CHAPHÔHTUNA 4:21 - Mara Bible RV (BSI)

²¹ Hy Edômâ sawchanô y, thaphapa ta a ly la, Uzi râh liata a pahrâpa y, thaphapa ta a ly mah y; Châhrasala na hnohta chhao nyu vaw tlô aw ta, Pari aw chi ta, nâmasasyh ta thluahruapa ta nâ tao aw.

CHAPHÔHTUNA 4:21 ပူးပေါင်းရင်းမြစ်များ

ÂTHAONA 36:28

Disâ sawchapawzy cha Uzi nata Aranâ ama châ.

2 THÂTIHZYRONA 28:19

Izarei bei Ahâza vâta, Zudâh cha Abeipa châta ngâ a chhih leipa ta, chavâta Abeipa ta Zudâh cha molei kawpa ta hmo pataosa ta, a panawh haw.

ZAWBÂ 1:1

Uzi râh liata chyhsa pakha, a moh Zawbâ ama tahpa y ta. Cha chyhsa cha seina hnei leipa, chyhsa dopa, Khazohpa a chipa nata moleina a heihsaipa chyhsa a châ.

HLAZY 137:7

Hy Abeipa, Zerusale pao nota Edômâ mo ta, “Parao teh u, parao teh u, Â bôna taihta parao khai teh u,” Ama tahpa bie kha my beih khah y.

BIECHHOTUHPA 11:9

Hy satlia, na thyutliana liata a ly mah y. Na palôh ta na thyutlia daihti liata cha palysa mawh sy. Na palôh khopa zi la, mo pha na tahpa zi mah y. Anodeikua cha cha zydua vâna chata Khazohpa ta a cha pachia aw tahpa pahno mah y.

ZEREMIAH 49:12

Abeipa ta hetana heta a tah: “Nyu a doh awpa a châ leipazy ta ama do thlyu awpa a byuh khiahta cha, nâ chhochhi cha hrie leipa ta na pua aw ma? Hrie leipa ta pua cheita aw va chi, na do thlyu awpa a châ.

ZEREMIAH 49:7

“Edômâ kyh liata, Pheisaihzy Abeipa ta hetana heta a tah: Temâ liata sona y khao vei ma? Asopazy ryhraona a chhâ ha ma? Ama sona a lei khai ha ma?

EZEKIA 25:6

Abeipa Zehôvâh ta hetana heta a tah: Izarei râh na ku chabaih chie chi ta, na phei a tlai chiepa ta, reipachhiena to ta na reipachhiena liata na palôh â ly kawpa vâta,

EZEKIA 25:8

“Abeipa Zehôvâh ta hetana heta a tah: Môabâ nata Seirâ ta, ‘Zudâh pathlazy cha phopi hropazy nata amâ nanona y vei,’ ama tahpa vâta,

EZEKIA 26:2

“Chyhsa sawchapawpa y, Tyre ta Zerusale kyh liata, ‘A pha kaw dia, phopizy chhikao rao ha ta, ei châta â pahy haw. Tahmâ cha khih rypa châ ha ta, chavâta ei dôhkhâh ha aw,’ a tahpa vâta,

AMÔSÂ 1:11

Abeipa ta hetana heta a tah: “Edômâ moleina miathôh vâta, Âh, miaplih vâ chhao rai ta, Hriena chalihsa aw va na; Zaozi ta a unawhpa a chadai ta, Ngiachhiena zydua thy khaipa ta, A hiehâhna ta khâ hriechheih ta, A pathiiana chhâzaw ta â vao thlâh hapa vâta.

ÔBADIA 1:1

He biezy he Ôbadia aluahna châ ta, Abeipa Zehôvâh ta Edômâ kyh liata a reipa biezy a châ: Abeipa tawhta bie thei pi ta, Phopizy hry liata lyuhchâpa tuapa a châ; “Thyu teh u, Edômâ a dyuh ei suh u!” Tahpa ta ama pahrua.

MIKÂ 1:11

Hy Saphi mo saih u, Thluahruapa ta sie u la, Nozapa ta sie syulyu ha teh u. Zanâ mo cha vaw pua veih ei; Betheze liata chaphôhtuna y ta, Chavâta cha bao thei khao aw vei.

HABAKU 2:16

Rônahna châ leipa ta, Nozana ta tlao na bie aw; Nâ chhao doh teh, Na thluahruana â lâna hâh ta! Abeipa ku chachâh lâta nyu cha, Nâ lâ a vy aw ta, Na rônahna cha nozana ta a khu aw.

BIEPHUAH 16:15

“Moh teh u, parutuhpa hawhta ei vy hai! A hrohrua ta, chysia a tobi chiehpa ta a ypa cha a nohlao na. Chataleipatala thluahruapa ta a khie aw ta, chyhsa ta a thluahruana ama hmô pathlei aw!”