CHAPHÔHTUNA 4:2 - Mara Bible RV (BSI)

² Zaio sawchapawzy cha, Ngôh suapa hawhta a sôhpazy ama châ; Tahmâ deikua cha alei beih hawhta pachâpa châ ei ta, Beihvituhpa ku ta taopa hawhta pachâpa ama châ ha bâ!

CHAPHÔHTUNA 4:2 ပူးပေါင်းရင်းမြစ်များ

ISAI 30:14

Alei beih a dizao khai hana taihta taichheih ei ta, A keina hry liata chakoh mei la nawpa Beihkaopa dâhdei y khao leipa ta, Tikhaoh ti thai nawpa chhao a y khao leipa hawhta, Moleina liata a paopazy cha ama châ aw.”

ISAI 51:18

Sawchapaw a sapa zydua hry tawhta, Zerusale a chhihtha awpa y leipa ei ta; Sawchapaw a mohôhpa zydua hry tawhta, A ku a patu awpa y veih ei.

ZEREMIAH 19:1

Abeipa ta hetana heta a tah: “Sie la, beihvituhpa beihlei titheih kei chalei la, phopi machâ thokha nata theihthaipazy hry liata machâ thokha a chhi la,

ZEREMIAH 19:11

ama hnohta hetana heta na tah aw, ‘Pheisaihzy Abeipa ta hetana heta a tah: Chyhsa ta beihvituhpa beihlei titheih pakei ta, taopathi thei awpa a châ khao leipa hawhta, he phopi nata he khihpi he pakei aw na ta, taopathi theipa châ khao aw vei. Athipa rizy cha su hro liata pabu nawpa su a y lei awpa vâta, Tôphe liata tlâ ama pabu khai aw.

ZEREMIAH 22:28

He Kôniah he beih keipa mohnaochhihpa, Ahy hmahta ama khoh khao leipa kha châ vei ma? Chavâta ano nata a pathlazy cha, Ama pahno leipa râh lâ thypa ta ama ypa châ vei ma?

CHAPHÔHTUNA 2:21

Khiliah dohlei hry liata, Hawti machâ amâ zawh; Ei satlia laihsa zy Zaozi ta ama pao haw; Na hiehâhna noh liata thie ei ta, Ngiachhiena rai hnei leipa ta ama thie khai haw.

CHAPHÔHTUNA 5:12

Beimachâzy cha ama ku liata buhpa ta bangieh ei ta, Machâzy chô liata zana palâsa khao veih ei.

HÔSIA 8:8

Izarei cha ama palâ khai haw; Phopizy hry liata y ta, Hmobaoh hmâ tlâh leipa a châ bâ.

ZEKARIA 9:13

Zudâh cha ei libaw châta a kei na ta, Epharai cha a châtai ta ei tao haw. Hy Zaio, na sawchapawzy ei pathyu aw, Hy Krikâh, na sawchapawzy ei dyuh aw, Pasaipha zaozi hawhta ei cha pahieh aw.

2 KAWRINI 4:7

Châhrasala hmotaotheina rônah ngaitapa he, keimo tawhta a puapa châ leipa ta, Khazohpa eih a châpa eima palâsa thei nawpa ta, cha ryu cha alei beihzy liata eimâ vao.

2 TIMAWTHY 2:20

O rônahpa liata tâkâ nata ngôh ta taopa hmobaohzy dei y leipa ta, tho nata beihlei ta taopazy chhao a y. Thokha sôh via ta, thokha a sôh lei via.