta, na chiheihzy hry liata chyhsa thachahra a hmâhpazy ta aluahna pakisa nawpa ta âmosasyh ta amâ cheihchalo aw. Châhrasala ama hlaotloh aw vei.

DÂNIAH 11:6

Kô khazie tlyma a khô tawhta, azaona tao aw ei ta, chho bei sawchanô cha aryhna tao awpa ta maw bei lâ a khy aw. Châhrasala chho bei sawchanô ta a bâh thatlôna pabohsa thei leipa aw ta, maw bei chhao a duah thei leipa aw ta, a bâh thatlôna a duah thei hra aw vei. Bei sawchanô nata ano a chakaotuhpazy, a paw nata cha daihtizy liata ano a baotuhpazy chhao a paphasai khaipa ama châ aw.

DÂNIAH 8:7

Mie tôhpa ta mietaku tôhpa cha â kei hniapa hmô na ta, a chô liata a hiehâh ngaita ta, chatanachata mietaku tôhpa cha kei daih ta, a ki mianopazy cha thliepa ha ta. A hmiakô liata a duah thei awpa ta mietaku tôhpa ta thatlôna rai hnei vei. Chavâta alei liata papao ta, tlypâ ta, mie tôhpa hmotaotheina tawhtapa cha mietaku tôhpa a pachha theipa y veih ei.

ZAWSUA 1:5

Na hro chhôh zydua ahy ta hmah cha pahnie thei aw veih ei. Mawsi hnohta ei ypa hawhna khata, na hnohta ei y hra aw. Cha siesai leipa aw na ta, cha pathlua aw va na.