CHAPHÔHTUNA 3:39 - Mara Bible RV (BSI)

³⁹ Khazia chyhsa hrohpa ta paphôhpa ta, A moleinazy vâta hriena kyh liata a paphôh tly?

CHAPHÔHTUNA 3:39 ပူးပေါင်းရင်းမြစ်များ

2 ABEIZY 3:13

Elaisâh ta Izarei bei hnohta, “Nâ nata kei ta azaona khâpa eima hnei? Na paw hrohsopazy lâ sie la, na nô hrohsopazy lâ sie teh,” tah ta. Izarei bei ta a hnohta, “Sie aw va na., He bei pathôhzy he Môabâ ku liata hlâ awpa ta Abeipa ta miah a awpakhypa a châ hih,” tah ta.

2 ABEIZY 6:32

Elaisâh cha a o liata a tyuh thlâh ha ta, machâzy a hnohta a tyuh ei ta. Abei ta a hmia lâta chyhsa pakha tuah ta. Châhrasala lyuhchâpa a kei tlô hlâta Elaisâh ta machâzy hnohta, “Lianycheituhpa ta ei luh la awpa ta chyhsa a vaw tuapa hao nama hmô ma? Lyuhchâpa a vaw tlôpa nahta ochhi khaw khâh u la, ochhi liata khâchâ pakhâ ha muh vy. A zibeipa phei pyu ta a vaw pazi pâ haw,” tah ta.

2 ABEIZY 6:33

Cha hawhta a chho hai no ei ta, lyuhchâpa cha ano lâ a zu ta, a hnohta, “He hmo pha leipa he Abeipa vaw tuapa a châ hih! Khazia Abeipa cha ei hâ khao aw?” tah ta.

EZRÂ 9:13

Eima chô liata hmo tlôpazy he moleina hmo eima taopazy nata eima thaileichâna lai ngaitapazy vâta a châ. Chatanachôta Hy eima Khazohpa y, eima moleina nata â phuhpa hlâta a nai viapa ta miah hrie chi ta, he hawhta laibâhpazy miah na pahlôh.

ZAWBÂ 11:6

Sona bieru cha chho sala ei tah kaw dia! Ano cha pahnona ta a biepa châ tlôh ta. Chavâta he he pahno mah y, Khazohpa ta na paraona hlâta nai viapa ta, Na chô liata a taopa tlao a châ hih.

ZAWBÂ 15:13

Na thlahpa ta Khazohpa chakhia chi ta, Cha hawhpa bie cha na pakah tawhta a pua tly?

HLAZY 107:17

Thokha cha hru kawpa ta moleina lâpizy a chhih ei ta, Ama paraonazy vâta pasataopa ta ama y.

BIESOZY 19:3

Chyhsa ta ano hruna vâta a lâpi a raopa tlai cha, Abeipa chô liata palôh ruchhôna a hnei tyh.

ISAI 51:20

Na sawchapawzy panao ei ta, Sao liata sathawh a aopa hawhta, Khiliah chaki to liata amâ zia; Abeipa pathiiana ta bie ei ta, Na Khazohpa rana ta ama bie.

ZEREMIAH 10:19

Ei hmahphaopa vâta ei hu po ta, Ei hmah a ru kaw dia! Châhrasala, “He he pasataona cha châ ta, Ei tao awpa tlai na a châ,” ei tah tyh.

ZEREMIAH 30:15

Khazia na hmah vâta na cha? Na pasana patlâh thei awpa châ vei. Na thaileichâna lai tu ha ta, Na moleina a hluh tupa vâta, Cha hmozy cha na chô liata ei taopa a châ.

CHAPHÔHTUNA 3:22

Chhawh pathlahpa ta eima y leipa he Abeipa kyhpachâna vâta châ ta, A zawngiahna a chhâ beih leipa vâta a châ.

THEIHTHAINA 26:41

ama paraonazy vâta ama kho leizie ta hmo tao na ta, ama chariahpazy râh lâta ei chhipa ei kha pahnopa ta, ama pathipalôh chopawtaileipa a panawh ei sala, ama hmo paraona tawhta a taopathi amâ chhuah khiahta cha,

THEIHTHAINA 26:43

Châhrasala râh cha siesaipa ta y aw ta, âmo y leipa ta roryhrapa ta a y chhôh ta a Pahânohzy a hmâh aw. Ei ryhpazy zyh khoh leipa ei ta, ama hro ta ei bieraopazy â haopa vâta, ama paraona vâta hriena cha amâ tyh awpa a châ.

MIKÂ 7:9

A chô liata ei molei hapa vâta, Ei kyh na reikhei sala, Pachiana eina taopa hlâlei cha, Abeipa ruchhôna ei phaoh aw. Khaihna lâ nâ chhi papua aw ta, A thaipachâsana ei hmô aw.

MALUHREINA 11:11

Mawsi ta Abeipa hnohta, “Khazia châ chakaotuhpa chô liata hmo pha leipa na tao? Kheihawhpa liata ma na mody leipa ta y na ta, he zawpi zydua phaohri he ei chô liata na pahnieh tly?

MALUHREINA 16:41

A mylâ ta, Izarei zawpi zydua ta Mawsi nata Arawna chô liata, “Abeipa phopi chyhsazy nama thie” tahpa ta paphôh ei ta.

MALUHREINA 17:12

Izarei sawzy ta Mawsi hnohta, “Moh teh, eima leidia ha hih! Paraopa châ pi ta, eima zydua ta paraopa eima châ ha hih.

BIEPHUAH 16:9

Chatanachata chyhsazy cha ama u khaina taihta noh sah ngaitapa ta pakâhpa châ ei ta, potlana chô liata biehneituhpa Khazohpa moh cha chhiesapa ei ta. Châhrasala ro khoh hlei leipa ei ta, Khazohpa palyupalih veih ei.