DÂNIAH 11:11 - Mara Bible RV (BSI)

¹¹ Chatawhcha chho bei cha, pathi ia ngaitapa ta vaw pua aw ta, maw bei cha â dyuh aw. Maw bei ta pheisaih hluhpi pathyu aw ta, châhrasala âmo cha chho bei ku liata hlâpa ama châ aw.

DÂNIAH 11:11 ပူးပေါင်းရင်းမြစ်များ

1 ABEIZY 20:13

Hrohsopa pakha ta Izarei bei Ahabâ cha a kei hnia ta, a hnohta, “Abeipa ta hetana heta a tah: ‘He zawpi hluh ngaitapazy he na hmô ma? Moh teh, âmo he tanoh na ku liata ei cha pie aw. Chatanachata kei he Abeipa ei châ tahpa na pahno aw,’” tah ta.

1 ABEIZY 20:28

Khazohpa chyhsa ta Izarei bei cha a kei hnia ta, bie a chho ta, a hnohta, “Abeipa ta hetana heta a tah: ‘Aramia mo ta, “Abeipa cha tlâhzy khazoh châ ta, saikaozy khazoh châ vei,” tah ei ta, chavâta he zawpi hluh ngaitapazy he na ku liata cha pie aw na ta, kei he Abeipa cha ei châ tahpa nama pahno aw,’” tah ta.

HLAZY 76:10

Hmeiseihta ta, chyhsapa chô liata na pathiiana cha, Nâma reithaina châ aw ta; Na pathiiana tawhta a bohpazy cha, Chaisaih ta nâ saih aw ei.

ZEREMIAH 27:6

Tahmâ chhao, he râh zydua he nâ chakaotuhpa Babylaw bei Nebukaneza ku liata pie na ta, râhsazy chhao ano chakao awpa ta ei pie.

DÂNIAH 11:12

Pheisaihzy cha chho lâ a chhipa ta ama y nahta, chho bei palôh cha thata a kaw palai aw ta, sâh hluhpi a thie aw ei. Châhrasala a duah patlô aw vei.

DÂNIAH 11:40

“Chhâna daihti liata, chho bei ta maw bei cha a dyuh aw ta, châhrasala maw bei ta talailihzy, arâ pheisaihzy nata balyh hluhpi chhao ta, chho bei chô liata khiesô hawhta za pathli thlu aw ta, râhzy liata a ngia aw ta, tisaih hawhta âmo cha phaoh aw ta, a sie lymâ aw.

DÂNIAH 11:44

Châhrasala nochhi lâ nata maw lâ tawhta bie a vaw tlôpazy ta ano cha patypamâ aw ta, chyhsa hluhpi pahleipadia ta, pamua ha awpa ta hiehâh ngaitapa ta a pua aw.

DÂNIAH 11:5

“Chho bei cha a thatlô ngaita aw ta, châhrasala ano ry liata ryureituhpa pakha cha ano hlâta a tha vaw tlô via aw ta, a biehneina cha biehneina lai ngaitapa a châ aw.

DÂNIAH 2:38

avâ Khazohpa ta beinarâh, biehneina, thatlôna nata rônahna zy cha pie ta; chyhsa sawzy, râhsazy nata avâ liata pavawzy pahrâna su zydua cha pie ta, âmo chô liata ryureituhpa ta a cha tao. Ngôh luh kha nâma na châ.

DÂNIAH 8:7

Mie tôhpa ta mietaku tôhpa cha â kei hniapa hmô na ta, a chô liata a hiehâh ngaita ta, chatanachata mietaku tôhpa cha kei daih ta, a ki mianopazy cha thliepa ha ta. A hmiakô liata a duah thei awpa ta mietaku tôhpa ta thatlôna rai hnei vei. Chavâta alei liata papao ta, tlypâ ta, mie tôhpa hmotaotheina tawhtapa cha mietaku tôhpa a pachha theipa y veih ei.