CHAPHÔHTUNA 3:26 - Mara Bible RV (BSI)

²⁶ Abeipa pachhana hmô awpa ta, A chalihpa ta hâpa cha hmo phapa a châ.

CHAPHÔHTUNA 3:26 ပူးပေါင်းရင်းမြစ်များ

ÂTHAONA 49:18

“Hy Abeipa, na pachhana ei hâ thlâh haw!

2 THÂTIHZYRONA 20:17

He adyuhna he nâmo a dyuh awpa byuh aw vei. Namâ duana liata â ipa ta a duah u la, Hy Zudâh mo nata Zerusale mo saih u, nâmo vyuhpa ta Abeipa pachhana cha moh teh u,’ a tah. Chavâta chi leipa u la, a ngiaroh hra khuh vy. A dyuh awpa ta mylâ pua teh u. Abeipa nama hnohta a y aw,” tah ta.

HLAZY 119:166

Hy Abeipa, na pachhana hnabeiseih na ta, Na biepiepazy ei tao lymâ.

HLAZY 119:174

Hy Abeipa, na pachhana vâ ngaita na ta, Na ryhpa cha ei lyna a châ.

HLAZY 130:5

Abeipa cha hâ na ta, Ei thlahpa ta hâ thlâh ha ta, A bie liata hnabeiseihna ei hnei.

HLAZY 37:34

Abeipa cha hâ la, A lâpi a chhih mah y; Cha cheihchalopa ta, Râh ryu cha patosa aw ta, Moleipazy chhawh pathlahpa ama châ nota na hmô aw ei.

HLAZY 37:7

Abeipa hmiakô liata a chalih la, Ano cha hâ hualua mah y. Moleipa a dyhpha tita na pachâ chhie leipa sala, Chhiena a patlôsatuhpa chyhsa vâta na pachâ chhie hra khah sy!

HLAZY 52:9

Cha hmo cha na taopa vâta, Chhâzaw ta alyna bie cha hlâ aw na ta; Na mopathaihpazy mohmô liata, Na moh ei hâ hualua aw; Cha cha hmo phapa châ tlôh ta.

HLAZY 54:6

Lôhthai hlâna ta nâ lâ atheihna hlâ aw na ta, Hy Abeipa, na moh ei reithai aw, Cha cha hmo phapa châ tlôh ta.

HLAZY 62:2

Ano deita cha ei lôpanô nata ei pachhana châ ta, Ei thokhy châ ta, A chalyu beih aw va na.

HLAZY 73:28

Kei châta deikua cha, Khazohpa a hniapa he a pha na; Abeipa Zehôvâh cha ei chhaina ta hmâh na ta, Na raihria kyh zydua ei chho lymâ aw.

HLAZY 92:1

Abeipa lâta alyna bie reipa cha pha ta, Hy Chônôchaipa, na moh reithaipa ta sapa cha a pha na.

PUASAINA 14:13

Mawsi ta Izarei phopi hnohta, “Chi khah u, â ipa ta a duah u la, Abeipa pachhana tanoh a vaw tlô awpa mokhâh teh u. Tanoh ta Izi chyhsa nama hmôpazy he chhâzaw ta hmô heih khao aw veih ei chi.

PUASAINA 14:14

Abeipa ta a châ dyuhpa aw ei. Nâmo deikua cha a thlih thlâh ha teh u,” tah ta.

ISAI 30:15

Abeipa Zehôvâh, Izarei Mo Pathaihpa ta hetana heta a tah: “Rona nata apahâna liata nama pachhana y ta, A thlih thlâh hana nata ngâna liata nama thatlôna a y.” Châhrasala khoh leipa ei chi ta,

ISAI 30:7

Izi baona cha phahnai leipa châ ta, Aruapa a châ; Chavâta Izi cha, “Rahâbi a tyuh molopa,” Tahpa ta a moh ei bi.

ISAI 7:4

a hnohta, ‘Â vaih la, a thlih thlâh ha la, chi khah y. He meirei peih pachhupa khu ngâpa miano, Aramia bei Rezi nata Remâliah sawchapawpa hiehâhna ru ngaitapa vâta na palôh dua khah sy.

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

CHAPHÔHTUNA 3:27

A thyutlia daihti liata raopaky a kypa chyhsa cha, Ano châta hmopha a taopa a châ.

HABAKU 2:3

Aluahna cha a daihti raopa hâ chy ta, Chhâna kyh reih ta, Rei chhei aw vei. Vaw tlô mâh vei hra sala, Hâ hualua mah y; A vaw tlô thlyu aw, Hawh aw vei.

KALATIA 4:18

Achhuahna phapa châta la, nama hnohta ei y nota dei châ leipa ta, khatino rai ta phahnai a ngiahpa a pha.

HEBRAI 10:35

Chavâta namâ ngiapâna alôhna, lymâ rônahpa a hneipa cha thy khuh vy.

HEBRAI 3:14

Âthaona liata eimâ ngiapâna alôhna kha achhâna taihta eima patu khiahta cha, Krista a hneituhpazy eima châ. Chavâta,

1 PITY 1:13

Chavâta nama palôh chai a saihpa ta a hrohrua u la, Zisu Krista â vaw luah tita ngiachhiena a cha vaw phaopa awpa ei cha khâchâ hnabeiseihpa ta y teh u.