CHAPHÔHTUNA 5:19 - Mara Bible RV (BSI)

¹⁹ Châhrasala Hy Abeipa, nâ cha chhâzaw ta ryureih chi ta, Chhâ zydua taihta na beidyuchhai â duah lymâ.

CHAPHÔHTUNA 5:19 ပူးပေါင်းရင်းမြစ်များ

HLAZY 10:16

Abeipa cha chhâzaw nata tlyzaw ta bei châ ta, Phopizy a râh tawhta ama leidia aw.

HLAZY 102:12

Nâ deikua cha, Hy Abeipa, Na beidyuchhai liata tlyzaw ta a tyuh chi ta; Chhâ zydua ta ama châ thei lymâ.

HLAZY 145:13

Na khinarâh cha tlyzaw khinarâh châ ta, Na ryureina chhâ zydua ta â duah aw. Abeipa cha a bie zydua liata ngâ a chhih ta, A hmotaopa zydua liata a phapa a châ.

HLAZY 146:10

Abeipa cha tlyzaw ta ryureih aw ta, Hy Zaio, na Khazohpa cha chhâ zydua ta ryu a reih aw. Abeipa cha reithai teh u!

HLAZY 29:10

Abeipa cha tipaua chô liata bei ta a tyuh ta, Abeipa cha tlyzaw ta bei ta a tyuhpa a châ.

HLAZY 45:6

Hy Khazohpa, na beidyuchhai cha, Chhâzaw nata tlyzaw ta y ta; Nâ beinarâh chôchahrei cha, Adona chôchahrei a châ.

HLAZY 9:7

Abeipa deikua cha tlyzaw ta ryureih ta, A beidyuchhai cha ryureina dopa châta a padua;

HLAZY 90:2

Tlâhpizy ama y hlâta y ha chi ta, Leilô nata khizaw zy na padua hlâ chhao ta na y haw; Chhâzaw nata tlyzaw ta Khazohpa na châ.

HLAZY 93:2

Na beidyuchhai cha hlâno tawhta pa-ipa châ ta, Nâ cha tlyzaw tawhtapa na châ.

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

DÂNIAH 7:14

Phopi to, râh to, reih to ta ano cha ama chakao thei nawpa ta, A hnohta ryureina piepa châ ta, Rônahna nata khinarâh chhao piepa a châ. A ryureina cha chhâzaw ryureina châ ta, Tleih beih aw vei; A khinarâh chhao parao theipa châ aw vei.”

DÂNIAH 7:27

Chatawhcha khinarâh nata ryureina cha, Chônôchaipa phopi mopathaihpazy hnohta piepa châ aw ta; Avâ ry zydua liata khinarâhzy rônahna chhao, Ama hnohta piepa a châ aw. A khinarâh cha tlyzaw khinarâh a châ aw; Ryureituhpa zydua ta ano cha chakao aw ei ta, A rei amâ ngiah aw.’”

HABAKU 1:12

Hy Abeipa ei Khazohpa, Ei Mo Pathaihpa, Nâ cha tlyzaw tawhtapa châ va chi ma? Thi aw ma pi. Hy Abeipa, âmo cha Pachiatuhpa châta rao chi ta; Hy Lôpanô, âmo cha, Chhoreituhpa châta na chahnao ei.

ZAWHÂNA 1:38

Zisu cha a kei heih ta, ano ama vaw pazipa a hmô nahta, ama hnohta, “Khâpa nama tlua?” tah ta. Âmo ta, “Râbai, khataih liata na y?” tah ei ta. Râbai cha pachutuhpa tahna a châ.

RYHPACHANEINA 33:27

Tlyzaw Khazohpa cha na pahrâna châ ta, A ry lâta chhâzaw bâhzy a y; Na hmiakô tawhta chariahpa papua ta, ‘Pahleipadia teh u,’ a tahtuhpa a châ.

1 TIMAWTHY 1:17

Chhâzaw Beipa, thi thei leipa, hmô thei leipa nata Khazohpa a y chhôhpa hnohta chhâzaw nata tlyzaw ta palyupalihna nata rônahna y mawh sy. Amen.

HEBRAI 13:8

Zisu Krista cha zâhia nata tanoh nata chhâzaw ta a ualua ta a y thlâhpa a châ.

BIEPHUAH 1:4

Kei, Zawhâna ta Asia râh liata awnanopa hlao sarizy ei châ naoh ei. Khazohpa a y haipa, a y hapa nata a vaw y awpa tawhta nata a beidyuchhai hmiakô liata thlahpa miasari a ypazy tawhta ngiachhiena nata thlalôhna nama hnohta y sala,

BIEPHUAH 1:8

Abeipa Khazohpa ta, “Kei he Alphâ nata Ômekâ châ na ta, a y haipa, a y hapa nata a vaw y awpa, Atotaotheipa ei châ,” a tah.