DÂNIAH 1:1 - Mara Bible RV (BSI)

¹ Zudâh bei Zehôki ryureina kô thôhna liata, Babylaw bei Nebukaneza Zerusale lâ a vy ta, Zerusale khihpi cha dôh ta.

DÂNIAH 1:1 ပူးပေါင်းရင်းမြစ်များ

2 ABEIZY 23:36

Zehôki cha kô kih nata kô pangawhpa a châ nota a bei pathao ta, Zerusale liata kô hrawh hleikha â bei. A nô moh cha Zebidâh châ ta, Rumâ khihpa Pedai sawchanô a châ.

2 ABEIZY 24:13

Abeipa ta a vaw reipa hawhta, Abeipa o liata ryusôhpa zydua nata abei o liata ryusôhpa zydua cha Babylaw bei ta a siekhei khai haw. Izarei bei Sawlawmaw ta Abeipa Achhyna o liata ngôh hmobaoh a taopa zydua chhao a pakeichheih khai haw.

ISAI 39:7

Na sawchapawpa, na chhôh tawhta a pua awpa, nâ ta na sa awpazy tlai chhao siekheipa châ aw ei ta, Babylaw abei o liata hrilyupa ta ama y aw, a tah,” tah ta.

ZEREMIAH 25:1

He he Zôsia sawchapawpa Zudâh bei Zehôki â beina kô palihna liata, Zudâh phopi zydua kyh liata Zeremiah hnohta bie a vaw tlôpa a châ. Cha daihti cha Babylaw bei Nebukaneza abeina kô khana nata â su.

ZEREMIAH 35:1

He he Zôsia sawchapawpa Zudâh bei Zehôki â bei nota, Abeipa tawhta Zeremiah hnohta bie a vaw tlôpa a châ.

ZEREMIAH 35:11

Châhrasala Babylaw bei Nebukaneza ta râh a kaw siehnao tita deikua cha, ‘A vy teh u, Kaldia pheisaihzy nata Aramia pheisaihzy riahchipa vâta Zerusale lâ sie ei suh u,’ tah pi ta. Chavâta Zerusale liata a pahrâpa eima châ,” tah ei ta.

ZEREMIAH 36:1

He he Zôsia sawchapawpa Zudâh bei Zehôki abeina kô palihna liata, Zeremiah hnohta Abeipa bie vaw tlôpa a châ.

ZEREMIAH 45:1

He he Zôsia sawchapawpa Zudâh bei Zehôki abeina kô palihna liata, Zeremiah ta Neriah sawchapaw Bâruka a chhopa, Zeremiah pakah tawhta a puapa biezy hawh tlai ta Bâruka ta châbu liata a ropazy a châ.

ZEREMIAH 50:1

He he Babylaw khihpi nata Kaldia râh kyh liata, Abeipa ta hrohsopa Zeremiah hmâpa ta a reipa bie a châ:

ZEREMIAH 52:12

Babylaw bei Nebukaneza abeina kô hrawh hleichakina, cha kô thla pangawhna, noh hrawhna noh liata, abei vaituhpazy hyutuhpa, Babylaw bei chakaotuhpa Nebuzarâdâ cha Zerusale a ngia ta.

ZEREMIAH 52:28

He he Nebukaneza ta Zudâh phopi sei ta â chhipazy maluh a châ: Kô sarina liata Zu chyhsa 3,023 a chhi ta,

DÂNIAH 5:13

Chatanachata Dâniah cha abei hmiakô liata a vaw chhi ei ta. Abei ta Dâniah hnohta, “Nâma he ma, sei ta a ypa Zudâh chyhsa, abei ei paw ta Zudâh râh tawhta â kaw chhipa, Dâniah ama tahpa cha a châ chi?