DÂNIAH 10:19 - Mara Bible RV (BSI)

¹⁹ Ano ta ei hnohta, “Hy chyhsa pasâhsa a chhih ngaitapa y, chi kha, thlalôhna na hnohta y mawh sy. Thatlôpa ta y la, riahphapa ta y teh,” na tah ta. Ei hnohta bie a rei khai nahta, thapatlôpa ta vaw y ha na ta, a hnohta, “Ei zibeipa ta bie reih mawh sy, tha eina patlô ha chi,” tah na ta.

DÂNIAH 10:19 ပူးပေါင်းရင်းမြစ်များ

HLAZY 138:3

Ei cha pado noh ta, Nâ chhy chi ta, Ei hro tha na patlô tyh.

ISAI 35:4

Palôh duapazy hnohta hetana heta tah teh u: “Chi leipa u la, thatlôpa ta y teh u! Pachâ teh u, nama Khazohpa cha, Phuh lana chhaota a vy aw ta, Khazohpa viarithôna chhaota â vy aw. A vy aw ta a cha pachha aw ei.”

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

DÂNIAH 10:18

Chyhsapa a lyupa chata na vaw hria heih ta, tha na patlô heih ta.

DÂNIAH 9:23

Thlahchhâ nâ thaopa nah kha ta, bie pua ha ta, cha kyh cha cha chho awpa ta ei vy, pasâhsa a chhih ngaitapa na châpa vâta. Chavâta bie he pachâ la, aluahna cha pahno mah y.

HÂKAI 2:4

Chatahrasala, hy Zerubâbe, thatlôpa ta y mah y,’ Abeipa ta a tah. ‘Hy Zehôzadâ sawchapaw theihthai beichaipa Zawsua, thatlôpa ta y mah y. Hy râhsaw zydua saih u, thatlô ngaitapa ta y muh vy,’ Abeipa ta a tah. ‘Thyu u la hria teh u, nama hnohta ei y,’ Pheisaihzy Abeipa ta a tah.

ZEKARIA 8:13

Hy Zudâh pathlazy nata Izarei pathlazy saih u, phopizy hry liata chhiesana bie châta hmâpa vaw châ tyh hra u la, tahmâ cha cha pachha aw ei na ta, byhnâ nama châ bâ aw. Chi leipa u la, nama ku tha patlô teh u!”

ZEKARIA 8:9

Pheisaihzy Abeipa ta hetana heta a tah: “Nâmo, tahmâ nota hrohsopazy pakah tawhta a puapa biezy a thei tyhpazy saih u, nama ku thapatlô teh u. He hrohsopazy he Achhyna o, Pheisaihzy Abeipa o lôbô bô nota a y hrapazy ama châ.

ZAWHÂNA 11:3

A sietanôzy ta Zisu hnohta, “Abeipa, na kyhpachâpa kha tlâh vei,” tahpa ta chyhsa Zisu lâ tuah ei ta.

ZAWHÂNA 11:36

Zuzy ta, “Moh tua u, Lâzarâh kyh a vaw pachâ hmeiseih tlai na!” tah ei ta.

ZAWHÂNA 11:5

Zisu ta Marthâ nata a narônô nata Lâzarâh zy cha kyhpachâ kaw ta.

ZAWHÂNA 14:27

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

ZAWHÂNA 19:26

Zisu ta a nô nata pachupa kyh a pachâpa a kiapâh liata amâ duapa a hmô nahta, a nô hnohta, “Ei nô, moh teh, na sawchapawpa khawh!” tah ta.

ZAWHÂNA 21:20

Pity cha a heih ta, Zisu kyhpachâpa pachupa, zâ pati nie nota a chachôhna a hniehpa ta ano lâ a heih ta, “Abeipa, châ patusa awpa cha ahy ma a châ?” a tahtuhpa khata a vaw zipa hmô ta.

1 KAWRINI 16:13

A vaih u la, ngiapâna liata â ipata a duahpa ta, riahphapa ta y u la, thatlôpa ta y teh u.

2 KAWRINI 12:9

Châhrasala Abeipa ta, “Ei ngiachhiena na châta â daih na, ei hmotaotheina he chiehleina liata pakipa ta a y tyh,” eina tah haw. Chavâta Krista hmotaotheina ei chô liata a y thei nawpa ta, ei chiehleinazy he a ly ngaitapa ta ei palaikhei via lymâ aw.

EPHESI 6:10

A chhâ chaina ta cha, Abeipa nata a thatlôna liata thatlôpa ta y teh u.

2 TIMAWTHY 2:1

Chavâta nâ, ei saw y, Krista Zisu liata ngiachhiena a ypa liata thatlôpa ta y mah y.

ZAWSUA 1:9

Bie cha pie va na mâ? Thatlôpa nata riahphapa ta y teh. Chi leipa la, ngiarohpa ta y hra kha. Abeipa na Khazohpa cha na siena maihta na hnohta a y lymâ aw,” tah ta.

BIEPHUAH 1:17

Ano cha ei hmô nahta, athihpa hawhta a phei thaby liata pao na ta. Châhrasala ano ta a ku chachâh lâ ei chô liata vaw pahnieh ta, ei hnohta, “Chi khah y, kei he âthaona nata achhâna châ na ta,

RYUREITUHPAZY 6:23

Abeipa ta a hnohta, “Na hnohta thlalôhna y mawh sy. Chi khah y, thi aw va chi,” tah ta.