DÂNIAH 1:2 - Mara Bible RV (BSI)

² Abeipa ta Zudâh bei Zehôki nata Khazohpa o hmobaoh thokhazy cha a ku liata pie ta. Chazy cha Sinâ râh liata a khazoh o lâta siekhei ta, a khazoh sôh o liata soh ta.

DÂNIAH 1:2 ပူးပေါင်းရင်းမြစ်များ

ÂTHAONA 10:10

Ano râh athaona cha Sinâ râh liata Babylaw, Ere, Akadâ nata Kalne khihzy ama châ.

ÂTHAONA 11:2

Chyhsazy cha nochhi lâ pangaipa ta sie ei ta, Sinâ râh liata bypi hmô ei ta, cha liata pahrâ ei ta.

2 ABEIZY 24:1

Zehôki â bei nota Babylaw bei Nebukaneza ta Zerusale siehnao ta, Zehôki cha ano chakaotuhpa ta kô thôh y ta. Cha khai tawhta Zehôki ta Nebukaneza cha a heihsaipa ta, a chariah ha ta.

2 THÂTIHZYRONA 36:5

Zehôki cha kô kih nata kô pangawhpa a châ nota a bei pathao ta, Zerusale liata kô hrawh hleikha â bei. Abeipa a Khazohpa mohmô liata hmo pha leipa tao ta.

2 THÂTIHZYRONA 36:7

Nebukaneza ta Abeipa o hmobaoh thokhazy chhao la ta, Babylaw lâ phaoh ta, a yna abei o liata soh ta.

EZRÂ 1:7

Bei Kôresâ chhao ta, Nebukaneza ta Abeipa o liata hmobaohzy Zerusale tawhta phaoh ta a khazohzy o liata a sopazy thaoh papua hra ta.

ISAI 11:11

Cha noh liata, Abeipa ta a ei nona ta a ku pazawh heih aw ta, a phopi laibâhpazy cha Asuria, Izi, Pâtharô, Kusi, Elâmi, Sinâ nata Hâmathi râhzy tawhta nata tilaipi kiah râhzy tawhta â vaw chhipakhy heih aw ei.

ISAI 42:24

Ahy ma Zakaw cha parutuhpa liata hlâ ta, Izarei cha hraotuhpazy liata a hlâ ha tly? A chô liata eima vaw molei hapa, Abeipa ta a hlâpa châ vei ma? A lâpizy a chhih khoh leipa ei ta, A ryhpa ama zyh khoh leipa, Abeipa ta a hlâpa châ vei ma?

ZEREMIAH 25:1

He he Zôsia sawchapawpa Zudâh bei Zehôki â beina kô palihna liata, Zudâh phopi zydua kyh liata Zeremiah hnohta bie a vaw tlôpa a châ. Cha daihti cha Babylaw bei Nebukaneza abeina kô khana nata â su.

ZEREMIAH 27:16

Theihthaipazy nata zawpi zydua hnohta chhao hetana heta ei chho ei: “Abeipa ta hetana heta a tah: ‘Pachâ teh u, Abeipa o hmobaohzy cha Babylaw tawhta thlai vaw tlôkheipa a châ aw,’ tahpa ta nama hnohta hrohsona bie a phuahpa hrohsopazy bie nathlie khuh vy. Haipa ta hrohsona bie ama cha chhopa a châ.

ZEREMIAH 28:3

Babylaw bei Nebukaneza ta he su tawhta Abeipa hmobaohzy la ta, Babylaw lâ a siekhei hapa zydua kha, kô no chhôh ta he su liata ei vaw tlôkhei heih aw.

ZEREMIAH 35:11

Châhrasala Babylaw bei Nebukaneza ta râh a kaw siehnao tita deikua cha, ‘A vy teh u, Kaldia pheisaihzy nata Aramia pheisaihzy riahchipa vâta Zerusale lâ sie ei suh u,’ tah pi ta. Chavâta Zerusale liata a pahrâpa eima châ,” tah ei ta.

ZEREMIAH 50:2

“Phopizy hry liata phuahpa ta tlâh awh u la, Ngiana poh chaluahpa ta awh teh u; ‘Babylaw cha lapa châ ta, Bel maophyuhpa ta y ta, Merôdâ thlazohpa ta a y. A nothlah leihpazy maophyuhpa ta y ei ta, A khazoh nothlahpazy thlazohpa ta ama y,’ Tahpa ta phih leipa ta phuah teh u.

ZEREMIAH 51:44

Babylaw liata Bel cha hrie aw na ta, A palâ hapa chhao, A pakah tawhta ei thaoh aw. Babylaw thokhy cha a cho haw, Phopizy ta ano cha by khao aw veih ei.

DÂNIAH 5:13

Chatanachata Dâniah cha abei hmiakô liata a vaw chhi ei ta. Abei ta Dâniah hnohta, “Nâma he ma, sei ta a ypa Zudâh chyhsa, abei ei paw ta Zudâh râh tawhta â kaw chhipa, Dâniah ama tahpa cha a châ chi?

DÂNIAH 5:18

Hy abei y, Khazohpa Chônôchaipa ta na paw Nebukaneza hnohta khinarâh zy, laina zy, rônahna zy, abeina zy pie ta.

HABAKU 1:16

A sao vâta nie pahâhpa nie thei ta, Niedo hluhpi a hneipa vâta, A sao lâ atheihna hlâ ta, A sao sykhao lâta ropahâhpa a hlâ tyh.

ZEKARIA 5:11

Ano ta, “Babylaw râh lâ ama siekhei aw. Cha liata ano châta achhyna o sapa aw ei ta, patlôpa a châ tita, hrâbyh he â tyu nawpa su liata sopa a châ aw,” tah ta.

RYHPACHANEINA 32:30

Kheihta ma pakha ta sâh kha a chadai thei aw ta, Pano ta thy kha ama parâpaisa thei aw? Ama Lôpanô ta âmo cha zuah ha ta, Abeipa ta a uasa khao leipa vâ ei ta châ vei ma?

RYUREITUHPAZY 2:14

Chavâta Abeipa cha Izarei chô liata a pathi ia ta, hraotuhpazy lâta âmo cha pie ta, ama hrao haw. Ama chheipâh chariahzy ku liata âmo cha zuah ta, ama chariahzy hmiakô liata a duah thei khao veih ei.

RYUREITUHPAZY 3:8

Chavâta Izarei chô liata Abeipa a pathi ia ta, Izarei sawzy cha Mesôpôtamia bei Kusarisathai lâ a zuah ha ei. Izarei sawzy cha Kusarisathai ry liata kô charie y ei ta.

RYUREITUHPAZY 4:2

Chavâta Abeipa ta âmo cha Hâzaw liata ryu a reihpa Kâna bei Zabi hnohta a zuah ha ei. Zabi pheisaihzy hyutuhpa cha Hârôse Hâkôi liata a pahrâpa Siserâ a châ.

1 SAMUELA 5:2

Philistinâ mo ta Khazohpa Byh cha cheih ei ta, Dakao achhyna o liata a ngiakheipa ta, Dakao kiapâh liata soh ei ta.