CHAPHÔHTUNA 3:36 - Mara Bible RV (BSI)

³⁶ Ryureina liata chyhsa bie pakosapa chhao, Abeipa ta paryhsa hra vei.

CHAPHÔHTUNA 3:36 ပူးပေါင်းရင်းမြစ်များ

2 SAMUELA 11:27

Mâchhiesana daihti a chhâ nahta, Dâvi ta chyhsa tuah ta, Bâsebâ cha a o lâ a chhi ta, a lapinô vaw châ ha ta. Dâvi châta sawchapaw sapa ta, châhrasala Dâvi hmotaopa ta Abeipa cha palysa leipa ta.

HLAZY 94:5

Hy Abeipa, na phopi chanaoh ei ta, Na ryuto ama tlybai.

BIESOZY 24:12

“Pachâ teh, he hmo he pahno ma pi,” Na tah khiahta cha, Palôh khopathliahtuhpa ta pahnopa ta, Na hro a vaotuhpa ta pahno thlâh ha ta, Chyhsa to ama hmotaopa lymâ hawhta viari a thô aw ei.

ISAI 59:15

Ngâchhihna y khao leipa ta, Chavâta hmo pha leipa a bâhsaituhpa cha, Anosasyh ta hraona hmo ta â tao tyh. Abeipa ta cha cha moh ta, Adona rai a y leipa vâta â ly lei kaw tyh.

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

CHAPHÔHTUNA 3:59

Hy Abeipa, ei chô liata hmo doleipa ama taopa hmô chi ta, Nâ ta ei thâtih pachia mah y;

HABAKU 1:13

Na mo cha moleina mo nawpa ta pathaih tu ha ta, Paraonazy moh thei vei. Chyhsa ta piehpie kawpa ta hmo a tao nota, Khazia na y molo thlâh haw? Moleipa ta ano hlâta chyhsa sia viapa a palâ nota, Khazia nâ chalih thlah haw?

RYHPACHANEINA 25:1

“Chyhsazy ta ama likah liata biepeipa ama hnei khiahta cha, ryureina lâ tlôkhei aw ei ta, ryureituhpazy ta ama pachia aw. Mosiapa cha thai pachâsa aw ei ta, moleipa cha thailei ama pachâsa aw.