DÂNIAH 10:1 - Mara Bible RV (BSI)

¹ Persia bei Kôresâ kô thôh â bei kô ta, Dâniah, a moh Beltesâza bipa hnohta bie vaw tlô ta. Bie cha a do ta, adyuhna rarôh ypa kyh a châ. Bie cha pahno thai ta, aluahna chhao cha a pahno thai hra.

DÂNIAH 10:1 ပူးပေါင်းရင်းမြစ်များ

ÂTHAONA 41:32

Phiraoh hnohta yzie a lyupa mâ ei no tlai piepa a châpa heta, Khazohpa ta a tao awpa liahsa pathlu ha ta, a tao patoh awpa a châzie a pa-i.

2 THÂTIHZYRONA 36:22

Persia bei Kôresâ â beina kô khana liata, Zeremiah pakah tawhta a puapa Abeipa bie a vaw tlôpaki thei nawpa ta, Abeipa ta Persia bei Kôresâ palôh pathyu ta. Chatanachata a khinarâh zydua liata biephuahpa tao ta, hetana heta ropa ta a papua:

EZRÂ 3:7

Chavâta lô nata tho raihria liata zôthaipazy hnohta sôh pie ei ta. Persia bei Kôresâ pasaina hawhta, Lebanaw tawhta tilaipi kiah liata Zôpâ khihpi taihta sidy tho vaw phao awpa ta, Sidaw mo nata Tyre mozy cha nie awpazy, do awpazy nata sathawzy ama pie.

EZRÂ 4:3

Châhrasala Zerubâbe nata Zesua nata Izarei pho pawhrâhpa hropazy ta ama hnohta, “Eima Kha­zohpa o sana liata namâ hlao hra nawpa kyh y vei. Persia bei Kôresâ ta bie miah a piepa hawhta, keimo tlai ta Abeipa, Izarei Khazohpa o cha eima sa aw,” tah ei ta.

EZRÂ 4:5

Persia bei Kôresâ a bei chhôh zydua ryhraokheituhpazy hnohta panaopapanazy piepa ta, Achhyna o sa amâ chhuahpa cha patypamâ lymâ ei ta. Persia bei Dâria â beina taihta cha hawhta ama tao lymâ.

EZRÂ 6:14

Hrohsopa Hâkai nata Idô sawchapawpa Zekaria zy hrohsona bie phuahpa hawhta, Zu machâzy ta o cha sa ei ta, ama hmasie lymâ ta. Izarei Khazohpa biepiepa hawhta nata Persia beizy, Kôresâ, Dâria nata Âtazezia zy biepiepa hawhta, Achhyna o cha sa ei ta, ama paloh haw.

EZRÂ 6:3

“Biepapuapa: Bei Kôresâ â beina kô khana liata, Bei Kôresâ ta hetana heta bie a papua: Zerusale liata Khazohpa o kyh liata, atheihna hlâna o cha paduapathipa châ sala, â bônazy pa-ipa châ mawh sy. O cha dy sycharu a sâh aw ta, dy sycharu a kawh aw.

ISAI 44:28

Kôresâ kyh liata, ‘Ano cha ei mietaku vaituhpa châ ta, Ano ta ei chhuahna zydua pi a patloh aw,’ A tahtuhpa ei châ. Zerusale kyh liata, ‘Paduapathipa a châ aw,’ tah na ta, Achhyna o kyh liata, ‘Nâ bôna lôbô bôpa a châ aw,’ A tahtuhpa ei châ.”

DÂNIAH 1:17

He satlia papalihpazy he achuna nata thaina kyh to liata Khazohpa ta sona nata novâhna pie ta. Dâniah chhochhi cha aluahna nata mâ zydua taih chhao chhopasia thei ta.

DÂNIAH 1:21

Dâniah cha Bei Kôresâ â beina kô khana taihta chakao lymâ ta.

DÂNIAH 1:7

Bei chakaotuhpazy hyutuhpa chata Dâniah cha Beltesâza, Hânaniah cha Sâdarâka, Misela cha Mesâka, Azariah cha Abenekô tahpa ta ama moh a bi ei.

DÂNIAH 10:14

Noh hro ta na chyhsazy chô liata hmo a vaw tlô awpazy cha pahnosa awpa ta tahmâ ei vy, aluahna he noh a vaw tlô awpazy châta a châ,” tah ta.

DÂNIAH 11:2

“Tahmâ biedopa ei cha chho aw. Moh teh, Persia liata abei pathôh vaw pua via aw ei ta, a papalihna cha ahropa zydua hlâta a hneirôh via chai aw. A hneirônazy vâta a tha a kaw tlô tita, Krikâh khinarâh a dyuh awpa ta chyhsa zydua a pathyu aw.

DÂNIAH 12:4

Nâ deikua cha, Hy Dâniah y, chhâna daihti a tlô hlâlei cha, bie cha nyu la, châbu kha pakuh la khâchâ baipâ ha mah y. Chyhsa hluhpi a râhreih aw ei ta, pahnona a pôh aw,” tah ta.

DÂNIAH 12:9

Ano ta, “Dâniah y, na sie nawpa lâpi liata sie thlâh ha mah y, biezy cha chhâna daihti taih châta khaw hapa nata baipâ hapa châ ha tlôh ta.

DÂNIAH 2:21

Daihti nata khihchâh zy panano ta, Abeizy pabâ ta, abeizy a padua; Asopazy hnohta sona pie ta, Pahno thaipazy hnohta novâhna a pie.

DÂNIAH 4:8

A chhâna lâta Dâniah, ei khazoh moh paphaopa ta a moh Beltesâza bipa, ano liata khazoh pathaihpazy thlahpa a ypa cha, ei hmiakô liata a vy ta, ei mâsapa cha chho na ta.

DÂNIAH 5:12

Ano cha Dâniah châ ta, abei ta a moh Beltesâza a bi. Ano cha palôh pha ngaitapa, pahnona nata novâhna a hneipa chyhsa châ ta, mâzy chhopasia thei ta, bienyupazy reihpasia thei ta, biepeipazy chhao a pathlâ thei. Tahmâ Dâniah cha paawsa la, a chhopasiana a cha chho thlâh ha aw,” tah ta.

DÂNIAH 5:17

Dâniah ta abei cha a chhy ta, a hnohta, “Na hmosaipazy cha nâma châta châ sala, na lymâzy cha mohropa pie mah y. Chatahrasala châropa cha abei reipa aw na ta, a chhopasiana chhao ei pahnosa aw.

DÂNIAH 6:28

Chatanachata Dâniah cha Dâria â bei daihti liata nata Persia chyhsa Kôresâ â bei daihti zy liata thlaochhipa ta y lymâ ta.

DÂNIAH 8:16

Ulai chavah haosâ nata heisâ likawh tawhta chyhsapa ao thei na ta, ano chata, “Kabriel y, he chyhsa he aluahna yzie pahnosa teh,” tah ta.

DÂNIAH 8:26

Zâlâ nata my aluahna reipazy kha â do. Châhrasala aluahna kha chhiehruh ha teh, noh hluhpi tawhta a vaw y awpa kyh a châ,” tah ta.

LUKA 1:20

Pachâ teh, a daihti raopa liata a vaw tlô awpa ei bie reipazy na zo leipa vâta, cha hmozy a vaw tlô hlâlei cha, bie reih thei khao aw va chi, nâ thlih thlâh ha aw,” tah ta.

BIEPHUAH 19:9

Vâlyuhchâpa chata ei hnohta, “Mietakutaw myuh hneina kyhchhi liata hruapazy cha ama nohlao na, tahpa ta roh teh,” na tah ta. Chatawhcha ei hnohta, “Hezy he Khazohpa biehmeiseihpazy a châ,” tahpa ta na chho ta.