CHAPHÔHTUNA 4:9 - Mara Bible RV (BSI)

⁹ Lyu kôvei y leipa vâta, Nodi thachhâpa ta y ta; Nodipa ta thipa hlâta la, Zaozi ta thipa a pha via.

CHAPHÔHTUNA 4:9 ပူးပေါင်းရင်းမြစ်များ

2 ABEIZY 25:3

Thla palihna, noh chakina noh ta khihpi liata chakâh mozoh vaw tlô ta, râh zawpizy châta niedo y khao leipa ta.

PUASAINA 16:3

Izarei sawzy ta ama hnohta, “Izi râh liata sa beih kiah liata a tyuh pi ta, viahchhâ eima rih biena taihta eima nie no khata Abeipa ku ta vaw thi ha sih la a pha via awpa tlai. Zawpi zydua he nodipa ta miah thie awpa ta râhchawhpa lâ miah namâ vaw chhi he zaw,” tah ei ta.

ISAI 22:2

Awhsâhpa nata palopasahpa pyu ta a bie tyhpa khihpi châ chi ta, Haosai phapa khih châ tyh va chi ma? Na khihsaw ama thiepazy cha zaozi ta thiepa châ leipa ei ta, Adyuhna liata a thipa châ hra veih ei.

ZEREMIAH 16:4

Hri chhiepa ta ama thi aw. Âmo châta mâchhiesapa châ leipa aw ta, pabupa châ aw veih ei. Alei liata ie hawhta ama y aw. Zaozi nata chakâhna ta thi aw ei ta, ama rizy cha avâ pavawzy nata alei sazy lao a châ aw.

EZEKIA 24:23

Nama khuthozy a khu aw ei chi ta, nama pheikyzy namâ ky aw. Mâchhie sa leipa aw ei chi ta, cha hra aw veih ei chi. Nama paraonazy liata leilô aw ei chi ta, namâ chakhei raihrie aw.

EZEKIA 33:10

“Chavâta chyhsa sawchapawpa y, Izarei pathlazy chho la, ama hnohta, ‘Eima paraona nata eima moleinazy ta miah vi ta, chazy vâna chata eima thuzao hai. Kheihta eima hro thei rai aw?’ a tahpazy nama châ, tah mah y.

EZEKIA 4:16

Chatawhcha Abeipa ta ei hnohta, “Chyhsa sawchapawpa y, pachâ teh, Zerusale niedo hnawh chhie pachhô aw na ta, ama pati nie awpa tichho beihchho sapa ta, pachârôhpa ta nie aw ei ta, ama do awpa ti chhao panuapa ta, thlazohpa ta ti ama doh aw.

EZEKIA 7:15

Khôtho lâ zaozi y ta, a chhôh liata potlana nata chakâhna a y. Lyurâhpa liata a ypa cha zaozi ta thi aw ta, khihpi liata a ypa cha chakâhna nata potlana ta a palâ aw.

THEIHTHAINA 26:39

Nama hry liata laibâhpazy chhao, ama paraona vâta nama chariahpazy râh liata ama leidia aw. Âmo paraona vâ dei châ vei, ama pathlatuhpazy paraona vâta ama pathlatuhpazy hawhta ama leidia aw.

RYHPACHANEINA 28:51

Cha phopi chata nama sahroh zaw nata nama chhaohlei patheipazy nie khai aw ta, tlokhuh a cha pahleipadia khaina taih ei ta nama sâh, nama kresawhti, nama sathaw, nama viahchao hri nata mietaku zaw zy ama nie khai aw. Nama châta khâpa hmah pahlôh aw vei.