CHAPHÔHTUNA 3:25 - Mara Bible RV (BSI)

²⁵ Abeipa cha ano a hâtuhpazy châta pha ta, Ano a tluatuhpa hro châta a pha.

CHAPHÔHTUNA 3:25 ပူးပေါင်းရင်းမြစ်များ

ÂTHAONA 49:18

“Hy Abeipa, na pachhana ei hâ thlâh haw!

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 19:3

Chatahrasala Aseri tôhzy râh tawhta pahleipadia chi ta, Abeipa tluana lâta na palôh na paheipa vâta, phana khazie rakha ma cha na hnei,” tah ta.

2 THÂTIHZYRONA 30:19

Abeipa, a pathlatuhpazy Khazohpa tlua awpa ta a palôh a paheipa maih cha, supathaihpa ryhpa hawhta pathai tuapa a châ leipa chhao ta, Khazohpa ta a ngiahthai mawh sy,” tah­pa ta thlahchhâ ta.

2 THÂTIHZYRONA 31:21

Hezekia cha Khazohpa o liata chakaona raihria ky liata zy, ryhpa kyh liata zy, biepiepa kyh liata zy, a Khazohpa tluana kyh liata zy, a taopa maih liata pathipalôh tlokhuh ta tao lymâ ta, chavâta thlaochhipa ta a y lymâ.

EZRÂ 8:22

“Eima Khazohpa ku cha ano a tluatuhpa zydua chô liata phana châta y tyh ta, a pathiiana hmotaotheina deikua cha, ano a heisaituhpa zydua chô liata a y tyh,” tahpa ta abei eima chho hapa vâta, lâpi liata eima chariahzy tawhta miah vaih awpa pheisaih nata arâ pheisaihzy abei lâta hia awpa ei noza kawpa vâta, kâhvileipa ta thlahchhâna cha ei phuahpa a châ.

HLAZY 105:3

A moh pathaihpa parônahsa u la, Abeipa a tluatuhpazy palôh cha, Thaphapa ta y mawh sy!

HLAZY 119:2

A bieraopazy a zyhtuhpazy cha nohlao ei ta, Pathipalôh tlokhuh ta ano a tluapazy cha ama nohlao na.

HLAZY 22:26

Pasataopazy lôhrâtlôpa ta nie aw ei ta, Ano a tluatuhpazy ta Abeipa cha ama reithai aw! Nama palôhzy chhâzaw ta hroh thlâh ha mawh sy!

HLAZY 25:8

Abeipa cha aphapa nata adopa châ ta, Chavâta moleipazy lâpi a pahmô tyh ei.

HLAZY 27:14

Abeipa cha hâ la, Thatlôpa ta y mah y! Abeipa cha hâ la, Riahphapa ta y mah y!

HLAZY 27:8

“Ei hmia na tlua muh vy,” tah chi ta, “Hy Abeipa, na hmia tlai cha ei tlua,” tahpa ta, Ei palôh ta a cha chho.

HLAZY 37:34

Abeipa cha hâ la, A lâpi a chhih mah y; Cha cheihchalopa ta, Râh ryu cha patosa aw ta, Moleipazy chhawh pathlahpa ama châ nota na hmô aw ei.

HLAZY 37:7

Abeipa hmiakô liata a chalih la, Ano cha hâ hualua mah y. Moleipa a dyhpha tita na pachâ chhie leipa sala, Chhiena a patlôsatuhpa chyhsa vâta na pachâ chhie hra khah sy!

HLAZY 39:7

“Hy Abeipa, tahmâ he khâpa ma ei hâ chy tly? Ei hnabeiseihna cha nâ liata y tlôh ta.

HLAZY 61:1

Hy Khazohpa, ei awna he thei la, Ei thlahchhâna he nathlie mah y.

HLAZY 61:5

Hy Khazohpa, ei bietaizy thei ha chi ta, Na moh a chituhpazy ryuto eina patosa ha chi.

HLAZY 69:32

Areisipazy ta cha cha hmô aw ei ta, Amâ ly aw; Nâmo, Khazohpa a tluatuhpazy saih u, Nama palôh a hra mawh sy.

HLAZY 71:14

Kei deikua cha hnabeiseihpa ta khâ y aw na ta, Ei cha reithai via rili aw.

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ISAI 26:9

Ei hro ta zâ ta cha vâ ta, Ei chhôh liata ei thlahpa ta mydi ta a cha pado tyh. Na pachianazy alei chô liata a vaw tlôna maihta, Khizaw chyhsazy ta siana amâ chu tyh.

ISAI 30:18

Chatahrasala Abeipa cha, Cha ngiachhie awpa ei ta cha hâ thlâh ha ei ta; Nama chô liata zawngiahna palâsa awpa ta, Anosasyh ta â cheihchalo aw. Abeipa cha adona Khazohpa châ ta, Ano a hâtuhpazy cha vânoh ama to aw.

ISAI 40:31

Abeipa a hâtuhpazy deikua cha, Ama thatlôna pathieh aw ei ta, Pahmôhpi hawhta mathlaw ta amâ zaw aw; A râ aw ei ta, Ama tha chhâ leipa aw ta; Sie aw ei ta, Panao aw veih ei.

ISAI 55:6

“Hmô thei awpa ta a y nota Abeipa cha tlua u la, Â hnia nona heta aw teh u!

ISAI 64:4

Nâ hawhpa Khazohpa thâtih he, Hlâno tawhta nah ta thei beih leipa ei ta; Ano a hâtuhpazy châta hmo a tao tyhpa chhao, Nâma leipa ta cha, Khazoh hropa mo ta hmô beih veih ei.

CHAPHÔHTUNA 3:26

Abeipa pachhana hmô awpa ta, A chalihpa ta hâpa cha hmo phapa a châ.

HÔSIA 10:12

Na châta siana chi tu la, Kyhpachâna tleih beih leipa thei hria mah y; Na râhmâhpa palie bâ teh. Tahmâ he Abeipa tlua daihti cha a châ hih, Chatanachata a vy aw ta, Na chô liata siana avâ a pasuasa aw.

ZEPHANIA 3:8

Chavâta pachia awpa ta Ei duah nawpa noh vaw hâ teh u,” Abeipa ta a tah. “Phopizy pahmaoh aw na ta, Khinarâhzy ei awpakhy aw; Ei hiehâhna lei thlu aw ei na ta, Ei pathi sah ngaitapa ei lei thlu aw ei; Biechhâna ei tao haw. Ei hiatliana mei ta Khizaw zydua a kâ khai aw.”

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

ZÂMIE 5:7

Chavâta unawh saih u, Abeipa a vy hlâlei palôh pasipa ta y teh u. Pachâ tua u, lyuhneituhpa cha vâsua hmiatuapa nata vâsua hnôh viapa a hmô hlâlei alei thei sôhpa a hâ hualua tyh.