DÂNIAH 1:9 - Mara Bible RV (BSI)

⁹ Khazohpa ta Dâniah cha bei chakaotuhpazy hyutuhpa mohmô liata khokheina nata ngiachhiena patosa ta.

DÂNIAH 1:9 ပူးပေါင်းရင်းမြစ်များ

ÂTHAONA 32:28

Chyhsa chata, “Na moh Zakaw cha tah khao aw veih ei, Izarei na châ ha aw, Khazohpa nata chyhsapa a pia chi ta, na pahnie hapa vâta,” tah ta.

ÂTHAONA 39:21

Châhrasala Abeipa cha Zawsi hnohta y ta, a ngiachhiena patosa ta, patâhna o vaituhpa modypa ta tao ta.

1 ABEIZY 8:50

Na chô liata hmo a paraopa na phopi nata na chô liata hmo ama paraopa zydua cha a ngiahthai la, sei ta a chhituhpazy ta ama ngiachhie thei nawpa ta, sei ta a chhituhpazy liata ngiachhiena pahlaosa mah y.

NEHEMIAH 1:11

Hy Abeipa, châ chakaotuhpa thlahchhâna lâ he na nah rie vaw pachôh mah y. Na moh china liata a lypa, châ chakaotuhpazy thlahchhâna lâ na nah vaw pachôh la, châ chakaotuhpa he tanoh hlao na patlohsa la, he chyhsa mohmô liana heta zawngiahna rie na patosa mah y,” tah na ta. Kei cha abei nyu hlâtuhpa ei châ.

NEHEMIAH 2:4

Abei ta, “Khâpa na hia khoh?” na tah ta. Avâ Khazohpa lâ thlahchhâ na ta.

ESTHERI 2:9

Estheri ta Hekai cha palysa kaw ta, chavâta a khokheina to ta. Chhithai thei nawpa ta a hnia awpa nata a thu awpa nata niedo phapazy thlai pie ta. Ano chakao awpa ta, abei o tawhta laihsa pasari raopa châ ta, Estheri nata a chakaotuhpa pasarizy cha chanôzy yna su pha chaipa liata paysa ta.

ZAWBÂ 5:15

Piehpiepazy pakah zaozi tawhta dyhchhiepazy pachha ta, Thatlôpazy ku tawhta a pachha ei.

ZAWBÂ 5:16

Chavâta sipasazy ta hnabeiseihna hnei ei ta, Adoleina cha hmaomopa ta a y.

HLAZY 106:46

Sei ta âmo a chhituhpazy cha, Âmo a pangiachhiesa ei.

HLAZY 4:3

Khazohpa a pachâpazy cha, Abeipa ta ano châta a panano tyh tahpa pahno u la, Ei awna maihta, Abeipa ta eina nathlie tyh tahpa pahno muh vy.

BIESOZY 16:7

A hroziezy ta Abeipa a palysapa chyhsa cha, A chariahpazy taihta ano nata a ryh awpa ta Abeipa ta a taopa tyh.

DÂNIAH 1:10

Bei chakaotuhpazy hyutuhpa ta Dâniah hnohta, “Abei, ei zibeipa cha ei chi ngaita, ano tlai ta nama nie awpa nata do awpa rao ha tlôh ta, khazia nama richâhkha satliazy hlâta chhie viapa ta a cha hmô aw ei? Chata a châ khiahta cha ei luh châta chichhihpa abei chô liata nama taopa a châ aw mâh tâh,” tah ta.

HMOTAOPAZY 7:10

a riethei taona zydua liata pachha lymâ ta, Izi bei Phiraoh hmiakô liata khokheina patosapa ta, sona ta tobi ta. Chatanachata Phiraoh ta Zawsi cha Izi râh chô liata ryureituhpa nata ano chhôhkha zydua chô liata ryureituhpa ta tao ta.