DÂNIAH 10:8 - Mara Bible RV (BSI)

⁸ Chavâta keima deita ypa ta aluahna rônahpa cha hmô na ta, tha rai hnei khao leipa na ta; ei hmiazy cha athihpa hmia hawhta hlâh khai ha ta, tha rai hnei khao va na.

DÂNIAH 10:8 ပူးပေါင်းရင်းမြစ်များ

ÂTHAONA 32:31

Penia a khô nahta, a chô liata noh vaw chhi pâ ha ta. A chakhai â pahleih hapa vâta chabiah laih ta.

PUASAINA 3:3

Mawsi ta, “Kei tleihnao aw na ta, hao hmo noâhchhihpa hao ei kei moh tua rai aw, kheihtazieta ma thobuh hao a kâ vei tly,” tah ta.

DÂNIAH 10:16

Moh teh u, chyhsapa a lyupa pakha ta ei hmaozy na vaw hria ta, chatanachata ei pakah âpa ta bie reih thei ha heih na ta. Chatawhcha ei hmiakô liata a duahpa hnohta, “Hy ei zibeipa y, aluahna vâta pachârôhna ta thata na vi ta, tha rai hnei khao va na.

DÂNIAH 10:17

Ei zibeipa châ chakaotuhpa heta ei zibeipa he kheihta ma bie â chho thei aw? Tha rai hnei khao leipa na ta, huso awpa chhao hnei khao va na,” tah na ta.

DÂNIAH 7:28

“Kha kha hmo chhâna cha a châ. Kei, Dâniah cha, ei pachâpazy chata thata na patypamâ ta, ei hmia hlâh khai ha ta, châhrasala cha hmo cha ei palôh liata a vao thlâh ha na ta.”

DÂNIAH 8:27

Kei, Dâniah cha thachhâpa ta y na ta, noh khazie tlyma pasapa ta a zia na ta. Chatawhcha thyu na ta, abei rai cha hria heih na ta, châhrasala aluahna ta ei thlah thata na pazo ta, a yzie rai pahno leipa na ta.

DÂNIAH 8:7

Mie tôhpa ta mietaku tôhpa cha â kei hniapa hmô na ta, a chô liata a hiehâh ngaita ta, chatanachata mietaku tôhpa cha kei daih ta, a ki mianopazy cha thliepa ha ta. A hmiakô liata a duah thei awpa ta mietaku tôhpa ta thatlôna rai hnei vei. Chavâta alei liata papao ta, tlypâ ta, mie tôhpa hmotaotheina tawhtapa cha mietaku tôhpa a pachha theipa y veih ei.

HABAKU 3:16

Ei thei nahta ei châh-ao a chalyu ta, A pyu ta ei hmao a chathosa; Ei ruzy hmy ta, Ei pheizy â chalyu. Chatahrasala miah a siehnaopa phopi chô liata Nôpona noh a vaw tlô awpa cha ei hâ hualua. Hla chhituhpa châta: Pyungiapa ri chhaopa ta sa awpa

MATHAI 17:6

Cha bie cha pachupazy ta ama thei nahta, â khu lâta pao ei ta, chi ngaita ei ta.

MÂKA 9:6

Chi kaw ei ta, Pity cha bie hropa rei awpa pahno leipa ta.

ZAWHÂNA 16:32

Pachâ teh u, a daihti â hnia haw, tlao a vaw tlô haw. Cha tita la nama o chyu lâta pai khai aw ei chi ta, kei dei ta eina siesai aw ei chi. Châhrasala kei dei ta y va na, ei hnohta Paw a y.

2 KAWRINI 12:7

Aluahna rônah ngaitapa ei hmôpazy vâta ei palai tu pathlei lei nawpa ta, ei pôhpa liata ahloh piepa ei châ. Cha ahloh cha, ei palai tu pathlei lei nawpa ta, ei pôhpa liata pasana na pie awpa ta Sâtâ lyuhchâpa a châ.

BIEPHUAH 1:17

Ano cha ei hmô nahta, athihpa hawhta a phei thaby liata pao na ta. Châhrasala ano ta a ku chachâh lâ ei chô liata vaw pahnieh ta, ei hnohta, “Chi khah y, kei he âthaona nata achhâna châ na ta,