DÂNIAH 1:19 - Mara Bible RV (BSI)

¹⁹ Abei ta âmo cha bie a chho ta, ama hry liata Dâniah, Hânaniah, Misela nata Azariah hawhpa rai y veih ei. Chatanachata abei chakaona rai liata a ngia ha ei ta.

DÂNIAH 1:19 ပူးပေါင်းရင်းမြစ်များ

ÂTHAONA 41:46

Zawsi cha Izi bei Phiraoh chakaona rai liata â ngia nota kô sythôhpa a châ. Zawsi cha Phiraoh hmiakô tawhta pua ta, Izi râh zydua chahryh ta.

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

BIESOZY 22:29

Rai a thai kawpa chyhsa cha moh tua, Abei hmiakô liata a duah aw ta, Chyhsa zawrâpa hmiakô liata a duah aw vei.

ZEREMIAH 15:19

Chavâta Abeipa ta hetana heta a tah: “Na vaw kua khiahta cha, Cha paduapathi aw na ta, Ei hmiakô liata nâ duah heih aw. Hmo sôhpa kyh reih la, Hmo phahnai leipa na reih leipa khiahta cha, Ei pakah hawhta na châ aw. Nâ lâ a vaw heih aw ei ta, Nâ deikua cha âmo lâ a heih aw va chi.

DÂNIAH 1:18

Abei ta a hnohta amâ vaw chhi nawpa daihti a raopa a tlô nahta, bei chakaotuhpazy hyutuhpa ta âmo cha Nebukaneza hmiakô liata a vaw chhi ta.

DÂNIAH 1:4

Âmo cha pizie liata seina hnei leipa satlia, hmiphapa, sona zydua a chu thei awpa duahmo liata â duahpa, hmo a pahno thaipa, pachâna pasohpa a hmâh thaipa nata abei o liata rai hria awpa ta a tlâh a châpazy ama châ awpa a châ. Aspenâza ta âmo cha Kaldia reih nata thainazy a pachu aw ei.

DÂNIAH 1:5

Chatawhcha abei ta abei pati nata a kresawhti doh tyhpa zy cha noh chareih ta ama niedo awpa ta rao ta, cha hawhna chata kô thôh chhôh mohôhpa châ aw ei ta, cha khai tawhta abei chakaona rai liata amâ ngia awpa a châ.

DÂNIAH 1:6

Chazy hry liata Zudâh pathla liatapa Dâniah zy, Hânaniah zy, Misela zy, Azariah zy amâ hlao hra.

DÂNIAH 1:7

Bei chakaotuhpazy hyutuhpa chata Dâniah cha Beltesâza, Hânaniah cha Sâdarâka, Misela cha Mesâka, Azariah cha Abenekô tahpa ta ama moh a bi ei.

DÂNIAH 2:13

Biepiepa cha papuapa châ ta, chyhsa sopazy cha thie awpa châ ha ei ta; Dâniah nata a viasazy chhao cha thie awpa ta tluapa ama châ hra.

DÂNIAH 3:29

Chavâta he biepiepa he ei tao: Phopi nata râh nata reih kheihawhpa hmahta, Sâdarâka, Mesâka nata Abenekô zy Khazohpa chô liata bie pha leipa kheihawhpa rai a reihpa maih cha, a tlawpoh ta pachhaih khaipa châ aw ei ta, ama ozy cha hnaihny thyna ta taopa a châ aw; he hawhta a pachha theipa khazoh hropa rai y veih ei,” tahpa ta.