CHAPHÔHTUNA 4:17 - Mara Bible RV (BSI)

¹⁷ Hraoleipa ta baona eima mokhâhna liata Eima mozy a bâ khai haw; A pachha thei lei awpa phopi tlai cha, Hâ chaimâh pi ta eima mokhâh.

CHAPHÔHTUNA 4:17 ပူးပေါင်းရင်းမြစ်များ

2 ABEIZY 24:7

Babylaw bei ta Izi bei ry liata a ypa, Izi Chavah tawhta Ufrâti chavah taihta râh zydua a la khai hapa vâta, Izi bei cha a râh tawhta kaw pua khao vei.

ISAI 20:5

Ama hnabeiseihna Kusi nawhna nata amâ palaikheipa Izi nawhna vâta nôpopa nata nozapa ta ama y aw.

ISAI 28:18

Thina nata biehrai nama taopa phiepa châ aw ta, Athihkhih nata bie namâ taihpa chhao a duah aw vei. Tisaih rarôh ypa a tlô tita, A cha la ha aw.

ZEREMIAH 2:18

Tahmâ Nile tizy doh awpa ta Izi lâpi nâ chhihpa cha, Khâpa athôhna ma na hmô aw? Ufrâti tizy doh awpa ta Asuria lâpi nâ chhihpa chhao, Khâpa athôhna ma na hmô aw?

ZEREMIAH 2:36

“Khazia na yzie pananopa ta, Nâ khiekhâ ngâ thlâh haw? Asuria ta maophyuhpa ta a cha sopa hawhna khata, Izi ta maophyuhpa ta a cha soh aw.

ZEREMIAH 2:37

Abeipa ta nâ ngâchhâpazy dytha ha ta, Âmo vâta vânoh na to khao lei awpa vâta, Na kuzy na luh liata khaihpa ta, Cha su tawhta na pua aw.”

ZEREMIAH 8:20

“Sâh hria daihti khô ha ta, Nopi daihti a chhâ haw; Châhrasala pachhapa châ to ma pi,” Ei phopi zuah ta a tah.

CHAPHÔHTUNA 1:19

“Ei khopawzy aw ei na ta, Châhrasala einâ paphasai khai ha ei; Ei theihthaipazy nata ei machâzy chhao, Khihpi liata ama thi khai haw; Ama hro a pazao nawpa ta niedo tlua ei ta, Ama hmô leipa vâta ama thi khai haw.

CHAPHÔHTUNA 1:7

Zerusale cha a viavi pasataona noh liata, Hlâno ta hmo sôhpa a hneipa zydua kha â kaw thei. A khihsawzy khakhaipa ku liata ama pao nota, A bao awpa y khao veih ei; A khakhaipazy ta moh ei ta, A paopa cha ama pahneisao.

CHAPHÔHTUNA 5:6

Rihbiena khi viahchhâ hnei awpa ta, Izi lâ ku dao pi ta, Asuria lâ ku eima dao.

EZEKIA 29:16

Izarei pathlazy ta baona ama hia tita, Izi moleina amâ thei ha tyhpa vâta, amâ ngâchhâpa châ khao aw veih ei. Chatanachata Abeipa Zehôvâh ei châ tahpa ama pahno aw.”