CHAPHÔHTUNA 4:20 - Mara Bible RV (BSI)

²⁰ Eima hnapasu liata husona Abeipa sathawthupa cha, Ama khaohtlôzy liata patu ha ei ta; “A nohdi ry liata phopizy hry liata eima pahrâ aw,” Eima tah tyhpa chyhsa cha ama patu haw.

CHAPHÔHTUNA 4:20 ပူးပေါင်းရင်းမြစ်များ

ÂTHAONA 2:7

Chatawhcha Zehôvâh Khazohpa ta chhaohlei tawhta dohlei ta chyhsapa tao ta, a hnapasu liata hrona hu so thlu ta, chatanachata chyhsapa cha hrona hneipa a vaw châ haw.

ÂTHAONA 44:30

Chavâta châ chakaotuhpa ei paw kô ei tlô tita, hawtipa he eima hnohta â hlao vei khiahta cha, a hrona cha hawtipa hrona nata khâchâ â zao hapa vâta,

2 SAMUELA 1:14

Dâvi ta a hnohta, “Abeipa sathawthupa pahleipadia awpa ta a chô liata ku na pathlapa cha kheihtazieta a chi leipa ma na châ tly?” tah ta.

2 SAMUELA 1:21

“Nâmo Kibô tlâhpizy saih u, Nama tlâhzy liata pasaipha vyhphao papuapaleipa châ ta, Sawla vyhphao sathaw thupa a châ khao leipa vâta; Nama chô liata diati tla leipa sala, Vâsua tla hra leipa sala, Lyu ta kôvei papua khao khah sy!

2 SAMUELA 18:3

Châhrasala zawpizy ta, “Sie aw va chi. Keimo sahlao he cha a râ hapa rai châ sih la, pei tah leipa aw ei ta, â khophie thi ha hra sih la, pei tah aw veih ei, nâma deikua cha keimo sahlao 10,000 tlu ta a sôhpa na châ. Chavâta khihpi tawhta baona miah na vaw pie awpa a pha via aw,” tah ei ta.

2 SAMUELA 19:21

Zeru sawchapawpa Abisai ta a chhy ta, “Abeipa sathawthupa chô liata chhie a sapa vâna khata, Simei he thie awpa châ vei ma?” tah ta.

2 THÂTIHZYRONA 35:25

Zeremiah chhao ta Zôsia chaphôhtuna hla sa ta, hlasathaipa chanô nata chapaw zydua ta, Zôsia pasai leina chaphôhtuna hlabiezy tanoh taihta ama reih ngâ thlâh ha chy. Zôsia pasai leina chaphôhtuna hla sapa cha, Izarei râh liata tao tyh awpa ryhpa ta a pyh ei ta, chaphôhtuna hlazy liata pahlaopa a châ.

ISAI 32:2

Thlih tawhta anyuna su châ chyu aw ei ta, Chothyu tawhta anyuna su ama châ aw. Su chawhpa liata vahtie tizy hawhta châ aw ei ta, Râh rietheipa liata lôpanô nohpahli hawhta ama châ aw.

ZEREMIAH 39:5

Châhrasala Kaldia pheisaihzy ta a chadai ei ta, Zerikô bypi liata Zedekia cha pha ha ei ta. Patu ei ta, Hâmathi râh Riblâ liata a ypa Babylaw bei Nebukaneza lâ a chhi ei ta. Cha liata Nebukaneza ta a thâtih pachia ta.

ZEREMIAH 52:8

Kaldia pheisaihzy ta abei cha a chadai ei ta, Zerikô bypi liata kei pha ha ei ta. Abei cha a pheisaih zydua ta a râsai khai ha ei ta.

ZEREMIAH 52:9

Kaldia mo ta Bei Zedekia cha patu ei ta, Hâmathi râh Riblâ khihpi liata Babylaw bei lâ a chhi ei ta, cha liata a thâtih pachia ta.

CHAPHÔHTUNA 2:9

A thokhy chhikaozy alei liata pao ei ta, A chhikao lâhreizy parao ta a thlie khai haw; Abei nata beimachâzy cha phopi hropazy hry liata y ei ta, Ryhpa y khao vei; A hrohsopazy chhao ta, Abeipa tawhta aluahna hmô khao veih ei.

EZEKIA 12:13

Ei sao ta khu aw na ta, ei khoheih liata paaopa a châ aw. Kaldia mo râh Babylaw lâ a chhi aw na ta, châhrasala râh cha hmô aw vei. Cha liata a thi aw.

EZEKIA 17:18

Bietai a papeisa leipa vâta, Biehrai cha a paraopa a châ. Bietaina ku a hlâ ha tawhta, cha hmo zydua cha a taopa vâta, a boh cheita aw vei.

EZEKIA 31:17

Zaozi ta thiepazy hnohta Athihkhih lâ zu ei ta, phopizy hry liata a nohdi ry liata a pahrâtuhpa a kupheizy hnohta Athihkhih lâ ama zu.

DÂNIAH 4:12

A hnazy a ngia kaw ta, a theizy hluh ta, hro hnei to zydua châta nie awpa ano liata a y. Râhsazy ta a nohdi a chhai ei ta, avâ pavawzy ta a chiahzy liata pahrâ ei ta, sapa zydua ano tawhta pasapa ta ama y.

HÔSIA 13:10

Na bei cha khataih lia a y haw? Na khihpi to liata châ pachha awpa bei cha, Khataih liata a y haw? Na ryureituhpazy khataih liata ama y haw? “Bei nata beimachâzy na pie teh,” Tahpa ta nâ hawpazy kha, Khataih liata ama y khai haw?

RYUREITUHPAZY 9:15

Ahloh buh ta thozy hnohta, ‘Palôh hmeiseihpa ta nama bei châta sathaw eina thu tlai khiah ei chi ta cha, a vy u la, ei nohdi liata a vaw pahâ teh u. Cha hawhta a châ vei khiahta deikua cha, ahloh buh tawhta mei vaw pua sala, Lebanaw sidy thozy cha kâ khai mawh sy,’ tah ta.

1 SAMUELA 12:3

Tahmâ nama hmiakô liata ei duah hih. Eina reipasipasua nawpa ei chi nama hneipazy cha, Abeipa hmiakô liata nata a sathawthupa hmiakô liana heta reih teh u. Ahy viahchao tôhpa ma ei chhu? Ahy alâ ma ei chhu? Ahy ma ei dôvei? Ahy ma ei tlybai? Ahy ku tawhta ma panaopapana ei la? Cha panaopapana chata a mo a pachaopa ei châ ma? Reih teh u, ei cha thô khai aw ei,” tah ta.

1 SAMUELA 12:5

Samuela ta ama hnohta, “Ei ku liata adoleina khâpa hmah hmô veih ei chi tahpa tanoh he Abeipa cha nâmo châ pahnokheituhpa châ ta, a sathawthupa chhao pahnokheituhpa a châ hra,” tah ta. Âmo ta, “Ano cha pahnokheituhpa a châ,” tah ei ta.

1 SAMUELA 16:6

Amâ vy nahta, Samuela ta Eliabâ cha kei moh ta, “Abeipa sathawthupa cha, a hmiakô liata a vypa tlai he na a châ,” tah ta.

1 SAMUELA 24:10

Pachâ teh, tanoh lôpu liata Abeipa ta nâ cha ei ku liata na hlâ ta, cha cha na mo tlai ta tanoh na hmô haw. Thokha ta cha thie awpa ta na chho ei ta, châhrasala cha pahro na ta, ‘Ei zibeipa chô liata ei ku rai hy aw va na, Abeipa sathawthupa a châ hih,’ tahpa ta ei chho ei.

1 SAMUELA 24:6

A chyhsazy hnohta, “Ei zibeipa, Abeipa sathawthupa chô liata, he hmo ei taopa he pha vei. Abeipa sathawthupa a châ tahpa ei pahno thlâh hapa tlai ta, a chô liata ei ku ei pathla thlâh hapa he Abeipa ta khoh vei,” tah ta.

1 SAMUELA 26:16

Na hmotaopa kha a pha lei ngaita. Abeipa hrona reipa ta ei reih, Abeipa sathawthupa na zibeipa na vaih leipa vâta, a thi tlâh na châ. Abei luh chô liata asei nata titheih kha khataih liata ama y, vaw moh tua,” tah ta.

1 SAMUELA 26:9

Châhrasala Dâvi ta Abisai hnohta, “Pahleipadia khah y, Abeipa sathawthupa chô liata ku pathla ta, thai a châpa ahy ma a y beih?” tah ta.