DÂNIAH 10:14 - Mara Bible RV (BSI)

¹⁴ Noh hro ta na chyhsazy chô liata hmo a vaw tlô awpazy cha pahnosa awpa ta tahmâ ei vy, aluahna he noh a vaw tlô awpazy châta a châ,” tah ta.

DÂNIAH 10:14 ပူးပေါင်းရင်းမြစ်များ

ÂTHAONA 49:1

Zakaw ta a sawchapawzy aw ta, “Na vaw chadô teh u, noh hnôhlâ ta nama chô liata hmo a vaw tlô awpazy ei cha chho aw ei,” tah ta, hetana heta a chho ei:

ISAI 2:2

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa a châ aw; Tlâhthlôhzy chô lâta chaluahpa châ aw ta, Râh to ta ama by aw.

EZEKIA 12:27

“Chyhsa sawchapawpa y, Izarei pathlazy ta, ‘Aluahna a hmôpazy cha, noh hluhpi khai tawhta a vaw tlô awpazy châ ei ta, hmialâ daihti pasipi liata a y awpa kyh a châ,’ ama tah.

EZEKIA 38:16

Meihdo ta râh a khupa hawhta, ei phopi Izarei cha khyhnao aw chi ta a râh na khu khai aw. Noh hnôhlâzy liata, ei râh a dyuh awpa ta châ chhi aw na ta, Hy Kawkâ, nâma hmâpa ta ama mohmô liata ei pathaihna ei chaluah tita, phopizy ta eina pahno aw ei.

DÂNIAH 10:1

Persia bei Kôresâ kô thôh â bei kô ta, Dâniah, a moh Beltesâza bipa hnohta bie vaw tlô ta. Bie cha a do ta, adyuhna rarôh ypa kyh a châ. Bie cha pahno thai ta, aluahna chhao cha a pahno thai hra.

DÂNIAH 12:4

Nâ deikua cha, Hy Dâniah y, chhâna daihti a tlô hlâlei cha, bie cha nyu la, châbu kha pakuh la khâchâ baipâ ha mah y. Chyhsa hluhpi a râhreih aw ei ta, pahnona a pôh aw,” tah ta.

DÂNIAH 12:9

Ano ta, “Dâniah y, na sie nawpa lâpi liata sie thlâh ha mah y, biezy cha chhâna daihti taih châta khaw hapa nata baipâ hapa châ ha tlôh ta.

DÂNIAH 2:28

Châhrasala bienyupa a palâhâhtuhpa Khazohpa avâ liata y ta, ano ta hmialâ ta hmo a vaw y awpazy Nebukaneza hnohta a pahnosapa a châ hih. Hezy he rakhô liata nâ zia thlâh ha nota na luh liata mâ na sapa nata aluahnazy cha a châ.

DÂNIAH 8:16

Ulai chavah haosâ nata heisâ likawh tawhta chyhsapa ao thei na ta, ano chata, “Kabriel y, he chyhsa he aluahna yzie pahnosa teh,” tah ta.

DÂNIAH 8:26

Zâlâ nata my aluahna reipazy kha â do. Châhrasala aluahna kha chhiehruh ha teh, noh hluhpi tawhta a vaw y awpa kyh a châ,” tah ta.

DÂNIAH 9:22

Hmo yzie na pahnosa ta, bie na chho ta, ei hnohta, “Hy Dâniah, pahnona nata novâhna cha pie awpa ta tahmâ ei vy.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

MIKÂ 4:1

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa châ aw ta, Tlâhthlôhzy chô lâta chaluahpa a châ aw; Chatanachata phopizy ta ama by aw.

HABAKU 2:3

Aluahna cha a daihti raopa hâ chy ta, Chhâna kyh reih ta, Rei chhei aw vei. Vaw tlô mâh vei hra sala, Hâ hualua mah y; A vaw tlô thlyu aw, Hawh aw vei.

MALUHREINA 24:14

Tahmâ cha ei phopi lâ ei sie aw. A vy teh, noh a vaw tlô awpazy liata, he phopi ta na phopi chô liata ama tao awpa ei cha pahnosa aw,” tah ta.

RYHPACHANEINA 31:21

Hmo pha leipa nata nôpona hluhpi ama chô liata a vaw tlô tita, he hla he ama pathlazy pakah liata mypa ta a y lei awpa vâta, pahnokheituhpa âmo a padeituhpa a châ aw. Ei bietai râh ei tlôkhei hlâ chhao ei ta, ama palôh aheina lâ ei pahno khai,” tah ta.

RYHPACHANEINA 31:29

Ei thi tawhta thata molei aw ei chi ta, bie ei cha piepa ei lâpi tawhta nama tleisai aw tahpa ei pahno. Noh a vaw tlô awpazy liata, nama ku hmotaopa ta Abeipa hie pahâhpa ta, a mohmô liata hmo pha leipa nama tao awpa vâta, hmo pha leipa ta a cha tla thlu aw ei,” tah ta.

RYHPACHANEINA 4:30

Rietheina a tyhpa ta, cha hmo zydua cha nama chô liata a vaw tlô tita, a chhâna liata cha Abeipa nama Khazohpa lâ kua heih aw ei chi ta, a ao nama nathlie aw.

2 TIMAWTHY 3:1

He he pahno mah y. Noh hnôhlâzy liata cha daihti ru ngaitapazy a vaw tlô aw.

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.