CHAPHÔHTUNA 3:51 - Mara Bible RV (BSI)

⁵¹ Ei khihpi sawchanô zydua vâchhiena ei hmôpa ta, Ei pachâ thata a parôhsa.

CHAPHÔHTUNA 3:51 ပူးပေါင်းရင်းမြစ်များ

ÂTHAONA 44:34

Hawtipa ei hnohta a sie leipa khiahta cha, kheihta ma ei paw lâ ei khy ngâh aw? Ei paw chô liata chhiena a tlô awpa cha moh ngâh va na,” tah ta.

ZEREMIAH 11:22

Chavâta Pheisaihzy Abeipa ta hetana heta a tah: “Moh teh u, âmo cha ei hrie aw ei. Satliapazy zaozi ta thi aw ei ta, ama sawchapawzy nata ama sawchanôzy chakâhna ta ama thi aw.

ZEREMIAH 14:16

Hrohsona bie ama chhopa zawpi chhao, chakâhna nata zaozi vâta Zerusale khiliahzy liata thypa châ aw ei ta, âmo chhao, ama lapinôzy nata ama sawchapawzy nata ama sawchanôzy chhao, pabupa châ tlâ aw veih ei. Ama paraona ama chô liata ei lei thlu aw ei.

ZEREMIAH 14:18

Lyu lâ ei sie tita, Zaozi ta thiepazy sai hmô ei na ta; Khihpi liata ei ngia nota, Chakâhna vâta riethei pasataona sai ei hmô. Hrohsopazy nata theihthaipazy cha, Ama rai hriapa ta râh chahryh ei ta, A pachâ nawpa rai pahno veih ei.’”

ZEREMIAH 19:9

Ama sawchapawzy nata ama sawchanôzy sa paniesa aw ei na ta, ama chariahpazy nata ama hrona la a chhuahpazy ta dôh aw ei ta, nôpopa ta ama paysa tita, mo to ta ama vaihzy sa ama nie aw.’

CHAPHÔHTUNA 1:18

“Abeipa cha a siapa châ ta, A bie a zyh leipa cha keima he ei vaw châ; Chatahrasala Hy phopi zydua saih u, nathlie u la, Ei pasataona he moh tua u; Ei satlia laihsa zy Seichâna lâ ama sie khai ha hih.

CHAPHÔHTUNA 2:11

Ei chana ta ei mo zoh ha ta, Ei pavyhpi thata â tlao; Ei phopi sawchanô leidiana vâta, Ei hmôkhaw alei liata a sa ta; Hawsaih nata sâhpi a ngiehpazy khiliah liata panaona vâta, Ei hmôkhaw alei liata â sa.

CHAPHÔHTUNA 2:21

Khiliah dohlei hry liata, Hawti machâ amâ zawh; Ei satlia laihsa zy Zaozi ta ama pao haw; Na hiehâhna noh liata thie ei ta, Ngiachhiena rai hnei leipa ta ama thie khai haw.

CHAPHÔHTUNA 3:50

Abeipa ta vârâh tawhta za moh sala, A hmô hlâlei cha ei mothlih a loh lymâ aw;

CHAPHÔHTUNA 3:52

“Ei chariahzy ta a chhâpa y leipa ta Pavaw hawhta einâ byh ei;

CHAPHÔHTUNA 5:11

Zaio liata chanôzy patupakhi ei ta, Zudâh khihpizy liata laihsazy ama patupakhi.