CHAPHÔHTUNA 4:7 - Mara Bible RV (BSI)

⁷ A Nâzaraizy dâhaw hlâta pa­thaih via ei ta, Sâhpiti hlâta ama ngyuh via; Ama sapatie rubi lôsôhpa hlâta a noh thyu via ta, Ama pizie cha saphai lôsôhpa hawhta â ngiapa ama châ.

CHAPHÔHTUNA 4:7 ပူးပေါင်းရင်းမြစ်များ

ZAWBÂ 28:16

Ôphi ngôh ta a sôna thlie thai awpa châ leipa ta, Lôsôh chapaipa ta tlyma, Lôsôh nohvyhpa ta tlyma thlie thai awpa châ hra vei.

ZAWBÂ 28:18

Lei râhpa lôsôh nata lôsôh pasohpa zy cha rei pâpa y leipa ta, Sona mâ cha taiku lôsôhpa mâ hlâta a ru via.

HLAZY 144:12

Eima sawchapawzy thyutlia lochona daihti cha, Chichei daw phapa hawhta châ ei sala; Eima sawchanôzy thyutlia lochona daihti chhao, Abei o liata otôh khiepazy hawhta châ mawh ei sy.

HLAZY 51:7

Hisaw ta na pathai la, Ei pathaih aw; Na pasi la, Dâhaw hlâta ei ngyuh via aw.

PUASAINA 24:10

Izarei Khazohpa cha hmô ei ta. A phei ry cha saphai lôsôhpa paryhpa hawhta châ ta, a pathaihzie cha avâ pathaihpa hawhta pathaih ta.

HLAZY HLA 5:10

Ei lôhdupaw cha a mo ngyuh ta, A sapati chhao pha kaw ta; Thy kha hry liata â lâ patlua.

HLAZY HLA 5:15

A pheizy cha alabastâ otôhzy lyu ei ta, Ngôh ta taopa patyuna chô liata paduapa, Alabastâ otôhzy tlai ama lyu. A pizie cha Lebanaw lyu ta, Sidy tho pha chaipa a lyu.

DÂNIAH 1:15

Noh hrawh khai tawhta abei pati a niepa satliazy hlâta amâ lânazie pha viapa ta, ama sabia chhao thawh via ta.

LUKA 1:15

Abeipa hmiakô liata chyhsa rônahpa a châ aw. Kresawhti nata sahma a do awpa châ leipa ta, a nô chhi chhôh tawh tlai ta, Thlahpa Pathaihpa ta a bie aw.

RYUREITUHPAZY 13:5

Nathlie teh, saw phaoh aw chi ta, saw­chapaw na sa aw. A luh liata sâ rai ngyu awpa châ vei. Hawti cha chhi liata a y no tawhta Khazohpa châta Nâzarai châ aw ta, ano ta Philistinâ mo ku tawhta Izarei pachhana rai a pathao aw,” tah ta.

RYUREITUHPAZY 13:7

Châhrasala ei hnohta, ‘Saw phaoh aw chi ta, sawchapaw na sa aw. Hawti cha chhi liata a y no tawhta a thina taihta Khazohpa châta Nâzarai a châ awpa vâta, kresawhti tlyma, sahma patapa tlyma, na do awpa châ leipa ta, hmo pathaih leipa rai na nie awpa châ vei,’ eina tah,” tah ta.

RYUREITUHPAZY 16:17

Chatanachata a palôh zydua cha chho khai ha ta, a hnohta, “Ei nô chhi liata ei y no tawhta, Khazohpa châta Nâzarai ei châ hapa vâta, ei luh liata sâ ngyuna rai hmâpa châ beih vei. Ei sâ he ngyupa a châ khiahta cha, ei thatlôna heta na puasai aw ta, ei tha vaw chhâ aw ta, chyhsa tyhpa hawhta ei vaw châ ha aw,” tah ta.

1 SAMUELA 16:12

Kei paawsa ta, a vaw chhi ei ta. Sabia panyu kawpa, a mopadei a ngia kawpa nata hmipha ngaitapa châ ta. Abeipa ta Samuela hnohta, “Thyu la, sathawthu teh, kha tlai kha na a châ,” tah ta.