CHAPHÔHTUNA 3:17 - Mara Bible RV (BSI)

¹⁷ Hro thlalôhna ta nâ hneisai ha ta, Alyna cha kheihta ma a y tahpa ei my haw.

CHAPHÔHTUNA 3:17 ပူးပေါင်းရင်းမြစ်များ

ÂTHAONA 41:30

Cha hnôhlâ ta kô sari chhôh chakâh mozoh vaw tlô aw ta, Izi râh kôvei phana zydua kha my khaipa a châ aw. Chakâhna ta râh a nie khai aw.

ZAWBÂ 7:7

“Ei hrona he ziza hawh dei a châ tahpa a thei mah y, Ei mo heta alyna hmô heih khao aw vei.

HLAZY 119:155

Na bieraopazy ama tlua leipa vâta, Pachhana cha hmoparaopazy tawhta â hla kaw.

ISAI 38:17

Pachâ tua, nôpona thata ei tyhpa kha, Keima pha nawpa châta tlao a vaw châ. Châhrasala kyhpachâna ta ei hrona na pachha chi ta, Raona khaohtlô tawhta eina pachha ha chi; Ei moleina zydua kha, Na hnohky lâ na thy khai haw.

ISAI 54:10

Tlâhpizy ta ama yna su puasaipa ta, Tlâhthlôhzy pasiepa ta ama y thei; Ei ngâchhihna deikua cha, Cha puasai beih leipa aw ta; Ei thlalôhna biehrai chhao, Nâ tawhta pasiepa châ beih aw vei,” Abeipa, châ ngiachhietuhpa ta a tah.

ISAI 59:11

Chavyhzy hawhta eima zydua ta sâh pi ta, Vachhuhzy hawhta thata eimâ hrô. Adona hâ pi ta, Châhrasala y vei; Pachhana hâ pi ta, Châhrasala miah â hla haw.

ZEREMIAH 12:12

Râhchawhpa awphy tlâh lakizy liata, Paraotuhpa vaw tlô ha ta, Râh chhâna hiakha lâ tawhta hiakha lâ taihta, Abeipa zaozi ta a palâ khai haw; Thlalôhpa ta ahy hmah y thei khao veih ei.

ZEREMIAH 14:19

Hy Abeipa, Zudâh cha na thy pathlah ha ma? Na hro ta Zaio a pasi kaw ma? Eima châta patlâhna y leina taihta, Khazia ma pasa miah na pataosa tly? Thlalôhna tlua pi ta, Châhrasala phana vaw tlô leipa ta; Patlâhna daihti hâ pi ta, Chichhihna sai eimâ tyh.

ZEREMIAH 16:5

“Abeipa ta hetana heta a tah: He phopi tawhna heta ei thlalôhna la ha na ta, ei kyhpachâna nata zawngiahna chhao ei la haw. Chavâta mâchhiesana o liata a ngia leipa la, âmo châta chaphôhtu awpa ta tlyma, taokhei awpa ta tlyma, vawh hra khah y, Abeipa ta a tah.

ZEREMIAH 8:15

Thlalôhna mokhâh pi ta, Châhrasala hmo phapa vaw tlô hlei vei; Tlâhna daihti mokhâh pi ta, Châhrasala moh teh u, chichhihna dei a châ hih.

CHAPHÔHTUNA 1:16

“Hezy vâna heta cha na ta, Ei mothlih ti hawhta a loh; Thlapalôhtuhpa hra cha nâ hla ha ta, Ei hro tha nâ patlô awpa y khao veih ei; Chariahpa ta pahniena to ha ta, Ei sawzy roryhrapa ta ama y.”

ZEKARIA 8:10

Kha daihti hlâta cha, chyhsazy châta hria hlao hmô nawpa y leipa ta, sahrohzy châta chhao, hria hlao hmô nawpa y vei. Âmo nata âmo ei padyuhsa khai hapa vâ ei ta, chariahpazy tawhta a boh leipa ei ta, ama tao awpazy thlalôhpa ta tao thei veih ei.